Isaías 34:7 - Tupàn zeꞌeg

⁷ Uzuka putar tapi'ak hehaite ma'e a'e teko wanehe we wà nehe no. Uzuka putar tapi'aka'yr kuzà wà nehe. Uzuka putar tapi'aka'yr awa wà nehe no. Wanuwykwer umuàkym putar ywy 'y ài nehe. Wakawer upyk putar ywy nehe no.

Isaías 34:7 ပူးပေါင်းရင်းမြစ်များ

Salmos 22:21

Hemunyryk kar pe 'aw zàwàruhu iriàw wanuwi nehe. Napuner kwaw hezepyro haw rehe 'aw tapi'ak awa hehaite ma'e wanuwi ihe.

Salmos 68:30

A'e pe neapyk mehe emume'u Ezit ywy imumaw pàwàm nehe. Nuzawy kwaw zàwàruhu takwar inuromo har. O Tupàn, emume'u amogwer ywy wamumaw pàwàm nehe. Nuzawy kwaw tapi'ak awa tetea'u wana'yr wainuromo har wà. Neze'eg henu mehe uzeamumew putar nerenataromo wà nehe. Werur putar parat tetea'u newe wà nehe. Emuhàmuhàz teko zeàmàtyry'ymawhu iputar har ne wà nehe.

Salmos 92:10

Hemukàg kar pe tapi'ak awa hehaite ma'e ài hemuigo kar pà ne. Eremur neze'egatu herehe hemurywete kar pà no.

Isaías 63:6

Apyropyrog teko wanehe hekwahy haw rehe. Aikwahy ihe, a'e rupi azuhaw ihe wà. Azuhezuhen wanuwykwer ywy rehe, i'i Tupàn.

Jeremias 25:34

Pe tuwihaw wà. Peneiheihem nehe. Peiko heremiaihu wanehe uzekaiw ma'e romo. Peneiheihemahy nehe. Pezai'o ywy rehe pewapewak nehe no. Pezuka haw 'ar uhem kwez kury. Pe'ar putar nehe, ta'e pezuka putar àràpuhàràn hexaexak pyrer ài a'e wà nehe xe.

Jeremias 46:21

Wanuwihawete omono temetarer amo zauxiapekwer wanupe puràmàtyry'ymaw hekuzaromo. Nezewe rehe we na'ipuruzukaiwahy kwaw wà. Nuzawy kwaw tapi'ak ikyra katu ma'e wà. Na'ipuruzukaiw kwaw wà. Na'ikàg kwaw zeàmàtyry'ymawhu pe oho àwàm rehe. Uzewyr uzàn pà wà. Ta'e iaiw haw i'ar uhem wà xe. Uhem wamumaw paw 'ar wà.

Jeremias 50:11

Uze'eg wi Tupàn Tuweharupi Wiko Ma'e kury. — Teko Mawiron ywy rehe har wà. Peraha temetarer heywy rehe har paw rupi. Ko 'ar rehe penurywete, Penurywete tuwe. Peiko tapi'aka'yr ka'api'i rehe wata ma'e ài. Peze'eg kawaru hehaite ma'e ài.

Jeremias 50:27

Pezuka zauxiapekwer a'e pe har paw rupi pe wà nehe. Mawiron pe har uzemumikahy putar wà nehe. Uhem wanehe hezepyk àwàm 'ar kwez kury.

Ezequiel 32:6

Azupyk putar ywy neruwykwer pupe nehe. Upyk putar ywytyruhu nehe. Umynehem putar yrykawhu nehe no.

Ezequiel 39:17

Zanezar Tuweharupi Wiko Ma'e uze'eg ihewe. — Awa ta'yr, Enoz wiràmiri paw wamuwà ne wà nehe, ma'ea'yr paw wamuwà ne wà nehe no, ywy nànàn ne wà nehe. — Tupàn umuàgà'ym ma'e penenataromo izuka pyràm iko a'e. Pe'u nehe kury, ere wanupe nehe. Heta putar mynykawhu ywytyruhu Izaew rehe har wanehe nehe. Wiràmiri wà, ma'ea'yr wà no, upuner putar ma'ero'o kwer i'u haw rehe wà nehe, ma'eruwy kwer i'u haw rehe wà nehe no.

Ezequiel 39:18

U'u putar zauxiapekwer wano'o kwer wà nehe. U'u putar ywy rehe har wanuwihaw wanuwykwer wà nehe no. Zauxiapekwer uzuka putar a'e tuwihaw paw wà nehe, ma'ea'yr wazàwe wà nehe: àràpuhàràn hawitu ma'e, àràpuhàràna'yr hawitu ma'e, àràpuhàrànete, tapi'ak ikyra katu ma'e.

Números 23:22

Tupàn upyro Izaew a'e wà, Ezit ywy wi a'e wà. Ikàg tapi'ak awa hehaite ma'e ài.

Números 24:8

Tupàn upyro Izaew Ezit ywy wi wà. Uzàmàtyry'ym waàmàtyry'ymar tapi'ak awa hehaite ma'e ài. Izaew u'u putar wàmàtyry'ymar wà. Uzuhaw zauxiapekwer wàkàgwer wà. Uzuka u'yw pupe wazywà pà wà.

Deuteronômio 33:17

Ipuràg eteahy haw nuzawy kwaw tapi'aka'yr awa ipuràg eteahy haw. I'ak nuzawy kwaw tapi'ak awa hehaite ma'e i'ak. Manaxe izuapyapyr heta tetea'u ma'e wiko i'ak romo wà. Eparai izuapyapyr heta tetea'u ma'e wiko i'ak romo wà no. Zuze uzàmàtyry'ym wàmàtyry'ymar u'ak pupe wà. Oho wanaikweromo ywy nànàn wà.