Isaías 30:20 - Tupàn zeꞌeg

²⁰ Pemuahy kar putar nehe. Upuraraw kar putar ma'erahy peme nehe no. Nezewe rehe we nuzeàmim kwaw pewi nehe. Pemu'e har romo hekon. Hehe pepurexak wer mehe pexak putar nehe.

Isaías 30:20 ပူးပေါင်းရင်းမြစ်များ

1 Reis 22:27

— Pemunehew kar zemunehew paw pe nehe. Pemono typy'ak 'y rehe we izupe nehe. Tuwe pemono ipupe te hezewyr mehe nehe, ere wanupe, i'i izupe.

2 Crônicas 18:26

— Pemono zemunehew paw pupe nehe, ere wanupe nehe. — Emono xo typy'ak 'y inuromo har izupe nehe, xe hereko 'ym mehe we nehe. Aze azewyr ikàg ma'e romo nehe, umàno 'ym ma'e romo nehe, xo a'e mehe zo pemuhem kar zemunehew paw wi nehe, ere wanupe nehe, i'i izupe.

Salmos 102:9

Erekwahy ihewe ne. Herehe wikwahy ma'e romo ereiko ne. A'e rupi tàtàpyzgwer uzeapo heremi'u ràm romo. Herehaykwer wixe heremi'u ràm inuinuromo, ta'e hepyhyk pe muite hereityk pà ne xe.

Salmos 127:2

Aze amo uma'ereko tetea'u wemi'u ràm imono'og pà, Aze upu'àm izi'itahy, aze u'aw wi oho xo pyaze mehe, uma'ereko e a'e. Ta'e Tupàn omono temi'u wemiamutar katu wanupe a'e xe. Te waker mehe Tupàn uzapo ikatu ma'e wemiaihu pe.

Salmos 30:5

Neremumaw kwaw 'ar tetea'u nekwahy pà ne. Nekatu haw nupytu'u pixik kwaw. Amo upuner pytun gatu imumaw paw rehe uzai'o pà ma'e rehe a'e wà. Iku'em mehe ur wi hurywete haw.

Salmos 74:9

Ureràro ma'e purumupytuhegatu kar haw ure. Ni amo nuzapo kwaw urewe wà. Naheta kwaw Tupàn ze'eg imume'u har ko 'ar rehe wà. Màràn kwarahy urumumaw putar nezewe ure nehe. Ni amo nukwaw kwaw wà.

Salmos 80:5

Eremur tehaykwer typy'ak romo iapo pyrer urewe ureremi'u romo ne. Eremynehem kanek tehaykwer pupe i'u kar pà urewe no.

Isaías 28:9

Uze'eg zemueteahy herehe, uzehezehe upuranu pà wà. — Mo rehe ko Tupàn ze'eg imume'u har ipurumu'e wer iko, i'i uzeupeupe wà. — Aipo ukwaw Tupàn ze'eg imume'u katu haw zanewe, i'i wà. Aipo zaiko memyr ukamu romo ma'e kwer romo zane.

Isaías 33:16

Agwer ma'e iapo 'ymar wiko katu putar nehe. Wàpuztàtà ita iapo pyrer pupe wexak putar uzepyro àwàm nehe. Heta putar hemi'u ràm izupe tuweharupi nehe. Uhyk putar 'y izupe tuweharupi nehe no.

Isaías 51:14

Na'arewahy amuhem kar putar teko zemunehew paw pe har wapyhykaw wi wà nehe. Numàno kwaw wà nehe. Na'ima'uhez kwaw wà nehe.

Mateus 9:38

Aroz tetea'u ihyk mehe ko zar umur kar uma'ereko ma'e ko pe a'e wà, aroz ipo'opo'o kar pà wanupe a'e wà. Nezewegatete peze'eg Tupàn pe nehe. A'e mehe umur kar putar uze'eg imume'u har xe a'e wà nehe. A'e rupi teko ukwaw putar Tupàn ze'eg puràg a'e wà nehe. Uzeruzar putar hehe wà nehe.

Atos 14:22

Umu'e uzeruzar ma'e a'e pe har wà, Tupàn ze'eg rehe wà. A'e rupi ukwaw wera'u ize'eg wà kury. A'e rupi uzeruzar wera'u Zezuz rehe wà no. -Pepytu'u zo Zezuz rehe pezeruzar ire nehe, i'i wanupe wà. — Xipuraraw putar ma'erahy tetea'u zane nehe, a'e mehe zapuner putar Tupàn ipureruze'egaw pupe zanereixe haw rehe zane nehe.

Efésios 4:11

A'e ae uzapo kar ikatu ma'e teko wanupe. Umuigo kar amo wemimono kar romo ywy nànàn a'e wà. Umuigo kar amo Tupàn ze'eg imume'u har romo a'e wà no. Umuigo kar amo ze'eg puràg imume'u har romo a'e wà no. Umuigo kar amo uzeruzar ma'e waneruze'egar romo a'e wà no. Umuigo kar amo Tupàn ze'eg rehe upurumu'e ma'e romo a'e wà no.

Deuteronômio 16:3

Pemumaw 7 'ar a'e mynykaw iapo pà nehe. A'e 'ar rehe pe'u zo typy'ak imuapiruru kar pyrer nehe. Xo typy'ak imuapiruru 'ym pyrer zo pe'u nehe. Ta'e pe'u agwer typy'ak Ezit wi pezàn mehe xe. — Typy'ak purupe ma'erahy ipuraraw paw rehe har, i'i teko izupe wà. Pe'u a'e typy'ak a'e mynykaw mehe nehe. Nezewe mehe napeneharaz pixik kwaw Ezit wi pehem awer 'ar wi nehe.