Isaías 32:1 - Tupàn zeꞌeg

¹ Ur putar amo 'ar nehe. A'e 'ar mehe amo tuwihawete upureruze'egatu putar ukatu haw rupi nehe. Tuwihaw upureruze'eg putar umunar 'ym pà wà nehe.

Isaías 32:1 ပူးပေါင်းရင်းမြစ်များ

2 Samuel 23:3

Tupàn Izaew wazar uze'eg. Izaew wanehe uzekaiw ma'e uze'eg ihewe. Tuwihawete katu haw rupi pureruze'eg ma'e a'e, Tupàn hemimutar iapo pà pureruze'eg mehe a'e,

Salmos 45:1

Ze'eg ipuràg eteahy ma'e umynehem kar hepy'a, Ko zegar haw tuwihawete pe imuapyk mehe pape rehe. Heapeku nuzawy kwaw ze'eg imuapykar ikatu ma'e ikair haw a'e.

Salmos 99:4

O tuwihawete ikàg ma'e, erezamutar katu ikatu haw ne. Eremur nekatu haw Izaew wanupe. Ereruze'egatu kar teko tuwihaw wanupe ne wà. Neremu'emu'em kar kwaw a'e tuwihaw ne wà. Neremumunar kar kwaw ne wà no.

Isaías 11:4

Tupàn ze'eg rupi zo umume'u putar hemetarer 'ym ma'e wanemiapo kwer nehe. Ize'eg upyro putar a'e wà nehe. Uzekaiw putar ma'e hereko 'ymar wanehe nehe. Ize'eg nuzawy kwaw ywyràihàg. Ipupe uzepyk putar ko ywy rehe har wanehe nehe. Upytuhemaw pupe uzuka putar ikatu 'ym ma'e wà nehe.

Isaías 11:5

Weruze'eg putar wemiaihu ukatu haw rupi wà nehe, umunar 'ymaw rupi wà nehe no.

Isaías 16:5

A'e 'ar mehe amo Tawi izuapyr wiko putar tuwihawete romo a'e nehe. Upureruze'eg putar wemiaihu wanuwi utyryk 'ym pà nehe. Weruze'eg putar teko ukatu haw rupi nehe. Uzeagaw putar tuwe ikatu ma'e iapo pà nehe.

Isaías 28:6

— Urepurapo kar wer ikatu ma'e rehe teko wanupe ure, i'i putar pureruze'eg ma'e wà nehe, ta'e Tupàn uma'ereko putar wapy'a pupe nehe xe. Amo zauxiapekwer ume'egatu tawhu weko haw rehe uzekaiw pà wàmàtyry'ymar wanuwi. Tupàn umupytu'u kar putar a'e zauxiapekwer wakyze re a'e wà nehe no.

Isaías 33:5

Tupàn Tuweharupi Wiko Ma'e a'e, tuwihaw zàwe hekon a'e. Wiko ywate. Umynehem putar Xiàw ukatu haw pupe nehe, ma'e rehe umunar 'ymaw pupe wemu'em 'ymaw pupe nehe.

Isaías 4:6

'Aromo wiko putar i'àgaw zàwenugar romo wanupe nehe, kwarahy haku haw wi wapyk pà nehe. Àmàn ikyr mehe ywytu tur mehe teko uhem putar àmàn wi iwype wà nehe.

Jeremias 33:14

Uze'eg wi Tupàn Tuweharupi Wiko Ma'e kury. — Uhem etea'i amo 'ar kury. A'e 'ar mehe azapo putar Izaew wanupe Zuta wanupe heremimume'u kwer ihe nehe.

Jeremias 33:15

A'e 'ar mehe a'e kwarahy rehe amuzexak kar putar amo Tawi izuapyr ihe nehe. Wereko katu putar teko ko ywy rehe har a'e wà nehe. Uzapo putar ikatu ma'e ko ywy rehe a'e nehe.

Ezequiel 37:24

Amo tuwihawete heremiruze'eg Tawi zàwenugar weruze'eg putar a'e teko paw a'e wà nehe. Paw rupi wereko putar xo pitài tuwihaw wà nehe. Weruzar katu putar heze'eg wà nehe.

Oséias 3:5

Amo 'ar uhem putar nehe. A'e 'ar mehe teko Izaew uzewyr putar Tupàn Tuweharupi Wiko Ma'e uzar pe wà nehe. Umuwete katu wi putar wà nehe. Amo tuwihawete Tawi zuapyr wiko putar wanuwihawete romo nehe. A'e 'ar mehe umuwete katu putar Tupàn Tuweharupi Wiko Ma'e ukyze haw rupi wà nehe. A'e ae umur putar uze'egatu tetea'u wanupe nehe no.

Zacarias 9:9

Penurywete nehe, teko Xiàw rehe har wà. Zeruzarez pe har wà, pezegar penurywete haw rehe nehe. Ta'e penuwihawete uhem wà iko kury xe. Ukàgaw rupi tur iko. Weityk wàmàtyry'ymar wà. Nuiko wera'u kwaw a'e. Zumen iku'az ur iko. Zumeta'i zumen imemyr iku'az tur iko.

Romanos 5:21

Teko ikatu 'ym ma'e iapo re a'e wà, nupuner kwaw umàno àwàm wi uzepyro haw rehe a'e wà. Tupàn upuhareko katu a'e wà, a'e rupi umukatu uzeupe wà, uzeupe wamuawyze pà wà. A'e rupi zanemuigo kar putar uzepyr tuweharupi a'e nehe, ta'e Zezuz Zaneruwihawete Zanezar umàno zanerehe a'e xe.

Apocalipse 17:14

Uzàmàtyry'ym putar Àràpuhàràna'yr zàwenugar a'e wà nehe. Àràpuhàràna'yr zàwenugar weraha putar weminoz uzeupi a'e wà nehe, puràmàtyry'ymaw pe a'e wà nehe. Hemixamixak kwer a'e wà nehe, hemiruze'eg uzeruzar katu ma'e a'e wà nehe no, weityk putar àzàguhu a'e wà nehe, weityk putar hemiruze'eg a'e wà nehe no, ta'e Àràpuhàràna'yr zàwenugar wiko putar teko wazar wazar romo a'e nehe xe, wiko putar tuwihaw wanuwihaw romo a'e nehe no xe, i'i ihewe.

Apocalipse 19:11

Na'e aexak ywak izewàpytymawok mehe ihe kury. Kawaru xig ma'e u'àm a'e pe a'e. Awa iku'az hin. Uze'eg rupi ma'e iapo har a'e awa her romo a'e. Ze'eg azeharomoete har imume'u har amo ae her romo a'e no. Umume'u katu tuwe teko wanemiapo kwer a'e. Nahemu'em kwaw imume'u mehe. Uzàmàtyry'ym xo ikatu 'ym ma'e iapo har zo a'e wà nehe no.