Isaías 29:2 - Tupàn zeꞌeg

² A'e re Tupàn uzepyk putar a'e tawhu Tupàn pe imonokatu pyrer her ma'e rehe nehe. A'e pe har uzai'o putar wà nehe. Uzemumikahy putar wà nehe no. Tawhu nuzawy kwaw Tupàn henataromo ma'ea'yr hapy haw tuwykwer tetea'u rehe har nehe.

Isaías 29:2 ပူးပေါင်းရင်းမြစ်များ

Isaías 1:14

Mynykaw zahy pyahu mehe har a'e, amo 'ar imonokatu pyr mehe har a'e wà no, hehuhuk wer wanexak mehe ihe. Hekene'ogatu wanexak ire.

Isaías 10:32

Kutàri wàmàtyry'ymar uhem putar No tawhu pe wà nehe kury. A'e pe wiko mehe ima'enukwaw Xiàw ipyro àwàm rehe wà, Zeruzarez tawhu ipyro àwàm rehe wà.

Isaías 17:14

Kwarahy heixe mehe upurumukyze kar wà, ku'em mehe nuikuwe kwaw wà kury. Ukàzym wà. Zaneàmàtyry'ymar wiko putar nezewe a'e wà nehe. Ko 'ar rehe umuaiw zaneywy hereko wà. Weraha zanema'e paw zanewi wà no.

Isaías 3:26

Tawhu pe har uzai'o putar wà nehe. Nuzawy kwaw kuzà heityk pyrer ywy rehe wapyk ma'e wà nehe.

Isaías 34:6

Aze teko uzuka àràpuhàràn hawitu ma'e Tupàn henataromo wà, aze uzuka àràpuhàrànete henataromo wà, wanuwykwer a'e, wakawer a'e no, upyk watakihe a'e wà. Nezewegatete Enom wanuwykwer upyk putar Tupàn itakihepuku nehe. Wakawer upyk putar itakihepuku nehe no, Mozira tawhu pe wazuka mehe nehe no.

Isaías 36:22

Na'e a'e na'iruz awa umu'i ukamir wà kury, uzemumikahy haw hexak kar pà wà kury. Oho tuwihawete Ezeki pe a'e tuwihawete ize'eg awer imume'u pà izupe wà kury.

Isaías 37:3

— Pemume'u ko ze'eg peho Izai pe nehe, i'i wanupe. — Kutàri uzeapo putar 'ar ma'erahy ipuraraw paw a'e nehe. Uzepyk waiko zanerehe wà. Zanemaranugar. Zaiko kuzà imemyrahy ma'e ikàg 'ym ma'e ài. Nupuner kwaw umemyr heitykaw rehe.

Lamentações de Jeremias 2:5

Zanezar nuzawy kwaw zaneàmàtyry'ymar. Umumaw Izaew wà. Weityk wanàpuztàtà paw. Umuaiw wanàpuzuhu paw no. Nezewe mehe werur zemumikahy haw upaw 'ym ma'e teko Zuta ywy rehe har wanupe. Werur zai'o haw upaw 'ym ma'e wanupe no.

Ezequiel 22:31

A'e rupi amu'ar kar putar hekwahy haw tata ài wanehe ihe nehe. Amumaw putar ihe wà nehe, ta'e hezepyk wer wanehe wanemiapo kwer ikatu 'ym ma'e hekuzaromo ihe xe. Ihe pezar Tuweharupi Wiko Ma'e aze'eg kwez kury.

Ezequiel 39:17

Zanezar Tuweharupi Wiko Ma'e uze'eg ihewe. — Awa ta'yr, Enoz wiràmiri paw wamuwà ne wà nehe, ma'ea'yr paw wamuwà ne wà nehe no, ywy nànàn ne wà nehe. — Tupàn umuàgà'ym ma'e penenataromo izuka pyràm iko a'e. Pe'u nehe kury, ere wanupe nehe. Heta putar mynykawhu ywytyruhu Izaew rehe har wanehe nehe. Wiràmiri wà, ma'ea'yr wà no, upuner putar ma'ero'o kwer i'u haw rehe wà nehe, ma'eruwy kwer i'u haw rehe wà nehe no.