Isaías 30:7 - Tupàn zeꞌeg

⁷ Ezit nupytywà pixik kwaw wà nehe. A'e rupi amono ko her Ezit wanupe ihe kury. — Mozuhu Ipuruzukaiw 'Ym Ma'e, a'e wanupe, i'i Tupàn.

Isaías 30:7 ပူးပေါင်းရင်းမြစ်များ

Jó 9:13

Tupàn nuzewyr kwaw wikwahy haw wi. Àzàg Haaw her ma'e imyrypar u'ar heityk pyrer romo ipy huwake wà.

Salmos 87:4

— Aze teko amo ywy rehe har hereruzar wà nehe, amuapyk putar a'e ywy her hepape rehe amogwer tawhu ikatu ma'e waner wanehe we ihe nehe. Na'aw waner heremimuapyk ràm xe wà kury: Ezit, Mawiron. Teko Piri ywy rehe har wà, Xir tawhu pe har wà no, Exio ywy rehe har wà no, wiko putar ikatu ma'e romo herenataromo wà nehe. Areko katu putar a'e teko paw Zeruzarez pe ihe wà nehe, uzexak ma'e kwer ài ihe wà nehe, i'i Tupàn.

Salmos 89:10

Erezuhaw àzàg Haw her ma'e izuka pà ne. Nekàgaw uhua'u ma'e rupi ereityk neàmàtyry'ymar ne wà.

Êxodo 14:13

Nezewe rehe we uze'eg Moizez wemiaihu wanupe. — Pekyze zo nehe. Peiko ikàg ma'e romo nehe. Nezewe mehe pexak putar Tupàn Tuweharupi Wiko Ma'e ikàgaw nehe, ta'e pepyro putar a'e nehe xe. Ezit ywy rehe har kutàri har penemixak a'e wà nehe, uzeàmim putar a'e wà nehe. Napexak wi pixik kwaw pe wà nehe.

Provérbios 25:19

'Ar zawaiw katu mehe awa ipyw ma'e rehe nezeruzar haw nuzawy kwaw neràz iaiw ma'e pupe ma'e ixi'uxi'u haw. Nuzawy kwaw nepy ipàri ma'e rehe neata haw.

Isaías 10:3

Ma'e pezapo putar zepykaw 'ar mehe nehe. A'e 'ar mehe zauxiapekwer ur putar ywy muite har wi iaiw paw herur pà peme wà nehe. Mo pe penoz putar pepytywà àwàm nehe. Ma'e pe pezumim putar penemetarer nehe, pema'e hekuzar katu ma'e.

Isaías 2:22

Pezeruzar zo teko wanehe nehe. Ta'e amo 'ar mehe umàno ma'e ràm romo wanekon wà xe. Aipo ikatu wà.

Isaías 20:6

Teko yryhu Mezitehàn her ma'e iwyr wiko ma'e uze'eg putar nezewe wà nehe. — Zazeruzar wanehe. Pexak wanupe uzeapo ma'e kwer. — Urepyro pe Axir wanuwihawete wi nehe, za'e wanupe. Nazanepyro kwaw izuwi wà. Mo zanepyro putar izuwi wà nehe, i'i putar wà nehe.

Isaías 28:12

Kwehe mehe aze'eg nezewe peme. — Tupàn pemupytu'u kar putar nehe. Pemonokatu putar ma'erahy haw wi ma'uhez haw wi xe a'e nehe. Xe peàmàtyry'ymar nuzapo kwaw ikatu 'ym ma'e peme nehe, a'e peme. Napepurenu wer kwaw heze'eg rehe.

Isaías 30:15

Tupàn Tuweharupi Wiko Ma'e Zanezar a'e, Izaew wazar a'e, uze'eg nezewe wemiaihu wanupe a'e kury. — Aze pezewyr ihewe nehe, aze peàrogatu heremiapo ràm nehe, apupyro putar ihe nehe. Peàrogatu heremiapo ràm herehe pezeruzar pà nehe. A'e mehe amono putar peàmàtyry'ymar waneityk àwàm peme nehe. Napepurapo wer kwaw heremiapo putar haw rehe.

Isaías 30:5

Nezewe rehe we imaranugar putar wà nehe, ta'e Ezit ywy rehe har nupytywà pixik kwaw wà nehe. Ezit ywy rehe har umumaranugar kar putar wà nehe. Wiko putar ikàg 'ym ma'e ài wà nehe, i'i Tupàn.

Isaías 36:9

Napepuner kwaw Axir wanuwihaw ikàg 'ym ma'e heitykaw rehe. Nezewe rehe we peàro ywyramawa Ezit wanemimur kàràm peiko. Peàro zauxiapekwer kawaru ku'az har Ezit wanemimur kàràm pe wà no.

Isaías 51:9

Eme'e nehe, Zanezar. Eme'e nehe. Urepyro pe nepuner haw uhua'u ma'e pupe nehe, ureipy wapyro awer kwehe arer zàwenugar ài nehe. Eremugamugaz àzàg zàwenugar yryhu pe har Ha'aw her ma'e ipegegwer romo ne, izuka pà ne.

Isaías 7:4

— Eme'egatu nehe, ere tuwihawete pe nehe. — Eiko zo he'o ma'e ài nehe. Ekyze zo wanuwi nehe, ere izupe nehe. Ezemumikahy zo tuwihawete Hezim iakatuwawahy 'ymaw rehe nehe. Xir ywy rehe har wanuwihawete romo hekon a'e. Ekyze zo Pek rehe nehe. Na'ikàg kwaw wà. Nuzawy kwaw mokoz zepe'aw ukaz ma'e kwer tàtàxiner imuhem kar har wà. Ekyze zo wanuwi nehe.

Lamentações de Jeremias 3:26

Tuwe xiàro Tupàn Tuweharupi Wiko Ma'e hemiapo ràm ikatu ma'e nehe. Tuwe xiàro zanepytywà àwàm zaneze'eg 'ym pà nehe.

Oséias 5:13

Izaew uma'eahy haw hexak mehe a'e wà, Zuta wexak uzekutuk awer a'e wà no. Na'e Izaew oho Axir wanuwihawete ikàg ma'e pe wà. — Urepytywà pe nehe, i'i oho izupe wà. Axir wanuwihawete nupuner kwaw Izaew wamukatu haw rehe. Nupuner kwaw wakutuk awer imuke'e haw rehe.