Isaías 38:19 - Tupàn zeꞌeg

¹⁹ Wikuwe ma'e umume'u nekatu haw wà. Amume'u nekatu haw teko wazàwegatete ihe kury. — Teko paw upuner Tupàn rehe uzeruzar haw rehe wà, i'i awa wa'yr wanupe wà.

Isaías 38:19 ပူးပေါင်းရင်းမြစ်များ

Gênesis 18:19

Aexak Àmàrààw hezeupe ihe. A'e rupi uzapo kar heremimume'u ràm wa'yr wanupe nehe, uzuapyapyr wanupe nehe no. A'e rupi izuapyapyr uzapo putar ikatuahy ma'e wà nehe, heze'eg iawy 'ym pà wà nehe. Aze weruzar tuwe heze'eg wà nehe, azapo putar heremimume'u kwer upaw rupi katete ihe nehe, ikatuahy ma'e purupe iapo pà Àmàrààw rehe ihe nehe, i'i uzeupe.

Salmos 118:17

Nàmàno kwaw nehe. Aikuwe wiwi putar nehe. Amume'u putar Tupàn Tuweharupi Wiko Ma'e hemiapo kwer ihe nehe.

Salmos 119:175

Hemuigo kar wiwi pe nehe, o Tupàn. Nezewe mehe apuner putar nekatu haw imume'u pà nehe. Tuwe nepurumu'e haw hepytywà nehe.

Salmos 145:4

O Tupàn, awakwer umume'u putar neremiapo kwer wa'yr wanenataromo wà nehe. Teko paw umume'u putar neremiapo kwer ikàg ma'e wà nehe.

Salmos 146:2

Amumaw putar hekwarahy paw hezar ikatu haw imume'u pà ihe nehe. Amuzàg putar zegar haw ikatu haw rehe herekuwe mehe we ihe nehe.

Êxodo 10:2

Nezewe mehe pepuner heremiapo kwer imume'u haw rehe pena'yr wanupe nehe, penemimino wanupe nehe no. — Tupàn upuka Ezit ywy rehe har wanehe a'e. Uzapo purumupytuhegatu kar haw wanenataromo no, peze pena'yr wanupe nehe, penemimino wanupe nehe no. Nezewe mehe pekwaw putar pezar romo hereko haw nehe, i'i Tupàn Tuweharupi Wiko Ma'e Moizez pe.

Eclesiastes 9:10

Neremiapo ràm paw ezapokatu tuwe nehe. Ta'e nuzeapo pixik kwaw ma'e umàno ma'e kwer wapyta haw pe xe. Naheta kwaw ma'enukwaw paw a'e pe, ni ma'e kwaw paw, ni ma'e kwaw katu haw. Ereho putar a'e pe nehe.

Joel 1:3

Pemume'u uzeapo ma'e kwer pena'yr wanupe nehe. Pemume'u uzeapo ma'e kwer pena'yr wanupe nehe, peze pena'yr wanupe nehe. Nezewegatete wana'yr umume'u putar wa'yr wanupe a'e wà nehe no.

João 9:4

Zama'ereko 'aromo zane, hemur kar har ima'ereko haw iapo pà zane. Pytunaw ihem mehe ni amo nupuner kwaw uma'ereko haw rehe a'e nehe kury. Ko ywy rehe hereko mehe tatainy ài aiko ywy rehe har wanupe ihe.

Deuteronômio 11:19

Pepytu'u zo pena'yr wamu'e re hehe nehe no. Pemume'u wiwi ko ze'eg penàpuz me peneko mehe nehe, peker 'ym mehe nehe, pepu'àm mehe nehe no.

Deuteronômio 4:10

Pemume'u Xinaz ywytyruhu rehe uzeapo ma'e kwer wanupe nehe no. Peiko Tupàn Tuweharupi Wiko Ma'e Zanezar henataromo a'e 'ar mehe. Uze'eg nezewe a'e 'ar mehe. — Emono'og 'aw teko herenataromo ne wà nehe. Wenu putar heze'eg wà nehe. Nezewe mehe ukwaw putar ihewi ukyze haw wà nehe. Umumaw putar u'ar paw ihewi ukyze pà wà nehe. Umu'e putar wa'yr nezewe haw rehe wà nehe no, i'i ihewe.

Deuteronômio 4:9

A'e rupi pezekaiw peneko haw rehe nehe. Pezeruzar tuwe hehe nehe. Peneharaz zo penemixak kwer wi nehe. Pemume'u pena'yr wanupe nehe, penemimino wanupe nehe no.

Deuteronômio 6:7

Pepytu'u zo pena'yr wamu'e re hehe nehe. Pemume'u ko ze'eg penàpuz me nehe, katu pe penàpuz wi peneko mehe nehe, peker mehe nehe, pepu'àm mehe nehe no.