Isaías 26:9 - Tupàn zeꞌeg

⁹ Aputar herehe we nereko haw pyhaw azeharomoete ihe. Azeagaw tuwe neremiapo putar haw ikwaw pà azeharomoete. Eremume'u putar teko ywy rehe har wanemiapo kwer nehe. A'e 'ar mehe uzemu'e putar nekatu haw rehe wà nehe. Ukwaw putar wà nehe.

Isaías 26:9 ပူးပေါင်းရင်းမြစ်များ

1 Crônicas 16:14

Wiko Tupàn Tuweharupi Wiko Ma'e Zanezar romo a'e. Umur wemiapo kar teko wanupe paw rupi.

Salmos 105:7

Wiko Tuweharupi Wiko Ma'e romo Tupàn Zanezar romo a'e. Teko ywy nànànar ukwaw hemiapo putar haw wà.

Salmos 119:55

Pyhaw hema'enukwaw nerehe, o Tupàn Tuweharupi Wiko Ma'e. Hema'enukwaw katu neze'eg rehe.

Salmos 119:62

Apu'àm pyaze mehe nekatu haw imume'u pà ihe, ta'e nepurumu'e haw ikatuahy ihewe a'e xe.

Salmos 130:6

Tawhu rehe uzekaiw ma'e zauxiapekwer wàro iku'emaw wà. Àro wera'u hezar ihe. Wàro kwarahy ihemaw wà. Àro wera'u hezar ihe.

Salmos 58:11

Paw rupi uze'eg putar nezewe wà nehe. — Azeharomoete Tupàn uzapo ikatu ma'e a'e, ikatu ma'e wanupe a'e. Azeharomoete heta Tupàn ywy rehe har wanemiapo kwer imume'u har a'e, i'i putar wà nehe.

Salmos 63:1

O Tupàn, ereiko hezar romo ne. Hereko wer tuwe nerenataromo ihe. Azeharomoete hereko wer nerehe we. Herekwe neputar a'e. Neputar haw nuzawy kwaw heiwez haw. Nazawy kwaw ywy uxinig ma'e kwer 'y hereko 'ymar. Uruputar 'y ài ihe.

Salmos 63:5

Ikatu ma'e ihewe neremimur nuzawy kwaw temi'u hete katu ma'e. Uhyk ihewe. A'e rupi amuzàg nekatu haw rehe zegar haw herurywete haw rupi newe ihe.

Salmos 64:9

Na'e teko paw ukyze putar wà nehe. Ima'enukwaw putar Tupàn hemiapo kwer rehe wà nehe. Uze'eg putar hemiapo kwer ikàg ma'e rehe wà nehe no.

Salmos 78:34

Tupàn uzuka amo wà. Na'e amo uzewyr izupe wà. Uzemumikahy wemiapo kwer rehe wà. Uze'eg Tupàn pe wemu'em 'ym pà wà.

Salmos 83:18

Tuwe ukwaw Tupàn Tuweharupi Wiko Ma'e romo nereko haw wà nehe. Xo ne zo ereiko Tupàn Tuweharupi Wiko Ma'e romo ne. Ereiko Ywate Wera'u Har ywy nànànar waneruze'egar romo ne. Tuwe ukwaw nereko haw wà nehe.

Provérbios 8:17

Azamutar katu heamutar katu har. Herekar har herexak putar nehe.

Isaías 27:9

Umunàn putar teko wanemiapo kwer ikatu 'ym ma'e nehe. — Pekatu herenataromo kury, i'i putar wanupe nehe. Aze teko weityk tupàn a'ua'u amo ywy rehe har wazar wamuwete haw wà nehe, aze ukauka wamuwete haw izyta wà nehe, ywy ku'i kwer romo iapo pà wà nehe, ita tàtà 'ym ma'e ikaika haw ài wà nehe, aze umumaw ywyra tupàn a'ua'u wanagapaw romo iapo pyrer wà nehe, aze weityk yhyk hyàkwegatu ma'e hapy haw ikaika pà wà nehe, xo a'e mehe zo Tupàn heharaz putar wanemiapo kwer ikatu 'ym ma'e wi nehe.

Isaías 50:10

Pezeapyaka katu nehe, pe Tupàn Tuweharupi Wiko Ma'e wi ukyze ma'e wà. Pezeapyaka hemiruze'eg ize'eg rehe nehe. Aze pe peho àwàm ipytun nehe, Aze naheta pixik kwaw tatainy hupi nehe, pezeruzar Tupàn Tuweharupi Wiko Ma'e rehe nehe. Peiko izar rehe uzeruzar ma'e romo nehe.

Isaías 55:6

Pekar Tupàn pezepytywà kar pà izupe nehe, hexakaw rehe pepuner mehe we nehe. Peze'eg Tupàn Tuweharupi Wiko Ma'e pe nehe, penuwake heko mehe we nehe no.

Lamentações de Jeremias 2:19

Epu'àm tetea'u pyhaw Tupàn pe neze'eg pà nehe. — Hepyro pe nehe, ere izupe nehe. Ezakook nepy'a henataromo nehe. Nera'yr umàno waiko nahu za'akaw pe wà uma'uhez pà wà. Epyro wamàno haw wi ne wà nehe, ere izupe nehe.

Lamentações de Jeremias 3:25

Aze amo uzeruzar Tupàn Tuweharupi Wiko Ma'e rehe wà, ikatu wanupe a'e.

Ezequiel 5:15

Hekwahy mehe peme nehe, Hekwahy haw uhua'u mehe, penehe hezepyk mehe nehe, teko peiwyr har paw ipytuhegatu putar wà nehe. Ihuhuk wer putar penehe ume'e mehe wà nehe. Uze'eg urywahyahy putar penehe wà nehe.

Oséias 5:15

Na'e azewyr putar hereko haw pe nehe. Apyta putar a'e pe nehe. — Azeharomoete uruzapo ikatu 'ym ma'e ure, aze i'i ihewe ma'erahy ipuraraw mehe wà nehe, xo a'e mehe zo apytywà putar ihe wà nehe, i'i Tupàn.

Mateus 6:33

Ezapo Tupàn hemiapo putar haw ràgypy ko ywy rehe har ma'e wi nehe. A'e re Tupàn umur putar amo ma'e paw rupi newe nehe kury.

Marcos 1:35

Pyheweteahy ipytun kurer rehe we upu'àm Zezuz a'e. Uze'eg oho Tupàn pe tawhu wi tàpuz heta 'ymaw pe. Hehe we har oho hupi a'e wà no.

Lucas 6:12

A'e 'ar mehe we uzeupir Zezuz oho ywytyr rehe a'e kury, Tupàn pe uze'eg pà a'e kury. Umumaw pytun a'e pe, Tupàn pe uze'eg pà.

Apocalipse 11:13

A'e 'ar mehe we ywy uryryryryz tuwe kury. Tawhu pehegwer u'ar a'e, teko tetea'u wazuka pà uryryz mehe a'e. (Uzuka 7.000 teko wà.) Teko wikuwe ma'e ukyze katu izuwi a'e wà kury, Tupàn ywate har ikàgaw imume'u ahyahy pà a'e wà kury. — Azeharomoete Tupàn ikàg a'e, i'i izupe wà.