Isaías 3:4 - Tupàn zeꞌeg

⁴ Tupàn Tuweharupi Wiko Ma'e wexaexak putar kwarer wà nehe, wemiaihu wanuwihaw romo wà nehe. (Uzapo putar wemimutar kwarer ài wà nehe. Nupureruze'egatu kwaw wà nehe).

Isaías 3:4 ပူးပေါင်းရင်းမြစ်များ

2 Crônicas 33:1

Manaxe wereko 12 kwarahy Zuta ywy rehe har wanuwihawete romo wiko mehe. Umumaw 55 kwarahy Zeruzarez pe tuwihawete romo.

2 Crônicas 34:1

Zuzi wereko 8 kwarahy Zuta ywy rehe har wanuwihawete romo wiko mehe. Umumaw 31 kwarahy Zeruzarez pe tuwihawete romo wiko pà.

2 Crônicas 36:11

Zeneki wereko 21 kwarahy Zuta wanuwihawete romo wiko mehe. Umumaw 11 kwarahy Zeruzarez pe tuwihawete romo wiko pà.

2 Crônicas 36:2

Zoakaz wereko 23 kwarahy Zuta wanuwihawete romo wiko mehe. Umumaw 3 zahy tuwihawete romo wiko pà Zeruzarez pe.

2 Crônicas 36:5

Zeoaki wereko 25 kwarahy Zuta wanuwihawete romo wiko mehe. Umumaw 11 kwarahy Zeruzarez pe. Uzapo ikatu 'ym ma'e Tupàn Tuweharupi Wiko Ma'e uzar henataromo.

2 Crônicas 36:9

Zoaki wereko 18 kwarahy Zuta wanuwihawete romo wiko mehe. Umumaw na'iruz zahy 10 'ar rehe we Zeruzarez pe tuwihawete romo wiko pà. Uzawy a'e, ikatu 'ym ma'e iapo pà Tupàn Tuweharupi Wiko Ma'e henataromo.

Eclesiastes 10:16

Aze amo ywy rehe har wanuwihaw wenu wemiruze'eg wanemimutar wà nehe, a'e ywy rehe har waneko haw iaiw putar nehe. Aze wanuwihaw Uzypyrog uzemuryw haw rehe izi'itahy wà, iaiw putar a'e ywy rehe har waneko haw nehe.

Isaías 3:12

Kwarearer weruze'eg heremiaihu waiko wà, kuzàgwer upureruze'eg wà. Heremiaihu wà, penuwihaw hemu'em waiko peme wà. Pemuata kar pe ikatu 'ym ma'e rupi wà.

Isaías 3:16

Nezewe uze'eg Tupàn Tuweharupi Wiko Ma'e. — Peme'e kuzà Zeruzarez pe har wanehe nehe. — Hepuràg eteahy ihe, i'i wà. — Apuner tuwe ihe, i'i wà. Upir uxi wata pà tuwihaw ài wà. Uwakahy amo wanehe ume'e mehe wà. Wata mehe wata pe'ipe'i wà. Ma'e wapyakazaw har ipuipu wata mehe.

Isaías 3:3

Zauxiapekwer wanuwihaw wà, teko wanuwihaw wà, teko waneruze'egar wà, paze ma'e paw wà. Upaw rupi upyro putar a'e wi wà nehe.

Jeremias 52:3

Tupàn Tuweharupi Wiko Ma'e wikwahy teko Zuta ywy rehe har wanupe, Zeruzarez pe har wanupe no. A'e rupi weraha kar zauxiapekwer wanupe wanemipyhyk kwer romo wà. Zeneki upytu'u Mawiron wanuwihawete heruzar ire. Uzàmàtyry'ym.