Isaías 23:10 - Tupàn zeꞌeg

¹⁰ Epàn ywy rehe har wà, Niru iwyr har utym ma'e yrykawhu iwyr rehe wà. Nezewegatete pezutym ma'e peywy rehe nehe no, ta'e zauxiapekwer weityk kanuhu wapytu'u haw peneko awer pe har a'e wà xe. (Kanuhu noho kwaw a'e pe wà kury. Teko nuiko kwaw a'e pe wà kury no).

Isaías 23:10 ပူးပေါင်းရင်းမြစ်များ

Jó 12:21

Nuwereko katu kwaw tuwihaw wà. Umumaw wapuner haw upuner ma'e wanuwi no.

Salmos 18:32

A'e ae hemukàg kar har romo hekon a'e. Hemunyryk kar ikatu 'ymaw wi wyzài ywy rehe heho mehe.

Isaías 19:7

Amogwer ka'a uxinig putar paw rupi nehe no. Ma'e tymaw yrykawhu izywyr har paw uxinig putar nehe no. Ywytu weraha putar ma'e itym pyrer paw nehe. Ukàzym putar nehe.

Isaías 23:11

Tupàn Tuweharupi Wiko Ma'e upir opo yryhu rehe uzepyk pà: weityk tuwihawete upuner ma'e wà. — Pemumaw tawhu upuner ma'e Peni ywy rehe har pe wà nehe, i'i amo wanupe.

Isaías 23:14

Pezai'o nehe, kanuhu pupe har yryhu myter pe har wà. Zauxiapekwer weityk Xir tawhu imumaw pà wà. Naheta kwaw pepytu'u katu àwàm peme kury, pekanuhu wanupe no.

Isaías 23:9

Tupàn Tuweharupi Wiko Ma'e Ikàg Wera'u Ma'e umume'u a'e ma'e iapo pyràm a'e. Iporo'ok wer wiko wera'u ma'e wakàgaw rehe wanuwi a'e. Ipurumuigo wer ikàg ma'e ywy nànànar wanehe ikàg 'ym ma'e romo wà.

Lamentações de Jeremias 1:6

Zeruzarez ipuràg eteahy haw upaw. Ipupe har wanuwihaw nuzawy kwaw miar wà. Nuzawy kwaw miar ima'uhez ma'e ikàg 'ym ma'e wà. Uzàwehem uzuka àràm wanuwi wà.

Ezequiel 26:18

Kutàri tawhu i'ar awer 'ar mehe yrypypo'o uryryryryz paw rupi wà. Wanehe har ukyzeahy ma'e tetea'u imumaw pawer hexak ire wà.

Ageu 2:22

Aeityk putar tuwihawete wanenaw ihe wà nehe. Amumaw putar wakàgaw ihe wà nehe no. Amuaiw putar ywyramawa zeàmàtyry'ymawhu pe har wà nehe no. Azuka putar ywyramawa wapupe har wà nehe no. Kawaru umàno putar wà nehe no. Kawaru ku'az har uzezukazuka putar wà nehe no.

Romanos 5:6

Izypy mehe xiapo ikatu 'ym ma'e zaiko tuweharupi zane. Nazapuner kwaw zanepytu'u haw rehe iapo re zane, ta'e nazanekàg kwaw a'e 'ar mehe zane xe. Tupàn wexaexak u'ar a'e. A'e 'ar mehe umur kar Zaneruwihawete ko ywy rehe a'e, imumàno kar pà ikatu 'ym ma'e iapo arer wanekuzar romo a'e.

1 Samuel 28:20

A'e 'ar mehe we u'ar Xau ywy rehe u'aw pà. Ta'e ukyze katu Xamuew ze'eg awer henu mehe a'e xe. Na'ikàg kwaw ta'e a'e 'ar mehe numai'u kwaw a'e xe. Ni 'aromo ni pyhaw.