Isaías 33:3 - Tupàn zeꞌeg

³ Teko uzàwehem neze'eg wànoànog ma'e henu mehe wà. Aze erezapo ma'e, teko ywy nànànar uhàuhàz putar wà nehe.

Isaías 33:3 ပူးပေါင်းရင်းမြစ်များ

Salmos 46:6

Amo ae ywy rehe har ukyze tuwe wà. Tuwihawete wanemiaihu uzemumaw wà. Wànoànog Tupàn, ywy upaw no.

Salmos 59:11

O hezar, ezuka zo heàmàtyry'ymar na'arewahy ne wà nehe. Aze erezuka na'arewahy ne wà nehe, heànàm heharaz putar wakatu 'ymaw wi a'e wà nehe. O urezar, uremimaw zàwenugar, emuhàmuhàz heàmàtyry'ymar nekàgaw pupe nehe. Eityk wamumaw pà ne wà nehe.

Salmos 68:2

Umuhàmuhàz tàtàxiner ài wà. Ukàzym tàtàxiner ywytu rehe. Iraity typyràn tata huwake a'e. Nezewegatete ikatu 'ym ma'e upaw Tupàn henataromo wà.

Isaías 21:15

Ta'e uzàwehem oho waiko zeàmàtyry'ymawhu teko tetea'u wazuka haw wi wà xe. Uzeagaw wàmàtyry'ymar wanuwi uhemaw rehe wà. Wàmàtyry'ymar ipuruzuka wer Nenà izuapyapyr wanehe utakihepuku pupe wà, uwyrapar pupe wà no, u'yw pupe wà no.

Isaías 33:4

Waàmàtyry'ymar uhàuhàz tukur ywàkun ài uzemono'og ma'e wahàz haw ài wà. Weraha uma'e paw uzeupi uzàn mehe wà.

Jeremias 25:30

Ne Zeremi, emume'u ko heze'eg paw teko wanupe nehe. — Tupàn Tuweharupi Wiko Ma'e wànoànog putar 'a pe ywak rehe a'e nehe. Uze'eg putar weko haw pe wiko mehe nehe. Wànoànog putar wemiaihu wakutyr nehe. Teko uhapukaz ma'ywa ikamik mehe wà. Heremiaihu uhapukaz putar nezewe wanehe heànoànog mehe wà nehe no. Teko ywy nànànar paw wenu putar wà nehe.

Jeremias 25:31

Paw rupi wenu putar iànoànog mehe wà nehe. Ta'e Tupàn ipurumume'u wer teko ywy nànànar wanemiapo kwer ikatu 'ym ma'e rehe a'e xe. Umume'u putar teko paw wanemiapo kwer nehe. Uzuka putar ikatu 'ym ma'e wà nehe. Tupàn Tuweharupi Wiko Ma'e uze'eg kwez kury.