Isaías 34:4 - Tupàn zeꞌeg

⁴ Tupàn umumaw putar kwarahy nehe, zahy nehe no, zahytata wà nehe no. Ywak uzemàzemàn putar pape huwer ài nehe. Huwer u'ar uwà 'yw wi wà. Huwer u'ar pi 'yw wi wà. Nezewegatete zahytata paw u'ar putar ywak wi nehe.

Isaías 34:4 ပူးပေါင်းရင်းမြစ်များ

Isaías 13:10

Zahytata paw upytu'u putar weny katu re wà nehe. Uhem ire na'arewahy kwarahy ipihun putar nehe. Zahy upytu'u weny katu re a'e nehe no.

Isaías 13:13

Ihe Tupàn Tuweharupi Wiko Ma'e Ikàg Wera'u Ma'e aexak kar putar hekwahy haw hepuruzukaiw paw amo 'ar mehe nehe. A'e 'ar mehe amuryryryryz kar putar ywak ihe nehe. Amunyryk kar ywy henaw wi nehe no.

Isaías 14:12

Mawiron wanuwihawete, zahytata ku'em mehe har heny katu ma'e zàwenugar ne. Ere'ar ywak wi. Ereiko ywy tetea'u wanehe har wanuwihawete romo. Nereityk kwez ywy rehe a'e wà kury.

Isaías 51:6

Peme'e ywak rehe ywate nehe. Peme'e ywy rehe xe ywak iwy pe nehe. Ywak ukàzym putar tàtàxiner ài nehe. Ywy izemàner putar kamir kwehe arer ài nehe. Hehe har umàno putar meru ài wà nehe. Aityk putar heàmàtyry'ymar upaw rupi ihe wà nehe. Hepuner haw upyta tuweharupi nehe. Nupaw pixik kwaw nehe.

Joel 2:10

Wata oho waiko upytu'u 'ym pà wà. Ywy uryryryryz iko a'e. Ywak uryryryryz iko a'e no. Kwarahy upytu'u uhyape katu re. Zahy upytu'u uhyape katu re. Zahytata upytu'u uhyape katu re wà no.

Joel 3:15

Kwarahy upytu'u uhyape katu re. Zahy upytu'u uhyape katu re no. Zahytata upytu'u uhyape katu re wà no.

Mateus 24:29

Uze'eg wi Zezuz urewe. — A'e ma'erahy ipaw ire nehe, kwarahy uwew putar a'e nehe, zahy nuhyape kwaw a'e nehe no. Zahytata u'ar putar kwaw pà ywak wi a'e wà nehe no. Ma'e ywak rehe har uryryryryz putar a'e wà nehe no.

Mateus 24:35

Tupàn umumaw putar ywak amo 'ar mehe a'e nehe. Umumaw putar ywy a'e nehe no. Heze'eg nukàzym pixik kwaw a'e nehe.

Hebreus 12:27

Umuryryryryz kar putar wemiapo kwer a'e wà nehe, wamukàzym kar pà a'e wà nehe. Numuryryryryz kar kwaw weko haw pe har wà nehe. (Nazakàzym kwaw nehe.)

Apocalipse 20:11

Na'e aexak tuwihaw henaw uhua'u ma'e xig ma'e ihe kury. Aexak hehe wapyk ma'e ihe no. Na'e ywy a'e, ywak a'e no, ukàzym oho a'e wi izuwi a'e wà. Ni amo nuexak pixik kwaw waho haw wà. Ni amo nuexak kwaw a'e re wà.

Apocalipse 6:12

Na'e Àràpuhàràna'yr zàwenugar wexak kar amo pape pehegwer ihewe kury. 6 haw ma'erexak kar haw a'e pehegwer her romo a'e. Na'e ywy uryryryryz tuwe a'e kury. Kwarahy uwew a'e no. Ipytunahy pàn ipihun ma'e ài. Zahy ipiràg ma'eruwy kwer ài paw rupi a'e no.

Apocalipse 8:12

Na'e amo Tupàn heko haw pe har upy uxi'àm a'e kury. Amo upei'àg kwarahy kury, ipehegwer i'ok pà izuwi kury. Upei'àg zahy pehegwer no. Umumaw zahytata tetea'u a'e wà no. A'e rupi nuhyape katu kwaw ma'e izypy mehe arer ài a'e wà. Ni 'aromo nuhyape katu kwaw. Ni pyhaw nuhyape katu kwaw.