Isaías 28:13 - Tupàn zeꞌeg

¹³ A'e rupi Tupàn pemu'e putar zemu'e haw izypy mehe har rehe nehe. Penereko putar kwarer ài a'e nehe. Na'e pezeagaw putar peata pà nehe. Kwarera'i u'ar ukupe kutyr. Nezewegatete peneko haw iaiw wera'u putar nehe. Amo pemuahy kar putar wà nehe. Pe'ar putar ywykwar miar ipyhykaw pupe nehe. Pepyhyk putar pemunehew pà wà nehe.

Isaías 28:13 ပူးပေါင်းရင်းမြစ်များ

Salmos 69:22

Tuwe wamai'u hawhu umuaiw waneko haw nehe. Tuwe tupàn a'ua'u wamuwete haw rehe wanurywete haw umumaw wà nehe.

Isaías 28:10

Zanerereko kwarer ài kuzàtài ài a'e. Ipurumu'e wer zanerehe pape imugeta haw izypy mehe har rehe a'e, i'i wà.

Isaías 59:10

Zapokok zaha zaiko pàrirogaw rehe hehàpyhà 'ym ma'e ài zane, heha 'ym ma'e ài zane. Kwarahy wamyter pe hin mehe zazepyapi zane. Nuzawy kwaw pyhaw zaneata haw zanewe. Zanetua'u mehe zanehya'u mehe zaiko umàno ma'e kwer ài.

Oséias 6:5

A'e rupi amono kar heze'eg imume'u har peme ihe wà. — Tupàn uzepyk putar penehe a'e nehe. Pezuka putar a'e nehe, i'i peme wà. Kwarahy ihyape mehe pexak katu ma'e. Nezewegatete pekwaw katu heremimutar no.

Oséias 8:12

Amuapyk heze'eg tetea'u pape rehe teko wanupe. Nuweruzar kwaw wà. Heze'eg nuzawy kwaw ity Izaew wanupe a'e.

Mateus 13:14

Kwehe mehe Izai uze'eg wanehe a'e, waneko haw imume'u pà a'e. Pezeapyaka katu putar ize'eg rehe nehe. Napeinu katu kwaw nehe. Peme'egatu putar ma'e rehe nehe. Napexak kwaw nehe.

Mateus 21:44

Ihe aiko a'e ita ài ihe. Aze ita u'ar awa 'aromo a'e nehe, uzuka putar a'e nehe. Nezewegatete azepyk putar heremiruze'eg 'ym wanehe ihe nehe no.

Romanos 11:9

Tuwihaw Tawi i'i nezewe a'e. — Miar uzezuka oho uzepyhykaw pupe, ta'e nuexak kwaw a'e xe. Nezewegatete zutew a'e wà nehe no. Nuzeruzar kwaw Tupàn ze'eg rehe wà nehe. Tuwe Tupàn uzepyk wanehe nehe.

2 Coríntios 2:16

Inem ma'e puruzuka ma'e ài zaiko tatahu pe oho ma'e ràm wanupe. (Aze teko nuzeruzar kwaw Zezuz rehe wà nehe, oho putar tatahu pe wà nehe. A'e rupi zawaiw katu Tupàn ze'eg imume'u haw ihewe.) Mo upuner imukatu haw rehe a'e. Mo henu har upuner tatahu pe waho àwàm imume'u haw rehe a'e.

2 Pedro 3:16

Nezewe uze'eg a'e, upape ikair mehe paw rupi a'e. Amo ma'e zawaiw katu ma'e umume'u iko purupe, upape rehe imuapyk pà. Amo purumu'e ma'e nukwaw katu kwaw ize'eg wà. A'e rupi nukwaw kwaw purumu'e katu haw a'e ze'eg rehe wà. Nezewe a'e purumu'e ma'e a'e wà, upurumu'e waiko temu'emaw rehe a'e wà, inugwer Tupàn ze'eg kwehe arer imuapyk pyrer imume'u pà a'e wà no. Uzawy kar Tupàn hape amo wanupe nezewe wà. A'e rupi Tupàn uzepyk putar wanehe nehe no.