Isaías 30:25 - Tupàn zeꞌeg

²⁵ Amo 'ar mehe pezuka putar peàmàtyry'ymar pe wà nehe. Peityk putar wanàpuztàtà wamumaw pà wà nehe. A'e 'ar mehe 'y uwyryk putar ywytyr nànàn ywytyruhu nànàn wà nehe.

Isaías 30:25 ပူးပေါင်းရင်းမြစ်များ

Apocalipse 22:1

Na'e Tupàn heko haw pe har a'e kury, wexak kar yrykaw purumugweraw kar ma'e ihewe kury. Heny haw nuzawy kwaw ita uzepyxakatu ma'e a'e. Uhem a'e 'y Tupàn henaw wi a'e, Àràpuhàràna'yr zàwenugar henaw wi a'e.

2 Coríntios 10:4

Ywy rehe har uzezukazuka takihepuku pupe wà, u'yw pupe wà no. Ure nuruiko kwaw wazàwe. Nurupuruzuka kwaw ure. Zurupari ipurapo kar wer ikatu 'ym ma'e rehe urewe a'e. Hemu'em urewe. Tupàn umur ukàgaw urewe a'e, a'e rupi Zurupari nuzapo kar kwaw ikatu 'ym ma'e urewe. Aze hemu'em amo pe nehe, urumume'u ze'eg azeharomoete har izupe nehe.

João 7:38

Nezewe i'i Tupàn ze'eg kwehe arer a'e. — Aze teko uzeruzar herehe a'e wà nehe, wapy'a nuzawy kwaw ytyzuzàmaw wà nehe. 'Y purumuigo kar ma'e uhem putar ipy'a wi nehe, i'i ze'eg kwehe arer a'e.

Naum 3:12

Penàpuzuhutàtà nuzawy kwaw pi 'yw i'a tetea'u ma'e. Aze amo umutuhug pi 'yw nehe, pi i'a kwer u'ar putar hehe ipuru'u wer ma'e zuru pupe nehe.

Ezequiel 34:26

Amono putar heze'egatu teko heywytyr ikatuahy ma'e izywyr wiko ma'e wanupe nehe. Aze àmàn nuhyk kwaw wanupe nehe, amugyr kar putar wanupe nehe.

Ezequiel 34:13

Anuhem putar amo ae ywy wi ihe wà nehe, wamono'og pà ihe wà nehe. Aruzewyr putar waiwy pe wà nehe no. Araha putar ywytyruhu Izaew rehe har wanupe wà nehe. Amono putar temi'u wanupe a'e pe yrykaw wanuwake nehe, teko waneko haw nànàn nehe.

Ezequiel 17:22

Zanezar Tuweharupi Wiko Ma'e umume'u ko ma'e a'e kury. — Amonohok putar amo ywyràkàxigyw aiha ma'e hakwa izuwi ihe nehe. Amonohok putar amo ka'a hezuz romo ma'e kwer ihe nehe. Azutym putar ywytyr aiha ma'e rehe nehe,

Isaías 37:36

Na'e Tupàn Tuweharupi Wiko Ma'e heko haw pe har oho zauxiapekwer Axir waker haw pe a'e kury. Uzuka 185.000 zauxiapekwer a'e pe wà. Iku'em mehe umàno 'ym ma'e kwer wexak umàno ma'e kwer wanetekwer wà.

Isaías 32:14

Naheta kwaw teko tuwihawete hàpuzuhu pupe wà nehe. Naheta kwaw teko tawhu pupe wà nehe. Tàpuztàtà uzeapo putar ywy ikaika pyrer ywytyr romo uzeapo ma'e kwer romo nehe. Zumen hehaite ma'e wiko putar a'e pe wà nehe. Ni amo nomono kar kwaw a'e wi wà nehe. Àràpuhàràn u'u putar ka'api'i a'e pe wà nehe no.

Isaías 48:21

Tupàn weraha wemiaihu ywyxiguhu myteromo wà. Waneraha mehe ni amo na'iziwez kwaw wà. Umuyryk kar 'y itahu wi. Uzuka a'e itahu. 'Y uhem izuwi.

Ezequiel 47:1

Awa hereruzewyr tàpuzuhu pe teixe haw pe kury. Teixe haw iwype uhem 'y kwarahy ihemaw kutyr uwyryk pà. Ta'e tàpuzuhu ume'e ikutyr a'e xe. 'Y uwyryk tàpuzuhu ipehegwer kwarahy ihemaw awyze har kutyr har iwype, ma'ea'yr hapy haw kutyr kwarahy ihemaw awyze har kutyr har rupi.

Joel 3:18

A'e 'ar rehe uwà tyw upyk putar ywytyr paw wà nehe. Tapi'ak umai'u putar ywytyr nànàn wà nehe no. 'Y tetea'u uwyryk putar yrykaw Zuta ywy rehe har wanupi nehe. Amo yrykawhu uhem putar heràpuzuhu wi nehe. Umuhàmuhàz putar 'y ywyàpyznaw Akaz her ma'e nànàn nehe.

Números 24:7

Heta tetea'u putar 'y Izaew wanupe nehe. Ui'u putar wà nehe. Omono putar 'y wemitygwer rehe nehe no. Wanuwihawete upuner wera'u putar Akak wi nehe. Teko paw ukwaw putar hemiaihu wakàgaw wà nehe.