Isaías 33:1 - Tupàn zeꞌeg

¹ Ezemumikahy nehe, puràmàtyry'ymar purumumaw ma'e. Ni amo nanezuka pixik kwaw wà. Ezemumikahy nehe, umyrypar zuka har. Ni amo nemyrypar nanezuka pixik kwaw wà. Nepuruzuka re nehe, ma'e imumaw ire nehe, nemumaw putar amo nehe. Nemyrypar izuka re amo nemyrypar nezuka putar a'e nehe.

Isaías 33:1 ပူးပေါင်းရင်းမြစ်များ

Provérbios 22:23

Ta'e Tupàn Tuweharupi Wiko Ma'e umume'u putar waneko haw a'e nehe xe. Uzuka putar wazuka àwàm imume'u har wà nehe no.

Isaías 10:12

Tupàn Zanezar umumaw putar wemiapo ràm nehe Xiàw ywy rehe Zeruzarez tawhu pe nehe. A'e re uzepyk putar Axir wanuwihawete rehe nehe. Tuwihawete wiko wera'u a'e. Umume'u tuwe upuner haw amo wanupe.

Isaías 14:25

Amumaw putar Axir ihe wà nehe. Ko 'ar rehe Axir wiko heywy Izaew rehe wà. Apyropyrog putar wanehe ywytyruhu herenaw pe ihe wà nehe. Apyro putar heremiaihu Axir wanuwi ihe wà nehe. Axir uzàpixipixi heremiaihu kyhàhàmtàtà pupe wà. Amonohok putar a'e kyhàhàmtàtà nehe, heremiaihu wapyro pà wamuhem kar pà nehe. Aupir putar ma'e ipuhuz katu ma'e wakupe pe har ihe nehe, wanuwi ipyhyk pà ihe nehe.

Isaías 17:14

Kwarahy heixe mehe upurumukyze kar wà, ku'em mehe nuikuwe kwaw wà kury. Ukàzym wà. Zaneàmàtyry'ymar wiko putar nezewe a'e wà nehe. Ko 'ar rehe umuaiw zaneywy hereko wà. Weraha zanema'e paw zanewi wà no.

Isaías 21:2

Tupàn wexak kar iaiw ma'e ihewe: Teko uzuka wànàm ywy nànàn wà. Teko uzuka umyrypar wà no. Umumaw tawhu paw wà. Zauxiapekwer Eràw rehe har wà, pezàmàtyry'ym peàmàtyry'ymar peho pe wà nehe. Zauxiapekwer Mez rehe har wà, pemàmàn tawhu waiwyr nehe. Mawiron upuraraw kar ma'erahy purupe a'e wà. Tupàn umupytu'u kar ipuraraw ire wà nehe.

Isaías 24:16

Teko ywy muite wera'u rehe har uzegar Tupàn Ikatuahy Ma'e ikatu haw rehe wà. Xinu wazegar mehe zane wà. Aze'eg nezewe ihe kury. — Hemaranugar ihe. Hepuhareko pe nehe. Napuner kwaw amo ma'erahy ipuraraw paw rehe. Teko wanupe ikatu 'ym ma'e iapo har wà, hemu'em wiwi waiko amo wanupe wà. Heta temu'emaw taw wanàwanàn, a'e ihe.

Isaías 31:8

Uze'eg Tupàn Tuweharupi Wiko Ma'e kury. — Amo takihepuku weityk putar Axir wà nehe. Takihepuku uzuka putar wà nehe. Teko nuiko kwaw a'e takihepuku izar romo wà. Uzàwehem putar zeàmàtyry'ymaw wi wà nehe. Wàmàtyry'ymar umuigo kar putar kwàkwàmo uma'ereko e ma'e romo imunehew pyrer wà nehe.

Isaías 48:8

Akwaw penehe hezeruzar 'ymaw ihe. Akwaw hereruzar har 'ym tuweharupi har romo peneko haw no. A'e rupi napeinu pixik kwaw ko ma'e. Napekwaw kwaw ma'e wazeapo àwàm.

Ezequiel 39:10

Nomono'og kwaw zepe'aw kaiwer pe wà nehe. Nomonohok kwaw ywyra ka'a pe wà nehe no. Ta'e heta putar puruzuka haw heityk pyrer zepe'aw romo wà nehe xe. A'e zauxiapekwer ur Izaew wanehe umunar pà wà, wama'e heraha pà wà. Izaew imunar putar wanehe wà nehe, wama'e heraha pà wà nehe. Zanezar Tuweharupi Wiko Ma'e uze'eg kwez kury.

Sofonias 3:19

A'e 'ar ihem mehe nehe, azepyk putar a'e peàmàtyry'ymar wanehe nehe. Apyro putar pàri ma'e wà nehe. Amono'og wi putar uhàuhàz ma'e kwer wamuwà ihe wà nehe. Amo pemumaranugar kar ywy nànàn peneko mehe wà. Amo 'ar mehe a'e teko umume'u putar pekatu haw wà nehe. Pekàg wi putar nehe no.

Mateus 7:2

Tupàn umume'u putar neremiapo kwer amo 'ar mehe a'e nehe no. Aze pixika'i neremimono amo pe nehe, a'e mehe pixika'i Tupàn hemimur newe a'e nehe no. Aze uhua'u neremimono amo pe nehe, a'e mehe uhua'u putar Tupàn hemimur newe nehe no.

Apocalipse 13:10

Àzàguhu a'e nehe, hemiruze'eg a'e wà nehe no, uzàmàtyry'ym putar Tupàn hemiruze'eg a'e wà nehe. Aze umunehew kar amo wà nehe, tuwe umunehew kar wà nehe. Aze uzuka amo wà nehe, takihepuku pupe wà nehe, tuwe uzuka wà nehe, ta'e Tupàn uputar nezewe haw a'e 'ar mehe a'e nehe xe. Tuwe uzeruzar ma'e nuzàn kwaw a'e mehe wà nehe, tuwe nupytu'u kwaw uzeruzar ire wà nehe.

Apocalipse 16:6

— Ta'e uzuka Tupàn hemiruze'eg a'e wà xe, uzuka ize'eg imume'u har a'e wà no xe, ta'e uzakook wanuwy kwer a'e wà xe. A'e rupi ikatuahy wanehe nezepyk awer kury, i'i izupe.

Apocalipse 17:17

Ta'e Tupàn uzapo kar putar nezewe haw wanupe a'e nehe xe, wemiapo putar haw iapo kar pà wanupe a'e nehe xe. A'e 10 ma'e 'ak a'e wà, nezewe wanekon putar a'e wà nehe. Pitàitàigatu tuwihaw ma'e 'ak zàwenugar a'e wà nehe, uzapo kar putar wemiapo putar haw wemiruze'eg wanupe a'e wà nehe. Amo hemiapo putar haw nuzawy kwaw inugwer wanemiapo putar haw wà nehe. Pitài tuwihaw ài wanekon putar wà nehe, ta'e wanemiapo putar haw uzuawyawygatu a'e wà xe. Omono putar ukàgaw àzàguhu pe wà nehe. Na'e Tupàn 'ar a'e nehe, hemimume'u kwer a'e nehe, uhem putar a'e nehe. (O'ok putar Tupàn wakàgaw àzàguhu wi nehe), i'i ihewe.

Juízes 1:7

Na'e Mezek pe har wanuwihawete uze'eg wanupe. — Azapo nezewe haw 70 tuwihawete wanupe ihe, wakwàhu wapyhàhu imonohok pà ihe. U'u temi'u kurer heywyrapew wi u'ar ma'e kwer wà. Kutàri Tupàn umekuzar heremiapo kwer kwez ihewe kury, i'i tuwihawete Izaew wanupe. Werur zauxiapekwer a'e tuwihawete Zeruzarez tawhu pe wà. Umàno a'e pe.

Juízes 9:23

Na'e Tupàn uma'ereko teko wapy'a pe kury. A'e rupi Amimerek na'iakatuwawahy kwaw awakwer Xikez pe har wanehe. A'e pe har na'iakatuwawahy kwaw Amimerek rehe a'e wà no. A'e rupi teko upytu'u ize'eg heruzar ire wà kury.