Isaías 25:1 - Tupàn zeꞌeg

¹ O Tupàn Tuweharupi Wiko Ma'e, ereiko hezar romo. Urumuwete katu ihe. Amume'u putar nerer ikatu haw nehe, ta'e erezapo ikatuahy ma'e tetea'u ne xe. Erezapo tuwe ma'e neremimume'u kwer rupi katete ne. Kwehe mehe eremume'u neremiapo ràm purupe. Erezapo a'e ma'e iko tuweharupi neze'eg awer rupi katete.

Isaías 25:1 ပူးပေါင်းရင်းမြစ်များ

Salmos 111:4

Tupàn Tuweharupi Wiko Ma'e nazanemueharaz kar kwaw wemiapo kwer ikatuahy ma'e wi a'e. Ikatu a'e. Upurupuhareko katu no.

Salmos 118:28

Ereiko hezar romo ne. Amume'u putar nekatu haw nehe. Ereiko hezar romo. Amume'u putar nehua'u haw nehe no.

Salmos 145:1

Hezar heruwihawete, amume'u putar nehua'u haw nehe. Tuweharupi amume'u putar nekatu haw newe nehe.

Salmos 146:2

Amumaw putar hekwarahy paw hezar ikatu haw imume'u pà ihe nehe. Amuzàg putar zegar haw ikatu haw rehe herekuwe mehe we ihe nehe.

Salmos 31:15

Tuweharupi erezekaiw katu herehe. Hepyro pe heàmàtyry'ymar wanuwi, Herehe ipurupyhyk wer ma'e wanuwi.

Salmos 40:5

O Tupàn Tuweharupi Wiko Ma'e urezar. Erezapo ma'e uhua'u ma'e urewe ne wà. Naheta kwaw amo nezàwenugar wà. Eremume'u ikatuahy ma'e urewe neremiapo ràm. Aze mo heze'eg wer a'e ma'e nànàn, Napuner iwer mo, ta'e heta tetea'u a'e wà xe. Teko nupuner kwaw wapapar haw rehe wà.

Salmos 40:6

Nereputar kwaw nerenataromo ma'ea'yr izuka pyr ne wà. Nereputar kwaw arozràn newe imur pyr no. Ma'ea'yr nerenataromo hapy pyr nerenoz kwaw ne wà. — Pemur ma'e ihewe penemiapo kwer hekuzaromo nehe, nere kwaw teko wanupe. Eremur hereapyakwar ihewe ne, ma'e henu kar pà ihewe ne.

Salmos 46:10

Uze'eg nezewe teko wanupe. — Pepytu'u pezeàmàtyry'ym ire nehe. Pekwaw Tupàn romo hereko haw nehe. Aiko teko ywy nànànar wanuwihawete romo. Aiko ywy nànànar wazar romo no.

Salmos 75:2

Nezewe uze'eg Tupàn. — Amume'u katu 'ar teko wanemiapo kwer imume'u àwàm kwez ihe. A'e 'ar mehe amume'u putar wanemiapo kwer hekatu haw rupi ihe nehe.

Salmos 78:4

Naxiumim kwaw a'e ma'e zanera'yr wanuwi nehe. Zaze'eg putar zanezuapyapyr wanupe nehe, tupàn Tuweharupi Wiko Ma'e ipuner haw rehe nehe, Hemiapo kwer ikàg ma'e rehe nehe, hemiapo kwer ikatuahy ma'e rehe nehe.

Salmos 89:1

O Tupàn Tuweharupi Wiko Ma'e, tuweharupi azegar putar nepuruamutar katu haw rehe nehe. Amume'u putar puruwi netyryk 'ymaw teko wanupe nehe no, wapurumuzàmuzàg wanupe nehe no.

Salmos 98:1

Pemuzàg amo zegar haw ipyahu ma'e Tupàn Tuweharupi Wiko Ma'e pe nehe, Ta'e uzapo ikatuahy ma'e a'e xe. Weityk wàmàtyry'ymar paw Ukàgaw rupi upuner haw ikatu ma'e rupi a'e wà.

Salmos 99:5

Pemume'u Tuweharupi Wiko Ma'e Zanezar ikatu haw nehe. Peapyk pepenàràg rehe henaw henataromo nehe, Ta'e imonokatu pyrer romo hekon a'e xe.

Êxodo 15:2

Tupàn Tuweharupi Wiko Ma'e wiko hepytywà har ikàg ma'e romo. Wiko hepyro har romo. Hezar romo hekon. Amume'u putar ikatu haw nehe. Heru izar romo hekon. Amume'u putar ikàgaw hezegar pà nehe.

Isaías 11:5

Weruze'eg putar wemiaihu ukatu haw rupi wà nehe, umunar 'ymaw rupi wà nehe no.

Isaías 12:1

A'e 'ar mehe teko paw uzegar putar nezewe wà nehe. — Amume'u nekatu haw, O Tupàn Tuweharupi Wiko Ma'e. Kwehe mehe erekwahy ihewe. Nekwahy haw upaw kury. Ko 'ar rehe hemurywete kar iko ne.

Isaías 26:13

O Tupàn Tuweharupi Wiko Ma'e urezar, amo teko ywy rehe har wazar a'e wà wiko urezar romo a'e wà. Tupàn a'ua'u uzeapo urezar romo wà no. Ko ma'e urumume'u putar newe kury. Xo ne zo ereiko urezar romo ne.

Isaías 26:8

O Tupàn Tuweharupi Wiko Ma'e, neze'eg nuzawy kwaw urerape urewe. Uruata hupi. Nerehe uruzeruzar. Urepurukwaw wer nerehe. Urepurukwaw wer tuwe nerehe ure. Urema'enukwaw wer nerehe.

Isaías 28:29

Tupàn Tuweharupi Wiko Ma'e Ikàg Wera'u Ma'e ukwaw kar nezewe haw iapo haw izupe. Tupàn hemiapo putar àwàm ikatuahy. Ukwaw katu wyzài ma'e iapo haw.

Isaías 40:27

Teko Izaew izuapyapyr wà: màràzàwe tuwe peze'eg pezemumikahy haw rupi. — Tupàn Tuweharupi Wiko Ma'e nuzekaiw kwaw zanerehe, peze peiko. — Tupàn Tuweharupi Wiko Ma'e nume'e kwaw zanereko haw rehe, peze peiko. Màràzàwe tuwe peze'eg nezewe.

Isaías 46:10

Izypy mehe arer we amume'u uzeapo ma'e ràm ihe. Kwehe mehe amume'u ma'e uzeapo ma'e ràm. — Uzeapo putar ma'e heze'eg rupi katete nehe, a'e purupe. Aze hepurapo wer ma'e rehe nehe, azapo putar a'e ma'e nehe, a'e purupe kwehe mehe.

Isaías 46:11

Aenoz amo awa tekoko ihe. — Ezur kwarahy hemaw wi nehe, a'e tekoko izupe. Ur iko na'arewahy ywy muite har wi wiràhu ài. Uzapo putar ma'e heremiapo kar nehe. Azapo putar ma'e heze'eg awer rupi katete nehe. Azapo putar heremimume'u kwer nehe.

Isaías 49:4

Ihe aze'eg hezeupe ihe. — Ama'ereko tetea'u ihe. Nezewe rehe we Izaew nuzewyr kwaw Tupàn pe wà. Heremiapo kwer paw nahekuzar kwaw, a'e hezeupe. Nezewe rehe we akwaw Tupàn Tuweharupi Wiko Ma'e ihewe hekuzar imur àwàm ihe. Umekuzar putar hema'ereko awer a'e nehe.

Isaías 49:5

Hezexak kar 'ym mehe we Tupàn Tuweharupi Wiko Ma'e herexak wemiruze'eg romo hemuigo kar pà. Omono'og kar wemiaihu ihewe wà. — Emuzewyr kar heremiaihu ihewe ne wà nehe, i'i ihewe. Hekatuahy tuwe Tupàn Tuweharupi Wiko Ma'e pe ihe. Tupàn hezar wiko hekàgaw romo a'e.

Isaías 61:10

Zanerurywete putar nehe. Ximuzàg putar zegar haw Tupàn ikatu haw imume'u haw nehe, ta'e Tupàn Tuweharupi Wiko Ma'e Zanezar uzapo ikatuahy ma'e a'e xe. Umunehew kar purupyro haw zanewe kamir ài a'e. Umunehew kar zaneàmàtyry'ymar waneitykaw zanewe kamirpuku iànàm ma'e ài no. Zaiko awa hemireko ma'e ràm pàn ipuràg ma'e uwàkàg rehe har imunehew har ài zane. Zaiko kuzà imen ma'e ràm ita hekuzar katu ma'e pupe imupuràg eteahy pyrer ài no.

Isaías 7:13

Na'e uze'eg Izai kury. — Penu katu nehe, Tawi izuapyapyr wà. Peputupyk teko peiko pe wà. Aipo nuhyk kwaw nezewe haw. Aipo peputupyk putar Tupàn hezar nehe no.

Joel 2:26

Pereko putar penemi'u ràm tetea'u nehe. Napepuner kwaw a'e ma'e paw i'u haw rehe nehe. Pemume'u putar Tupàn Tuweharupi Wiko Ma'e pezar ikatu haw nehe. Ta'e umur ma'e ikatuahy ma'e tetea'u peme a'e xe. Heremiaihu na'imaranugar wi pixik kwaw wà nehe.

Números 23:19

Tupàn nahemu'em kwaw teko wazàwe a'e. Nuiko kwaw teko romo. Nuzewyr kwaw uze'eg awer wi. Aze Tupàn umume'u wemiapo ràm, aipo nuzapo kwaw. — Azapo putar ihe nehe, i'i. Uzapo tuwe a'e.

Efésios 1:11

Izypy mehe Tupàn umume'u wemiapo ràm paw rupi katete uzeupe a'e. Uzapo a'e ma'e iko kury, wemimume'u kwer rupi katete kury. Zanerexarexak, wemiaihu romo zanemuigo kar pà, Zaneruwihawete hekwe inuromo zanemono'og pà. Ta'e uputar nezewe haw a'e xe. Izypy mehe umume'u wemiapo ràm uzeupe.

Apocalipse 15:3

Umuzàg Moizez zegar haw 'àm wà. (Moizez Tupàn ze'eg imume'u har kwehe arer romo hekon a'e.) Umuzàg Àràpuhàràna'yr zàwenugar rehe zegar haw 'àm wà no. Urezar ne, Tupàn Ikàg Wera'u Ma'e ne. Uhua'u neremiapo kwer. Ikatuahy neremiapo kwer. Teko ywy rehe har wanuwihaw romo ereiko paw rupi. Aze erezapo kar ma'e nehe, Ikatu putar a'e ma'e nehe. Aze eremume'u ma'e neremiapo ràm nehe, Erezapo putar tuwe a'e ma'e neremimume'u kwer nehe,

Apocalipse 19:11

Na'e aexak ywak izewàpytymawok mehe ihe kury. Kawaru xig ma'e u'àm a'e pe a'e. Awa iku'az hin. Uze'eg rupi ma'e iapo har a'e awa her romo a'e. Ze'eg azeharomoete har imume'u har amo ae her romo a'e no. Umume'u katu tuwe teko wanemiapo kwer a'e. Nahemu'em kwaw imume'u mehe. Uzàmàtyry'ym xo ikatu 'ym ma'e iapo har zo a'e wà nehe no.

Apocalipse 7:12

Uze'eg nezewe izupe wà. Azeharomoete. Tuwe teko paw umume'u nekatu haw a'e wà nehe. Nekàg wera'u ne, nepuràg eteahy wera'u ne. Erekwaw katu ma'e paw rupi katete ne. Urerurywete ure, ta'e urepyro pe ne xe, ta'e ikatuahy ma'e erezapo iko urewe ne xe. Tuwe teko uze'eg newe neremiruze'eg ài wà nehe, Tuwe weruzar neze'eg wà nehe. Ereiko ikàg wera'u ma'e romo ne. Tuwe nezewe ereiko tuweharupi nehe, Awyze har rupi nehe no. Azeharomoete, i'i izupe wà.