Isaías 26:8 - Tupàn zeꞌeg

⁸ O Tupàn Tuweharupi Wiko Ma'e, neze'eg nuzawy kwaw urerape urewe. Uruata hupi. Nerehe uruzeruzar. Urepurukwaw wer nerehe. Urepurukwaw wer tuwe nerehe ure. Urema'enukwaw wer nerehe.

Isaías 26:8 ပူးပေါင်းရင်းမြစ်များ

2 Samuel 23:5

Nezewe Tupàn omono putar uze'egatu hezuapyapyr wanehe nehe. Ta'e uzapo uze'egatu tuweharupi àràm ihewe xe. Ikatu ize'egatu a'e. Uzapo putar ma'e a'e ze'eg rupi katete azeharomoete a'e nehe. Xo a'e ma'e zo aputar ihe. Uzapo putar uze'egatu a'e nehe.

Salmos 106:3

Hurywete teko wà, aze wiko tuwe ikatu 'ym ma'e iapo 'ymar romo wà. Hurywete ikatu ma'e tuweharupi iapo har wà.

Salmos 130:5

Àrogatu hepytywà àwàm iteko Tupàn Tuweharupi Wiko Ma'e henataromo ihe. Azeruzar ize'eg rehe.

Salmos 18:23

Tupàn Tuweharupi Wiko Ma'e ukwaw ikatu 'ym ma'e heremiapo 'ymaw a'e. Ukwaw muite ikatu 'ym ma'e wi hetyrykaw no.

Salmos 42:2

Neputar haw nuzawy kwaw heiwez haw ihewe. Màràn mehe apuner putar nepyr heho haw rehe nehe.

Salmos 65:6

Eremuapyk ywytyr wanenaw rehe nekàgaw rupi ne wà. Nezewe erexak kar nepuner haw uhua'u ma'e purupe.

Salmos 73:25

Ne ywak rehe har ne, xo ne urereko ihe. A'e rupi naputar kwaw amo ma'e ywy rehe har ihe.

Salmos 84:2

Hereko wer tuwe a'e pe ihe. Amonokatu hereha Tupàn Tuweharupi Wiko Ma'e hàpuzuhu izywyr katu haw pe ihe. Hahy haw rupi azegar herurywete haw rupi Tupàn Wikuwe Ma'e pe.

Êxodo 3:15

Uze'eg wi Tupàn Tuweharupi Wiko Ma'e Moizez pe. — Eze'eg wi Izaew wanupe nehe. — Tupàn a'e, penu wazar a'e, Àmàrààw izar a'e, Izak izar a'e, Zako izar a'e, hemur kar xe pepyr a'e, ere wanupe nehe. Tuweharupi awyzeharupi teko ima'enukwaw putar herehe a'e wà nehe.

Cânticos dos Cânticos 5:8

Pemume'u ko penemiapo ràm ihewe nehe, kuzà Zeruzarez pe har wà. Aze pexak heremiamutar katu nehe, — Neamutar katu har uzuka etea'i neremiamutar katu a'e, peze izupe nehe.

Isaías 12:4

A'e 'ar mehe teko paw umuzàg putar ko zegar haw wà nehe. — Pemume'u Tupàn Tuweharupi Wiko Ma'e ikatu haw nehe. Pehapukaz pepytywà àwàm henoz pà Tupàn pe nehe. Pemume'u hemiapo kwer teko paw wanupe nehe. Pemume'u uhua'u haw wanupe nehe no.

Isaías 24:15

Kwarahy ihemaw kutyr wiko ma'e umume'u ikatu haw wà nehe. Yryhu iwyr wiko ma'e umume'u putar Tupàn Tuweharupi Wiko Ma'e Izaew wazar her ikatu haw wà nehe.

Isaías 25:1

O Tupàn Tuweharupi Wiko Ma'e, ereiko hezar romo. Urumuwete katu ihe. Amume'u putar nerer ikatu haw nehe, ta'e erezapo ikatuahy ma'e tetea'u ne xe. Erezapo tuwe ma'e neremimume'u kwer rupi katete ne. Kwehe mehe eremume'u neremiapo ràm purupe. Erezapo a'e ma'e iko tuweharupi neze'eg awer rupi katete.

Isaías 25:9

A'e 'ar mehe teko paw uze'eg putar nezewe wà nehe. — Zanezar romo hekon a'e. Zazeruzar hehe. Zanepyro a'e. Wiko Tupàn Tuweharupi Wiko Ma'e romo. Zazeruzar hehe. Zazegar nehe. Zanerurywete nehe, ta'e zanepyro a'e xe.

Isaías 26:13

O Tupàn Tuweharupi Wiko Ma'e urezar, amo teko ywy rehe har wazar a'e wà wiko urezar romo a'e wà. Tupàn a'ua'u uzeapo urezar romo wà no. Ko ma'e urumume'u putar newe kury. Xo ne zo ereiko urezar romo ne.

Isaías 30:18

Tupàn Tuweharupi Wiko Ma'e penàro iko a'e, ta'e ipurapo wer ikatu ma'e rehe peme xe. Pepuhareko a'e, ta'e ikatu ma'e iapo har romo hekon a'e xe. Hehe uzeruzar ma'e hurywete wà.

Isaías 33:2

O Tupàn Tuweharupi Wiko Ma'e, urepuhareko pe nehe. Uruàro urepytywà àwàm ure. Eiko urerehe uzekaiw ma'e romo tuweharupi nehe. Eiko urepyro har romo 'ar zawaiw katu ma'e rehe nehe.

Isaías 49:23

Tuwihawete amo ae ywy rehe har uzekaiw katu putar pememyr wanehe a'e wà nehe. Tuwihawete kuzà wiko putar wanehe uzekaiw ma'e romo wà nehe no. Tuwihawete wà, tuwihawete kuzà wà no, uzeamumew putar upenàràg rehe wapyk pà penenataromo wà nehe. Umuhyk putar uwa ywy rehe wà. Uwerew putar ywy imuku'i pyrer pepy wi u'ar ma'e kwer wà nehe no. Nezewe mehe pekwaw putar Tupàn Tuweharupi Wiko Ma'e romo hereko haw nehe. Herehe uzeruzar ma'e nuzemumikahy pixik kwaw wà nehe, i'i Tupàn.

Isaías 51:4

Pezeapyaka katu nehe, heremiaihu wà. Pezekaiw heze'eg àwàm rehe nehe. Amono putar heze'eg teko ywy nànànar wanupe nehe. Heremiapo kar haw nuzawy kwaw tatainy teko wanupe nehe.

Isaías 56:1

Tupàn Tuweharupi Wiko Ma'e uze'eg wemiaihu wanupe. — Peiko katu haw rehe nehe. Pezapo ikatu ma'e nehe. Nan kwehe tete apupyro putar nehe, hekàgaw purupyro ma'e hexak kar pà nehe.

Miquéias 4:5

Teko amo ae ywy rehe har umuwete katu uzar tupàn a'ua'u wà. Weruzar uzar ze'eg wà. Tupàn Tuweharupi Wiko Ma'e wiko Zanezar romo a'e. Ximuwete katu zane. Xiruzar ize'eg tuweharupi nehe.

Miquéias 7:7

Ihe azeruzar Tupàn Tuweharupi Wiko Ma'e rehe. Azeruzar katu hepyro àràm romo heko haw rehe. Tupàn hezar wenu putar heze'eg nehe. Hepyro putar nehe.

Malaquias 4:4

Pema'enukwaw katu Moizez heremiruze'eg ize'eg awer rehe nehe. Pema'enukwaw katu heze'eg izupe heremimono kwer rehe nehe. Pema'enukwaw katu heremiapo putar haw paw rehe nehe no. Amume'u heze'eg izupe ywytyr Xinaz rehe. A'e re Moizez weruzar kar a'e ze'eg paw teko Izaew wanupe no.

Números 36:13

Tupàn Tuweharupi Wiko Ma'e omono ko ze'eg teko Izaew izuapyapyr wanupe Moaw ywytyr heta 'ymaw rehe Zotàw yrykawhu huwake Zeriko henataromo wanekon mehe. Umume'u Moizez pe. Moizez umume'u teko wanupe.

Lucas 1:6

Zakari a'e, hemireko a'e no, xo ikatuahy ma'e zo uzapo Tupàn huwa rupi tuweharupi a'e wà. Oho tuwe Tupàn ze'eg rupi wà, hemiapo putar haw paw iapo pà wà.

Atos 1:4

Amo 'ar mehe, wapyr wiko mehe, umume'u ko ze'eg wanupe. — Peho zo Zeruzarez tawhu wi ko 'ar rehe nehe, i'i wanupe. — Heru umur putar ikatuahy ma'e peme a'e nehe. Umume'u imur àwàm. Peàro imur àwàm nehe, i'i wanupe. — Aze'eg peme ihe no, a'e ma'e imur àwàm rehe ihe no, i'i wanupe.

Romanos 8:25

Aze xiaro ma'e zaneremixak 'ym zane nehe, a'e mehe nazapytu'u kwaw hàro re zane nehe.

2 Tessalonicenses 3:5

Tuwe Zanezar ukwaw katu kar wera'u Tupàn pepuhareko haw peme a'e nehe, ta'e umur ukàgaw peme a'e xe.