Isaías 32:10 - Tupàn zeꞌeg

¹⁰ Pemumaw putar pitài kwarahy amogwemogwer 'ar wamumaw pà nehe. Na'e pepuraraw putar ma'erahy pezemumikahy pà nehe, ta'e naheta kwaw uwà ipo'o haw a'e 'ar mehe nehe xe.

Isaías 32:10 ပူးပေါင်းရင်းမြစ်များ

Isaías 16:10

Turywete haw ukàzym oho ywy katu wi. Naheta kwaw turywete haw rehe zegar haw uwà tyw pe kury. Ni amo nupyrog kwaw uwà rehe itykwer iapo pà wà kury. Tupàn umumaw turywete haw rehe tehapukaz haw kury.

Isaías 7:23

Ko 'ar rehe heta amo uwà tyw a'e pe. Heta miw uwà 'yw a'e pe. Aze mo amo ume'eg kar a'e ko wà, omono mo 11,5 kir itaxig parat hekuzaromo wà. A'e 'ar mehe a'e ywy uzeapo putar kukwer xu heta haw romo nehe.

Jeremias 8:13

Ma'e tymar omono'og wemitygwer a'e. Nezewegatete heporomono'og wer heremiaihu wanehe ihe no. Namono'og kwaw ihe wà nehe. Ta'e nuzawy kwaw ma'ywa 'yw i'a 'ym ma'e a'e wà xe. Nuzawy kwaw ma'ywa uwà i'a 'ym ma'e a'e wà no xe. Te huwer uxinig. A'e rupi apyhyk kar putar waiwy amo ywy rehe har wanupe nehe.

Oséias 2:12

Amumaw putar iko uwà tyw nehe. Amumaw putar iko ma'e'yw pi her ma'e tyw nehe no. Ipuhe uker ma'e kwer omono a'e ko izupe hekuzaromo wà. A'e ko uzeapo putar ka'a romo nehe. Miar u'u putar ma'e a'e pe har paw wà nehe.

Oséias 3:4

Nezewegatete Izaew umumaw putar kwarahy tetea'u tuwihawete hereko 'ym pà wà nehe, amo ae tuwihaw hereko 'ym pà wà nehe no. Nuzuka kwaw ma'ea'yr amo tupàn a'ua'u wanenataromo wà nehe. Naheta kwaw ita aiha katu ma'e tupàn a'ua'u hagapaw wanupe wà nehe no. Naheta kwaw tupàn a'ua'u hagapaw wanupe wà nehe. Naheta kwaw tupàn a'ua'u wanàpuz me har wanupe wà nehe no.

Joel 1:12

Uxinig uwà 'yw wà. Uxinig pi 'yw wà no. Uxinig homà 'yw wà no. Uxinig inàzàràn 'yw wà no. Uxinig maxà 'yw wà no. Ma'e'yw paw uxinig wà. Teko uzemumikahy wà.

Joel 1:5

Peme'egatu nehe, uka'u ma'e wà. Peme'egatu pezai'o pà nehe. Peiko win iputar har romo. Tukur umumaw uwà paw wà. Naheta kwaw win ipyahu ma'e penemi'u ràm romo nehe kury.

Joel 1:7

Umumaw uwà tyw zaneko pe har wà. Umumaw ma'e'yw pi her ma'e zaneko pe har wà no. O'ok ywyra ape kwer ywyra wi wà. Upyta xo hàkà xig ma'e zo.

Habacuque 3:17

Aze pi 'yw na'i'a kwaw nehe, aze uwà 'yw na'i'a kwaw nehe, aze naheta kwaw uri ipo'o pyràm nehe, Aze naheta kwaw arozràn ipo'o pyràm nehe, aze naheta kwaw àràpuhàràn ka'api'i pe wà nehe, aze naheta kwaw tapi'ak pari pupe wà nehe,

Sofonias 1:13

Zauxiapekwer weraha putar wama'e wà nehe. Umuaiw putar wanàpuz wà nehe no. Na'e uzapo wi putar amo wàpuz wà nehe. Nuiko kwaw a'e wàpuz pupe wà nehe. Uzapo putar uwà tyw wà nehe. Nu'u kwaw win a'e pe har iapo pyràm wà nehe.