Isaías 23:3 - Tupàn zeꞌeg

³ Weruata kanuhu yryhu uhua'u ma'e wanehe wà. Werur arozràn Niru yrykawhu wi Ezit ywy rehe har wi wà. Peme'eg a'e arozràn ywy nànànar wanupe. Pemono'og temetarer tetea'u ime'eg mehe nehe.

Isaías 23:3 ပူးပေါင်းရင်းမြစ်များ

1 Crônicas 13:5

Na'e Tawi omono'og Izaew paw wà kury: kwarahy ihemaw awyze har kutyr har Ezit ywyzaw huwake har wà, te kwarahy heixe haw awyze har kutyr har Amat pe zeupir haw pe har wà no. Ywy nànànar uzemono'og Kiriat-Zeàri tawhu pe Tupàn Ze'eg Hyru heraha pà Zeruzarez tawhu pe wà.

Isaías 19:7

Amogwer ka'a uxinig putar paw rupi nehe no. Ma'e tymaw yrykawhu izywyr har paw uxinig putar nehe no. Ywytu weraha putar ma'e itym pyrer paw nehe. Ukàzym putar nehe.

Isaías 23:8

A'e tawhu a'e, ikàg a'e. Ima'eme'egar wiko tuwihawete ta'yr ài wà. Ima'eme'egaw wazar uzemuawate kar teko ywy nànànar wanupe wà no. Mo umume'u ko iaiw paw Xir tawhu pe iapo pyràm.

Isaías 32:20

Penurywete paw rupi nehe. Heta tetea'u putar 'y penemitygwer pe nehe. Heta tetea'u putar ka'api'i peneimaw zumen wanupe nehe, tapi'ak wanupe nehe no.

Jeremias 2:18

Peho putar Ezit ywy rehe 'y Niru yrykaw pupe pei'u pà nehe kury. Ma'en peputar nezewe iapo pà ko 'ar rehe nehe kury. Peho putar Axir ywy rehe 'y Ewparat yrykaw pupe pei'u pà nehe kury. Ma'en peputar nezewe iapo pà ko 'ar rehe nehe kury.

Ezequiel 27:33

Nema'e yryhu nànàn heraha mehe, eremono ma'e teko tetea'u wamurywete kar pà. Nema'e hekuzar katu ma'e imono mehe eremuigo kar tuwihawete ywy rehe har hemetarer katu ma'e romo ne wà.

Ezequiel 28:4

Nema'ekwaw katu haw a'e, nema'ekwaw paw a'e, omono'og temetarer tetea'u newe: itazu or, itaxig parat no.

Joel 3:5

Ta'e pemunar hema'e rehe pe xe. Parat, or no. Pemonokatu a'e temetarer a'e ita hekuzar katu ma'e tupàn a'ua'u pezar wanàpuzuhu pe.

Deuteronômio 11:10

A'e ywy penemipyhyk ràm uzawy Ezit ywy penemizarer a'e. Ezit ywy rehe ma'eà'yz itym ire pema'ereko tetea'u 'y ywy rehe heraha pà. Nuzawy kwaw ma'etymaw penàpuz huwake har peme.

Josué 13:3

Waiwy uzypyrog yrykaw Xihor her ma'e pe, Ezit ywy kwarahy hemaw kutyr har pe. Oho ywy Akerom her ma'e pe kwarahy hemaw ahurehe har kutyr pe. Kànàà izuapyapyr a'e wà, a'e ywy paw izar romo wanekon a'e wà. Heta 5 tuwihawete a'e pe wà. Amume'u putar tawhu waner xe wà nehe. Kaz, Azenoz, Akerom, Kat, Ekerom Awite waneko haw.