Isaías 22:4 - Tupàn zeꞌeg

⁴ A'e rupi aze'eg nezewe peme kury. — Petyryk ihewi kury. Tuwe azai'o hezemumikahy haw iro ma'e rehe nehe. Pezeagaw zo hemurywete kar pà nehe, ta'e teko heremiaihu u'ar tuwe iaiw paw rehe a'e wà xe, a'e wanupe ihe, i'i Tupàn.

Isaías 22:4 ပူးပေါင်းရင်းမြစ်များ

Ester 4:1

A'e ma'e ikwaw mehe Monekaz umu'i ukamirpuku uzemumikahy haw hexak kar pà kury. Umunehew ma'eryru pàn iànàgatu ma'e iapo pyrer uzehe. Omono tanimuk uwàkàg rehe no. Uhem oho tawhu rupi wata pà uzai'o pà uhapukaz pà.

Salmos 77:2

Ma'erahy ipuraraw mehe aze'eg zanezar pe. Pyhaw aupir hepo izupe heze'eg pà. Nezewe rehe we naherurywete kwaw ihe.

Isaías 15:3

Wata oho waiko nahu rupi pàn iànàm ma'e ma'eryru iapo pyr ukamir romo wà, uzemumikahy haw hexak kar pà wà. Uhapukaz tuwe uzai'o pà nahu rupi wà, wàpuz 'aromo har imuàtà pyrer rehe wà no.

Isaías 33:7

Zauxiapekwer ipuruzukaiw ma'e uzai'o nahu rupi uzemumikahy pà wà. Tuwihaw amo ywy rehe har zeàmàtyry'ym 'ymaw hekar har uzai'oahy wà.

Jeremias 13:17

Aze napezekaiw kwaw hehe nehe, azai'o putar hezeàmim pà peneko wera'u haw rehe nehe. Azai'oahy putar nehe. Azuhen putar herehaykwer nehe. Ta'e zauxiapekwer weraha Tupàn hemiaihu wemipyhyk kwer romo wà xe.

Jeremias 31:15

Uze'eg wi Tupàn Tuweharupi Wiko Ma'e kury. — Teko wenu amo ma'e Hama pe har wà. Nuzawy kwaw teko wazai'oahy haw. Hakew wiko a'e uzai'o ma'e romo a'e. Uzai'o umemyr awa wanehe. — Hemurywete kar zo pe nehe, i'i. Ta'e imemyr awa paw umàno wà xe.

Jeremias 4:19

Hahy ihewe. Napuner kwaw agwer ma'erahy ipuraraw haw rehe. Uhua'u. A, hepy'a. Hepy'a unununukahy iko. Napuner kwaw heze'eg 'ymaw rehe. Ta'e ainu xi'àm ma'e'ak kwer iapo pyrer ihe xe. Aenu zauxiapekwer zeàmàtyry'ymawhu pe oho ma'e wanehapukaz mehe ihe wà.

Jeremias 6:26

Tupàn uze'eg wemiaihu wanupe. — Pemunehew ma'eryru pàn iànàgatu ma'e iapo pyrer pezemumikahy haw hexak kar pà nehe. Pezeruwaruwak tanimuk rehe nehe no. Aze pitài zo pena'yr, aze umàno, pezai'oahy. Pezai'o nezewegatete nehe kury. Pezakook penehaykwer iro ma'e nehe. Ta'e ma'e imumaw par peàmàtyry'ym putar na'arewahy nehe xe.

Jeremias 8:18

Ni amo nupuner kwaw hezemumikahy haw henuhemaw rehe ihewi wà. Hepy'a ima'eahy.

Jeremias 9:1

Aze mo heàkàg nuzawy iwer yzygwar, ikatu mo ihewe. Nezewe mehe hereha nuzawy iwer mo tehaykwer tetea'u imuhem kar haw. Nezewe mehe apuner mo hezai'o tetea'u haw rehe, 'aromo, pyhaw, heànàm izuka pyrer wanehe.

Jeremias 9:18

Uze'eg teko wà. — Tuwe a'e kuzà ur na'arewahy wà nehe. Tuwe umuzàg amo zegar haw teko wazemumikahy mehe har zanewe wà nehe, zanereha imumynehem kar pà tehaykwer pupe wà nehe. Tuwe zanereha iàkym zanezai'o tetea'u haw rehe nehe, i'i wà.

Lamentações de Jeremias 2:11

Hereha ikene'o ta'e azai'o tetea'u ihe xe. Azemumikahy tuwe. Hezemumikahy haw hemumaw a'e. Ta'e amo umumaw heremiaihu a'e wà xe. Aexak kwarer tawhu pupe nahu rupi ima'uhez ma'e umàno ma'e ihe wà. Aexak kwarera'i wamàno mehe ihe wà no.

Ezequiel 21:11

Amueny katu hetakihepuku hereko ihe. Amuàgà'ym puruzuka àwàm rehe. Haime katu heny katu no. Amono putar amo puruzuka ma'e ipo pe nehe.

Ezequiel 27:31

Nerehe uma'enukwaw mehe upin wàkàg wà. Umunehew ma'eryru pàn iànàm ma'e iapo pyrer ukamir romo wà. Uzai'o upy'a iro ma'e rehe we wà.

Miquéias 1:8

A'e rupi azai'o hereiheihem pà ma'erahy rehe ihe. Ata aha teko hexapat 'ym ihe, hema'e 'ym ihe, hezemumikahy haw hexak kar pà ihe. Azai'o awara ài. Amuhem hereiheihemaw wiranu ài ihe no.

Mateus 2:18

Teko wenu amo Hama taw pe har wazai'o mehe wà, Wazemumikahy mehe wà. Hakew uzai'o iko umemyr wanehe. Uzai'o tuwe iko a'e. Ni amo no'ok kwaw izemumikahy haw izuwi wà nehe. Ta'e amo uzuka kwarearera'i paw rupi a'e wà xe.

Mateus 26:75

Ima'enukwaw Pet Zezuz ze'eg awer rehe. — Zapukaz ze'eg zanune nehe, na'iruz haw eremume'u putar hekwaw 'ymaw nehe, amo wanupe nehe, i'i izupe a'e 'ym mehe a'e xe.

Lucas 1:2

A'e re amo a'e ma'emume'u har a'e wà, umuapyk a'e Zezuz rehe ma'emume'u haw pape rehe a'e wà. Erekwaw katu agwer ma'e ne no ty. Umume'u a'e ma'e izypy mehe arer wanemimume'u kwer wà, pape rehe imuapyk pà wà.

Lucas 19:41

Uhem tawhu huwake kury. Hexak mehe uzai'o Zezuz taw pe har wanehe kury. Uze'eg wanupe.