Isaías 26:13 - Tupàn zeꞌeg

¹³ O Tupàn Tuweharupi Wiko Ma'e urezar, amo teko ywy rehe har wazar a'e wà wiko urezar romo a'e wà. Tupàn a'ua'u uzeapo urezar romo wà no. Ko ma'e urumume'u putar newe kury. Xo ne zo ereiko urezar romo ne.

Isaías 26:13 ပူးပေါင်းရင်းမြစ်များ

2 Crônicas 12:8

Nezewe rehe we amuigo kar putar Xizak wazar romo ihe nehe. Nezewe mehe wexak putar heremiruze'eg romo weko haw ikatu haw wà nehe. Wexak putar tuwihawete amo ywy rehe har heremiruze'eg romo weko haw ikatu 'ymaw wà nehe no, i'i Tupàn izupe.

Isaías 10:11

Amumaw Xamari ihe. Amumaw wazar tupàn a'ua'u ihe wà no. Azapo putar nezewe haw Zeruzarez pe nehe no, tupàn a'ua'u a'e pe har wanupe nehe no, i'i Axir wanuwihawete.

Isaías 12:4

A'e 'ar mehe teko paw umuzàg putar ko zegar haw wà nehe. — Pemume'u Tupàn Tuweharupi Wiko Ma'e ikatu haw nehe. Pehapukaz pepytywà àwàm henoz pà Tupàn pe nehe. Pemume'u hemiapo kwer teko paw wanupe nehe. Pemume'u uhua'u haw wanupe nehe no.

Isaías 2:8

Heta tetea'u tupàn a'ua'u wanagaw paw no. Neremiaihu wapyk upenàràg rehe a'e tupàn a'ua'u wanenataromo wà, umuwete katu wemiapo kwer wà.

Isaías 26:8

O Tupàn Tuweharupi Wiko Ma'e, neze'eg nuzawy kwaw urerape urewe. Uruata hupi. Nerehe uruzeruzar. Urepurukwaw wer nerehe. Urepurukwaw wer tuwe nerehe ure. Urema'enukwaw wer nerehe.

Isaías 51:22

Einu katu Tupàn nezar ize'eg àwàm nehe kury. Upytywà putar wemiaihu wapyro pà a'e wà nehe. Uze'eg Tupàn Tuweharupi Wiko Ma'e nezewe. — Anuhem putar kanek hekwahy haw pupe tynehem ma'e nepo wi ihe nehe kury. Ereka'u ipor pupe nei'u mehe. Nere'u pixik kwaw ipor nehe.

Isaías 63:7

Amume'u putar Tupàn Tuweharupi Wiko Ma'e ipuruamutar katu haw purupe ihe nehe. Uzapo ikatu ma'e tetea'u a'e. A'e rupi amume'u putar ikatu haw izupe nehe, ta'e Tupàn Tuweharupi Wiko Ma'e umur tuwe uze'egatu zanerehe a'e xe. Wexak kar ukatuahy haw wemiaihu wanupe. Ta'e upurupuhareko katu a'e xe. Upuruamutar katu a'e no.

Isaías 64:5

Eremuawyze ikatu ma'e urywete haw rehe iapo har ne wà. Eremuawyze teko ne wà, aze wiko neremimutar rehe tuweharupi wà. Erekwahy urewe. Nezewe rehe we uruzapo wi wi ikatu 'ym ma'e uruiko. Aze uruata wi nerape kwehe arer rupi nehe, xo a'e mehe zo urepyro putar pe nehe.

Amós 6:10

Na'e iànàm oho putar a'e tàpuz me wanetekwer wanenuhem pà wanapy pà tata pupe nehe. A'e iànàm upuranu putar nehe. — Heta we teko aipo xe wà, i'i putar nehe. Amo uwazar putar ize'eg izupe nehe. — Naheta kwaw, i'i putar izupe nehe. Na'e amo ràgypy uze'eg putar nezewe nehe. — Eze'eg zo nehe. Ni Tupàn Tuweharupi Wiko Ma'e her naximume'u kwaw nehe, i'i putar izupe nehe.

Miquéias 4:5

Teko amo ae ywy rehe har umuwete katu uzar tupàn a'ua'u wà. Weruzar uzar ze'eg wà. Tupàn Tuweharupi Wiko Ma'e wiko Zanezar romo a'e. Ximuwete katu zane. Xiruzar ize'eg tuweharupi nehe.

João 8:32

Pekwaw putar ze'eg azeharomoete har nehe. Ze'eg azeharomoete har penenuhem putar ikatu 'ymaw wi a'e nehe.

Romanos 6:22

Ko 'ar rehe Tupàn pepyro peneruwà pezar kwehe arer wi kury, ikatu 'ym ma'e wi kury. Tupàn pezar romo hekon kury. A'e rupi pezapo putar pezar pyahu ma'e hemiapo putar haw nehe kury. Iahykaw rehe peiko putar ipyr tuweharupi nehe.

1 Coríntios 4:7

— Peiko wera'u amo wanuwi, ni'i kwaw Tupàn peme. Tupàn umur pema'e peme paw rupi a'e. Màràzàwe tuwe peiko wiko wera'u ma'e romo. Napeiko kwaw ikàg wera'u ma'e romo pekàgaw rupi. Tupàn umur ukàgaw peme. Xo a'e mehe zo peiko ikàg ma'e romo.

Hebreus 13:15

A'e rupi, tuwe ximume'u Tupàn ikatu haw izupe tuweharupi nehe, ta'e Zezuz umàno zanerekuzaromo a'e xe. Kwehe mehe teko omono ma'ea'yr Tupàn pe wà. Ikatu haw zaneremimume'u ràm a'e no, ikatu Tupàn pe a'e no. Ikatu haw imume'u haw nuzawy kwaw a'e ma'ea'yr imono pyrer a'e. Naximono kwaw ma'ea'yr izupe kury. Ximono zaneze'egatu haw izupe kury. — Uruzeruzar tuwe nerehe ure, za'e izupe kury.

Josué 23:7

Nezewe mehe napeiko kwaw a'e teko peywy rehe wiko ma'e wainuinuromo nehe. Pemume'u zo wazar tupàn a'ua'u waner pe wà nehe. Pemume'uahy zo penemiapo ràm a'e tupàn waner rehe nehe. Pemuwete zo pe wà nehe. Pezeamumew zo wanenataromo nehe no.