Isaías 28:14 - Tupàn zeꞌeg

¹⁴ Tuwihaw Zeruzarez pe har a'e wà, awa wiko wera'u ma'e ko teko waneruze'egar wà, peinu Tupàn Tuweharupi Wiko Ma'e ze'eg nehe kury.

Isaías 28:14 ပူးပေါင်းရင်းမြစ်များ

Isaías 29:20

Ta'e Tupàn umumaw putar wemiaihu wanehe imunar ma'e a'e wà nehe xe. Uzuka putar uzehe uze'eg zemueteahy ma'e a'e wà nehe. Amo teko wanupe ikatu 'ym ma'e wemiapo ràm imume'u har a'e wà nehe, ukàzym putar a'e wà nehe.

Isaías 28:22

A'e rupi pepytu'u pepuka re nehe. Aze mo nan, kyhàhàmtàtà pezeàpixipixi haw uzemumikahy wera'u putar nehe. Ta'e ainu Zanezar Tupàn Tuweharupi Wiko Ma'e ize'eg mehe ihe xe. — Pemumaw ko ywy paw nehe, i'i a'e.

Isaías 1:10

Pe tuwihaw Zeruzarez pe har wà, pezeapyaka katu Tupàn Tuweharupi Wiko Ma'e ze'eg rehe nehe. Pe tawhu pe har wà, pezekaiw katu zanezar ipurumu'e haw rehe nehe.

Atos 13:41

— Pe Tupàn rehe uze'eg zemueteahy ma'e pe. Pezeapyaka katu nehe kury. Pepytuhegatu nehe kury. Pemàno putar nehe. Ta'e napezeruzar kwaw heremiapo kwer rehe nehe xe, ta'e napezeruzar kwaw heremiapo kwer pe 'ar mehe iapo pyrer rehe nehe xe. Aze amo umume'u katu peme wà nehe, ni a'e mehe napezeruzar kwaw hehe nehe, i'i a'e ze'eg kwehe arer a'e, i'i Pawru a'e, a'e zemono'ogaw pe har wanupe a'e.

Oséias 7:5

Tuwihawete uzapo amo mynykawhu amo 'ar mehe. A'e 'ar mehe teko omono win tetea'u tuwihawete pe wà, amo tuwihaw wanupe wà no. A'e rupi uka'u tuwihaw wà. Tuwihawete uzapo ma'e tetea'u iranaiw ma'e ài uka'u mehe wà.

Isaías 5:9

Aenu Tupàn Tuweharupi Wiko Ma'e Ikàg Wera'u Ma'e ize'eg mehe. — Aityk putar tàpuzuhu uhua'u ma'e ihe wà nehe. Aityk putar tàpuzuhu ipuràg eteahy ma'e ihe wà nehe no. Ni amo nuiko kwaw wapupe wà nehe.

Provérbios 29:8

Ma'e nànàn uze'eg urywahyahy ma'e umuaiw tawhu pe har paw waneko haw wà. Ma'e kwaw katu har umukatu waneko haw tuweharupi wà.

Provérbios 3:34

Aze amo uze'eg urywahyahy hehe wà, a'e ae uze'eg urywahyahy a'e teko wanehe a'e no. Upytywà ikàg 'ym ma'e wà.

Provérbios 1:22

Nezewe uze'eg iko. — Teko he'o ma'e wà. Màràn 'ar pemumaw putar pene'o haw rehe peneko pà nehe. Màràn mehe pepytu'u putar ma'ekwaw paw rehe pepuka re nehe. Aipo napekwaw pixik kwaw ma'e nehe.

Isaías 3:12

Kwarearer weruze'eg heremiaihu waiko wà, kuzàgwer upureruze'eg wà. Heremiaihu wà, penuwihaw hemu'em waiko peme wà. Pemuata kar pe ikatu 'ym ma'e rupi wà.

Jeremias 13:15

Teko Izaew izuapyapyr wà. Tupàn wiko uze'eg ma'e romo a'e. Peiko ikàg 'ym ma'e romo henataromo nehe. Pezekaiw ize'eg rehe nehe.

Jeremias 36:23

Zeuni umugeta a'e pape iko izupe. Ipehegwer imugeta mehe tuwihawete omonohok a'e pape takihe pupe, ipehegwer tata pupe heityk pà. Uzapo nezewe haw ipehegwer nànàn. Te a'e pape paw uzeapo tanimuk romo kury.

Amós 6:13

Peiko wera'u kury, ta'e peityk tawhu Iro-Nemar her ma'e xe. — Xo urekàgaw rupi zo uruityk Karanai tawhu ure, peze peiko.

Isaías 1:23

Tuwihaw wiko iaiw ma'e romo wà. Uzemuryparypar ma'e rehe imunar ma'e wanehe we wà. Tuweharupi teko omono temetarer a'e tuwihaw wanupe wà. Omono ma'e wanupe wà no. Nezewe mehe tuwihaw numume'u kwaw a'e teko wanehe uzepyk àwàm wà. Nuzekaiw kwaw tu 'ym ma'e wanehe wà. Na'ima'enukwaw kwaw kuzà imen umàno ma'e kwer ma'erahy wanemipuraraw rehe wà.

Isaías 46:12

Teko Tupàn heruzar 'ymar wà, pezeapyaka katu xe nehe. — Urepyro àwàm iàrew putar nehe, peze peiko.

Ezequiel 16:35

A'e rupi, kuzàwyzài, einu katu nezar Tuweharupi Wiko Ma'e ize'eg mehe nehe kury.