Isaías 37:22 - Tupàn zeꞌeg

²² Uwazar heze'eg ihewe kury. Na'aw ize'eg xe. — Zeruzarez tawhu pe har upuka waiko nerehe uze'eg urywahyahy pà wà, Xenakeriw.

Isaías 37:22 ပူးပေါင်းရင်းမြစ်များ

2 Reis 19:21

— Tupàn Tuweharupi Wiko Ma'e Izaew uwazar putar neze'eg newe nehe kury, i'i izupe. — Zeruzarez tawhu pe har upuka waiko nerehe wà, Xenakeriw. Uze'eg urywahyahy waiko nerehe wà.

Jó 16:4

Aze mo pepuraraw ma'erahy peiko hezàwe, Apuner mo peze'egaw imume'u haw rehe. Azeàkàgmuawawak mo ma'e kwaw katu har ài. Apukamikamik mo heze'eg tetea'u pupe no.

Salmos 31:18

Hemu'em ma'e romo wanekon a'e wà. Tuwe nuze'eg wi kwaw wà nehe. — Aiko wera'u amo wanuwi ihe, i'i wà. — Aiko ikàg wera'u ma'e romo pewi ihe, i'i wà. Uze'eg zemueteahy teko Tupàn heruzar har wanehe wà.

Salmos 9:14

A'e rupi apu'àm iteko Zeruzarez tawhu pe har wanenataromo ihe. A'e rupi amume'u nekatu haw wanupe. Herurywete ta'e hepyro pe màno haw wi ne xe.

Isaías 1:8

Xo Zeruzarez zo numumaw kwaw wà. Nuzawy kwaw uwà rehe ume'egatu ma'e hàpuzràn uwà tyw myter pe har. Nuzawy kwaw tàpuz pixika'i ma'e zàràkàxihu zàwenugar tyw myter pe har. Nuzawy kwaw tawhu. A'e pe har wàmàtyry'ymar umàmàn tawhu iwyr wà.

Isaías 10:32

Kutàri wàmàtyry'ymar uhem putar No tawhu pe wà nehe kury. A'e pe wiko mehe ima'enukwaw Xiàw ipyro àwàm rehe wà, Zeruzarez tawhu ipyro àwàm rehe wà.

Isaías 23:12

Uze'eg nezewe Xitom pe. — Tawhu uzemumikahy ma'e. Tawhu ma'erahy tetea'u ipuraraw par. Epytu'u nerurywete re nehe. Aze neinuinuromo har uzàwehem oho Xip yrypypo'o pe wà nehe, nezewe rehe we nuhem kwaw hezepyk àwàm wi wà nehe, i'i Xitom tawhu pe har wanupe.

Isaías 47:1

Tupàn Tuweharupi Wiko Ma'e uze'eg nezewe a'e. — Mawiron, ereapyk tuwihawete henaw rehe. Ewezyw a'e wi nehe. Eapyk ywy imuku'i pyrer rehe nehe. Ereiko kuzàwaza awa puhe oho 'ym ma'e ài, ipuràg eteahy ma'e ài, uma'ereko pixik 'ym ma'e ài. Ereiko heruze'eg pyr 'ym ài. Aze awa uzapo kar wazyr hemimutar paw izupe, umuaiw a'e. Peiko agwer kuzàwaza imuaiw pyrer ài kwehe mehe. Napeiko pixik kwaw nezewe nugar romo nehe kury.

Isaías 62:11

Ywy nànàn Tupàn Tuweharupi Wiko Ma'e umume'u ko ze'eg a'e. — Peze'eg teko Zeruzarez pe har wanupe nehe. — Pepyro har uhem iko a'e, peze wanupe nehe, — Werur teko wemipyro kwer wanereko uzeupi wà no, peze wanupe nehe.

Jeremias 14:17

— Emume'u nezemumikahy haw teko wanupe nehe, i'i Tupàn ihewe. Aze'eg nezewe wanupe. — Tuwe hereha uzakook herehaykwer tuweharupi nehe, 'aromo nehe, pyhaw nehe no. Tuwe nupytu'u kwaw uzai'o re nehe. Ta'e heremiaihu ikàg 'ym ma'e upuraraw ma'erahy tetea'u wà xe. Nuzawy kwaw teko ikutuk pyrer ikixi pyrer wà.

Jeremias 18:16

Uzapo ko ywy iaiw ma'e romo wà. Tuweharupi teko uze'eg zemueteahy putar ko ywy rehe wà nehe. Hupi wata ma'e ràm paw ipytuhegatu putar hexak mehe wà nehe. Weruwaruwak putar wàkàg wà nehe.

Lamentações de Jeremias 1:15

Urezar umumaw zauxiapekwer ureremiruze'eg na'arewahy a'e wà. Umur kar zauxiapekwer tetea'u kwàkwàmo ureremiruze'eg wazuka kar pà a'e. Ukamikamik teko tawhu pupe har ikatu ma'e wà. Teko ukamikamik ma'ywa uwà itykwer iapo pà wà. Nezewegatete zauxiapekwer umumaw teko paw rupi wà.

Lamentações de Jeremias 2:13

Zeruzarez heremiamutar, ma'e apuner newe imume'u haw rehe. Ma'e azapo putar nemurywete kar pà nehe. Ni amo nupuraraw pixik kwaw ma'erahy nezàwe wà. Iaiw haw nerehe u'ar ma'e uhua'u yryhu ài a'e. Mo upuner nepyro àwàm herur haw rehe.

Lamentações de Jeremias 2:15

Neruwake ukwaw ma'e uze'eg urywahyahy nerehe wà. Uzeàkàmuawawak upuka pà uzehezehe upuranu pà wà. — Puràg eteahy haw ikatuahy ma'e, aipo teko i'i 'aw tawhu pe kwehe mehe wà. — Ikatuahy a'e, aipo i'i teko ywy nànànar izupe wà, i'i wà.

Amós 5:2

Izaew ipuràg eteahy a'e. Ikatuahy kuzà awa puhe oho 'ym ma'e ài a'e. U'ar kwez kury. Nupu'àm wi pixik kwaw nehe. U'ar uiwy rehe. Ni amo nupytywà kwaw imupu'àmaw rehe wà.

Sofonias 3:14

Teko Izaew wà. Pezegar Tupàn pe ikatu haw rehe nehe. Penurywete nehe, Zeruzarez pe har wà. Pemume'u Tupàn ikatu haw pepy'a pupe upaw rupi nehe.

Zacarias 2:10

Uze'eg wi Tupàn Tuweharupi Wiko Ma'e. — Zeruzarez pe har wà. Pezegar penurywete haw rehe nehe. Ta'e azur putar pepyr hereko pà ihe nehe xe, i'i wanupe.

Zacarias 9:9

Penurywete nehe, teko Xiàw rehe har wà. Zeruzarez pe har wà, pezegar penurywete haw rehe nehe. Ta'e penuwihawete uhem wà iko kury xe. Ukàgaw rupi tur iko. Weityk wàmàtyry'ymar wà. Nuiko wera'u kwaw a'e. Zumen iku'az ur iko. Zumeta'i zumen imemyr iku'az tur iko.

Mateus 21:5

Pemume'u tuwihaw tur haw peho nehe, Xiàw tawhu pe har wanupe nehe. Tàrityka'i uhem putar penuwihaw wà a'e nehe kury, pepyr a'e nehe kury. Wata iko zumen ku'az a'e. Zumen imemyr ku'az wapyk pà a'e.

Mateus 27:39

Na'e teko oho a'e pe wanuwake a'e wà. Uze'eg uryw ahyahy Zezuz rehe wà.

1 Samuel 17:36

Amo zàwàruhu iriàw azuka ihe wà. Amo zàwàruhu uruxu azuka ihe wà no. Azuka putar kwez Piri ywy rehe har tupàn a'ua'u wamuwete har nezewegatete ihe nehe no, ta'e uze'eg zemueteahy Tupàn wikuwe ma'e hemiruze'eg zauxiapekwer wanehe a'e xe. Ta'e ipuruzuka wer wanehe a'e no xe.