Isaías 23:2 - Tupàn zeꞌeg

² Pekuhem pezemumikahy haw rupi nehe, yryhu iwyr har wà, Xitom tawhu pe har ma'eme'egar wà. Wata ma'e nerehe we har wahaw yryhu a'e wà.

Isaías 23:2 ပူးပေါင်းရင်းမြစ်များ

Salmos 46:10

Uze'eg nezewe teko wanupe. — Pepytu'u pezeàmàtyry'ym ire nehe. Pekwaw Tupàn romo hereko haw nehe. Aiko teko ywy nànànar wanuwihawete romo. Aiko ywy nànànar wazar romo no.

Isaías 41:1

Nezewe uze'eg Tupàn Tuweharupi Wiko Ma'e. — Teko ywy muite har rehe har wà, Pepytu'u peze'eg ire. Pezeapyaka katu nehe. Pemupyahu pekàgaw nehe. Pezur penemiapo kwer ikatu ma'e imume'u àwàm rehe pezemuàgà'ym pà nehe. Zazemono'og nehe. — Mo ikatu, za'e putar zanezehezehe zanepuranu pà nehe.

Isaías 47:5

Uze'eg nezewe Mawiron wanupe. — Peapyk peze'eg 'ym pà nehe. Peho amo tatainy heta 'ymaw pe nehe, ta'e ni amo nuze'egatu pixik kwaw penehe wà nehe xe. — Ywy nànànar wanuwihawete kuzà romo peiko pe, ni'i pixik kwaw peme wà nehe.

Ezequiel 28:2

Awa ta'yr, Emume'u heze'eg eho Xir tawhu wanuwihawete pe nehe kury. — Nezar Tuweharupi Wiko Ma'e uze'eg nezewe a'e, ere izupe nehe. — Aiko wera'u amo wanuwi ihe, ere iko azeharomoete. — Aiko tupàn romo ihe, ere iko. — Apyk tenawhu rehe Tupàn ài, ere iko. Yryhu umàmàn heiwyr, ere iko. Nereko wer tupàn romo. Nerepuner kwaw. Ta'e ereiko Awa ta'yr romo ne xe. Nereiko kwaw tupàn romo.

Ezequiel 28:21

Awa ta'yr, Emume'u Xitom tawhu pe uzeapo ma'e ràm nehe kury.

Habacuque 2:20

Tupàn Tuweharupi Wiko Ma'e wiko wàpuzuhu ikatuahy ma'e pupe. Tuwe teko paw upytu'u uze'eg ire henataromo wà nehe.