Isaías 31:9 - Tupàn zeꞌeg

⁹ Tuwihawete uzàwehem putar ukyze pà nehe. Amogwer tuwihaw wezar putar pànuhu tuwihawete her hereko har wà nehe, ta'e tynehem putar ukyze haw pupe wà nehe xe, i'i Tupàn. Tupàn Tuweharupi Wiko Ma'e umume'u a'e ma'e a'e. Teko uzuka ma'ea'yr wanapy pà ma'ea'yr hapy haw Zeruzarez tawhu pe har pe wà. Uzapo a'e ma'e Tupàn henataromo a'e pe wà.

Isaías 31:9 ပူးပေါင်းရင်းမြစ်များ

Isaías 10:16

A'e rupi zanezar Tupàn Tuweharupi Wiko Ma'e Ikàg Wera'u Ma'e omono kar putar amo ma'eahy haw zauxiapekwer Axir parer ikàg ma'e wanehe nehe. Upyro putar wakàgaw wanuwi nehe. Omono kar putar haku haw tata zàwenugar wanehe nehe. Ukaz putar wanetekwer wà nehe.

Isaías 10:17

Tupàn Ikatuahy Ma'e a'e, Izaew wanupe tatainy zàwenugar a'e, wiko putar tata romo a'e nehe. Pitài 'ar rehe wapy putar ka'a xu rehe we nehe. Umumaw putar Axir parer zauxiapekwer wà nehe.

Isaías 11:10

A'e 'ar mehe Tawi Zexe ta'yr izuapyr nuzawy kwaw pànuhu tuwihawete her hereko har teko ywy nànànar wanupe nehe. Teko wiko putar hemiruze'eg romo wà nehe. Tupàn ikàgaw ipuràgaw uhyape katu heko haw tawhu pe a'e nehe. Teko tetea'u wexak putar wà nehe.

Isaías 13:2

— Peupir pànuhu zeàmàtyry'ymawhu pe purenoz taw nehe, amo ywytyr ka'a heta 'ym ma'e rehe nehe. Nezewe mehe teko paw upuner hexakaw rehe wà nehe. Eze'eg wàmàtyry'ymar wanupe nehe. — Pezàmàtyry'ym peho pe wà nehe, peze wanupe nehe. — Peupir pepo wanenataromo nehe. Hexak mehe wixe putar tawhu uhua'u ma'e pupe ukenaw rupi nehe.

Isaías 17:13

Teko ywy tetea'u rehe har wànoànog waiko yryhu ài wà. Tupàn upyro putar wakàgaw wanuwi nehe. A'e mehe uzàwehem putar izuwi wà nehe. Nuzawy kwaw ka'axinig ma'e ywytyr rehe ywytu hemiraha wà nehe. Nuzawy kwaw ywy imuku'i pyrer ywytu hemimuhàz nehe.

Isaías 18:3

Pezeapyaka katu nehe, teko ywy nànànar wà, ywy nànàn wiko ma'e paw wà: Pexak pànuhu tuwihaw her hereko har nehe. Zauxiapekwer upir putar ywytyruhu rehe wà nehe. Penu xi'àm ma'ea'yr i'ak kwer iapo pyrer ipy mehe nehe, zeàmàtyry'ymaw ihemaw imume'u pà nehe.

Isaías 26:1

A'e 'ar mehe teko Zuta ywy rehe har umuzàg putar ko zegar haw wà nehe: Tawhu zanereko haw ikàg a'e. Tupàn uzekaiw katu tawhu rehe pàrirogaw aiha pupe a'e.

Isaías 27:7

Tupàn Tuweharupi Wiko Ma'e uzepyk Izaew wanehe. Uzepykahy wera'u waàmàtyry'ymar wanehe. Tupàn uzuka xo màràmàràn Izaew izuapyapyr zo a'e wà. Uzuka Izaew wazuka arer tetea'u wà.

Isaías 30:33

Kwehe mehe Tupàn umuàgà'ym tatahu. Wapy putar Axir wanuwihawete ipupe a'e nehe. A'e tatahu ywykwaruhu iànàm ma'e ohoete ma'e pupe hin. Uhyk zepe'aw ukaz ma'e ràm. Tupàn Tuweharupi Wiko Ma'e ipytuhemaw a'e, nuzawy kwaw ywyku'i exopere her ma'e ukaz ma'e uwyryk ma'e a'e. Umunyk putar tata zepe'aw rehe nehe.

Isaías 37:37

Na'e Xenakeriw Axir wanuwihawete uhem oho a'e wi kury. Tuwihawete uzewyr weko haw Nin her ma'e pe. Upyta a'e pe.

Isaías 4:4

Zanezar umume'u putar Xiàw rehe har wanemiapo kwer ikatu 'ym ma'e a'e nehe. Uzepyk putar wanehe nehe. Umukatu putar tawhu paw nehe. Umuhem kar putar iaiw paw a'e wi upaw rupi nehe. Umuhem kar putar puruzuka ma'e paw a'e wi wà nehe no.

Isaías 5:26

Tupàn Tuweharupi Wiko Ma'e upir pàn uwer hereko har. Wenoz amo ywy muite har rehe har wamuwà wà. Utymyze'eg a'e teko muite har wamur kar pà. Uzàn wà na'arewahy wà.

Isaías 66:15

Tupàn Tuweharupi Wiko Ma'e ur putar tata ipyteromo nehe. Hemirur ywyramawa zeàmàtyry'ymawhu pe har nuzawy kwaw ywytuhu wà. Ur putar wekwahy haw heityk pà wàmàtyry'ymar wanehe nehe. Wanehe uzepykaw nuzawy kwaw tata heny kwer nehe.

Levítico 6:13

Tata ma'ea'yr hapy haw pe har nuwew pixik kwaw nehe. Tuwe ukaz tuweharupi nehe.

Zacarias 2:5

Nezewe i'i Tupàn Tuweharupi Wiko Ma'e. A'e ae wiko putar pàrirogaw romo tata iapo pyrer Zeruzarez izywyr a'e nehe. Wiko putar a'e tawhu pupe nehe. Wexak kar putar ukàgaw upuràg eteahy haw a'e pe purupe nehe no.

Malaquias 4:1

Uze'eg wi Tupàn Ikàg Wera'u Ma'e kury. — Uhem putar amo 'ar nehe. A'e 'ar mehe wiko wera'u ma'e paw a'e wà nehe, ikatu 'ym ma'e paw a'e wà nehe no, ukaz putar ka'akyr tata pupe ukaz paw ma'e ài a'e wà nehe. Ukaz putar a'e 'ar mehe wà nehe. Upaw putar wà nehe.

Deuteronômio 32:31

Zaneàmàtyry'ymar wazar tupàn wà, na'ikàg kwaw Tupàn Zanezar zàwe wà. Te zaneàmàtyry'ymar umume'u ikàg wera'u haw wà.

Deuteronômio 32:37

Na'e upuranu putar wemiaihu wanehe nehe. — Ma'e pe tupàn a'ua'u pezar wanekon wà kury, i'i putar wanupe nehe. Pezeruzar amo penehe uzekaiw ma'e rehe. Ma'e pe hekon kury.