Isaías 27:8 - Tupàn zeꞌeg

⁸ Uzepyk wemiaihu wanehe, amo ywy rehe wamono kar pà ipyhyk pyrer romo wà. Umuhem kar waiwy wi upytuhemaw ikàg ma'e pupe. Ipytuhemaw ikàg a'e. Nuzawy kwaw ywytu kwarahy ihemaw wi ur ma'e.

Isaías 27:8 ပူးပေါင်းရင်းမြစ်များ

Jó 23:6

Aipo Tupàn weityk mo upuner haw paw hekutyr. Nan. Herenu mo azeharomoete a'e.

Salmos 103:14

Ukwaw zaneapo awer a'e xe. Ima'enukwaw ywyku'i romo zanereko haw rehe.

Salmos 103:9

Nuiko kwaw tuweharupi zaneremiapo kwer ikatu 'ym ma'e imume'u pà a'e. Ikwahy haw upaw putar amo 'ar mehe nehe.

Salmos 38:1

O Tupàn Tuweharupi Wiko Ma'e, ezepyk zo herehe nekwahy mehe nehe. Ihewe nekwahy mehe, ezepyk zo herehe nehe.

Salmos 6:1

O Tupàn Tuweharupi Wiko Ma'e, emume'u zo heremiapo kwer ikatu 'ym ma'e nekwahy mehe nehe. Herehe ezepyk zo nekwahy haw uhua'u ma'e rupi nehe.

Salmos 76:10

Te teko wakwahy haw umuhua'u kar nekatu haw rehe ze'egaw no. Teko zeàmàtyry'ymawhu pe umàno 'ym ma'e uzapo putar mynykawhu neze'eg rupi wà nehe.

Salmos 78:38

Nezewe rehe we Tupàn upuhareko wemiaihu wà. Numumaw kwaw wà. Umunàn wanemiapo kwer wanuwi uweharaz tà. Tuweharupi umuakuir wekwahy haw a'e. Umumaw wekwahy haw a'e.

Isaías 1:5

Màràzàwe tuwe pezapo wiwi ikatu 'ym ma'e peiko. Aipo peputar wera'u penehe Tupàn izepyk àwàm. Heta peperew peàkàg rehe. Upaw rupi pezemumikahy.

Isaías 10:12

Tupàn Zanezar umumaw putar wemiapo ràm nehe Xiàw ywy rehe Zeruzarez tawhu pe nehe. A'e re uzepyk putar Axir wanuwihawete rehe nehe. Tuwihawete wiko wera'u a'e. Umume'u tuwe upuner haw amo wanupe.

Isaías 50:1

Tupàn Tuweharupi Wiko Ma'e uze'eg wemiaihu wanupe. — Aipo ihe apomono kar peywy wi ihe, awa wemireko wi upuir ma'e ài ihe. Ma'e pe pemonokatu pape hepuir awer imume'u haw. Aipo ihe apume'eg uma'ereko e ma'e romo amo pe henewer haw wamekuzar pà ihe. Nan. Amo pepyhyk peneraha a'e wà, ta'e ikatu 'ym ma'e tetea'u iapo har romo peiko pe xe. Pekatu 'ymaw uhua'u. A'e rupi apomono kar wanupe ihe.

Isaías 54:7

Apuir newi. Namumaw kwaw kwarahy tetea'u muite newi. Ko 'ar rehe urumuzewyr kar putar hezeupe ihe nehe kury, neamutar katu pà ihe nehe kury.

Isaías 57:16

Namume'u wi wi kwaw heremiaihu wanemiapo kwer ikatu 'ym ma'e ihe nehe, wanupe ihe nehe. Naiko kwaw wikwahy ma'e romo tuweharupi hepytu'u 'ym pà nehe. Aze mo aikwahy hepytu'u 'ym pà, umàno mo wikuwe ma'e heremiapo kwer upaw rupi wà. Ihe ae azupy wanehe wamuigo kar pà wikuwe ma'e romo upaw rupi ihe.

Isaías 64:5

Eremuawyze ikatu ma'e urywete haw rehe iapo har ne wà. Eremuawyze teko ne wà, aze wiko neremimutar rehe tuweharupi wà. Erekwahy urewe. Nezewe rehe we uruzapo wi wi ikatu 'ym ma'e uruiko. Aze uruata wi nerape kwehe arer rupi nehe, xo a'e mehe zo urepyro putar pe nehe.

Jeremias 10:24

O Tupàn Tuweharupi Wiko Ma'e, emu'e ureànàm ne wà nehe. Ezepykahy zo wanehe nehe. Ezepyk zo urerehe nekwahy mehe nehe. Aze mo erezepyk urerehe nekwahy mehe, uremumaw pe mo paw rupi.

Jeremias 30:11

Aiko putar pepyr pepyro pà ihe nehe. Apumuhàmuhàz ywy nànàn ihe. Amumaw putar a'e ywy paw rupi ihe wà nehe. Napumumaw kwaw nehe. Nezewe rehe we azepyk putar penehe nehe. Penehe hezepyk mehe napuraraw kar wera'u kwaw ma'erahy peme nehe. Ihe Tupàn Tuweharupi Wiko Ma'e aze'eg kwez kury.

Jeremias 4:11

Eremume'u putar ma'e teko Zeruzarez pe har wà nehe. Uhem imume'u haw i'ar iko. — Ywyxiguhu rehe amo ywytu hakuahy ma'e ur putar neremiaihu wanupe nehe. Nan kwaw ywytu ikàg 'ym ma'e arozràn iapirer wi henuhemar a'e.

Jeremias 4:27

— Ywy paw uzeapo putar ywyxiguhu romo nehe, i'i Tupàn. Nezewe rehe we numumaw kwaw paw rupi nehe.

Jeremias 46:28

Aiko putar penehe we pepyro pà nehe. Apumuhàz ywy tetea'u rehe ihe. Amumaw putar teko a'e ywy rehe har paw ihe wà nehe. Napumumaw kwaw nehe. Napezepyro kwaw hezepykaw wi nehe. Nezewe rehe we penehe hezepyk mehe nazepykahy kwaw nehe. Ihe Tupàn Tuweharupi Wiko Ma'e aze'eg kwez kury.

Lamentações de Jeremias 3:31

Tupàn Tuweharupi Wiko Ma'e nuweityk kwaw amo wamuzewyr pixik 'ym pà a'e wà.

Lamentações de Jeremias 3:32

Upuner ma'erahy zanewe ipuraraw kar pà a'e. Nezewe rehe we zanepuhareko katu a'e no. Ta'e upuruamutar katu tuwe a'e xe.

Ezequiel 19:12

Nezewe rehe we wikwahy ma'e ozo'ok i'yw oho wà. Weityk ywy rehe wà. Ywytu kwarahy heixe haw wi ur ma'e umuxinig i'a kwer. Amo omonohok hàkàgwer wà. Uxinig. Na'e teko wapy tata pupe wà.

Oséias 13:15

Aze Izaew uhua'u ka'a uzehu katu ma'e ài nehe, nezewe rehe we Tupàn Tuweharupi Wiko Ma'e umur kar wàmàtyry'ymar kwarahy hemaw wi wà nehe, ywytu haku ma'e ywyxiguhu wi ur ma'e kwer ài nehe. A'e ywytu umuxinig ytyzuzàmaw paw wà nehe. Zauxiapekwer weraha ko ywy rehe har wama'e paw xe wi wà nehe, wanemetarer paw, wama'e hekuzar katu ma'e paw no.

Oséias 4:1

Tupàn Tuweharupi Wiko Ma'e umume'u putar ikatu 'ym ma'e ko ywy rehe har wanemiapo kwer a'e nehe kury. Peinu katu Tupàn ze'eg nehe, Izaew. — Teko ko ywy rehe har hemu'em a'e wà. Ni amo na'ikatu kwaw wà. Na'ipurukwaw wer kwaw Tupàn rehe wà.

1 Coríntios 10:13

Aze zawaiw katu ikatu 'ym ma'e wi netyrykaw nehe, Tupàn nepytywà putar nehe. Teko paw wiko nezewe a'e wà. Ta'e ikatu 'ym ma'e wi watyrykaw zawaiw katu wanupe a'e xe. Nezewe uze'eg Tupàn zanewe. — Erepuner wyzài ikatu 'ym ma'e wi netyrykaw rehe nehe, ta'e urupytywàgatu putar ihe nehe xe, i'i Tupàn zanewe. Zanepytywà putar tuwe uze'eg rupi nehe. Ikatu 'ym ma'e rehe nepurapo wer mehe, umur putar ukàgaw newe nehe. Erepuner a'e ikatu 'ym ma'e iapo re nepytu'u haw rehe nehe.

1 Pedro 1:6

Penurywete nehe ty wà, ta'e Tupàn uzapo putar ikatuahy ma'e peme a'e nehe xe, pemurywete kar pà ywate a'e nehe xe. Pezemumikahy putar ko 'ar rehe nehe kury, ta'e pepuraraw putar ma'erahy tetea'u nehe kury xe.