Isaías 22:2 - Tupàn zeꞌeg

² Màràzàwe tuwe pehapukaz peiko mynykaw iapo pà. Màràzàwe tuwe taw pe har paw uzàuzàn e urywete haw rupi wà. Zauxiapekwer Zeruzarez parer ko zeàmàtyry'ymawhu pe umàno ma'e kwer a'e wà, nuzezuka kar kwaw amo zauxiapekwer wanupe a'e wà.

Isaías 22:2 ပူးပေါင်းရင်းမြစ်များ

Isaías 10:4

Zauxiapekwer peneraha putar wemipyhyk kwer romo wà nehe. Pezuka putar zeàmàtyry'ymawhu pe wà nehe. Nezewe rehe we nahakuir kwaw Tupàn ikwahy haw. Upir wiwi opo penehe uzepyk pà.

Isaías 23:7

Tawhu Xir her ma'e hurywete ma'e kwehe mehe iapo pyrer a'e, uzeityk kar kwez amo tuwihawete pe kury. A'e tawhu omono kar wa'yr ywy muite har wanupe weko haw wapo kar pà wanupe wà.

Isaías 32:13

Xu hezuz putar ka'a rehe we heremiaihu waiwy rehe nehe. Pezai'o tawhu hurywete ma'e kwer rehe nehe. Pezai'o tàpuz teko hurywete ma'e pupe tynehem ma'e kwer rehe nehe.

Isaías 32:14

Naheta kwaw teko tuwihawete hàpuzuhu pupe wà nehe. Naheta kwaw teko tawhu pupe wà nehe. Tàpuztàtà uzeapo putar ywy ikaika pyrer ywytyr romo uzeapo ma'e kwer romo nehe. Zumen hehaite ma'e wiko putar a'e pe wà nehe. Ni amo nomono kar kwaw a'e wi wà nehe. Àràpuhàràn u'u putar ka'api'i a'e pe wà nehe no.

Isaías 37:33

Amo ae ze'eg Tupàn Tuweharupi Wiko Ma'e umume'u iko Axir wanuwihawete rehe. — Nuixe kwaw 'aw tawhu pupe nehe. Nomomor kwaw ni pitài u'yw ikutyr nehe. Ni pitài zauxiapekwer uzemimaw hereko har nuhem kwaw tawhu huwake a'e wà nehe. Zauxiapekwer nuzapo kwaw uzeupir haw pàrirogaw aiha rehe wà nehe.

Isaías 37:36

Na'e Tupàn Tuweharupi Wiko Ma'e heko haw pe har oho zauxiapekwer Axir waker haw pe a'e kury. Uzuka 185.000 zauxiapekwer a'e pe wà. Iku'em mehe umàno 'ym ma'e kwer wexak umàno ma'e kwer wanetekwer wà.

Jeremias 14:18

Kaiwer pe heho mehe aexak awa zeàmàtyry'ymawhu pe izuka pyrer wanetekwer ihe wà. Tawhu pupe hereixe mehe aexak teko ma'uhez haw wi umàno etea'i ma'e ihe wà. Tupàn ze'eg imume'u har a'e wà, xaxeto a'e wà no, uzapo wi wi uma'ereko haw wà. Nezewe rehe we nukwaw kwaw wemiapo wà.

Jeremias 38:2

— Nezewe Tupàn Tuweharupi Wiko Ma'e uze'eg a'e, a'e wanupe. — Tawhu pupe upyta ma'e ràm umàno putar zeàmàtyry'ymawhu pupe wà nehe, ma'uhez haw wi wà nehe, ma'eahy haw wi wà nehe. Aze amo uhem tawhu wi Mawiron wanupe uzemono pà wà nehe, zauxiapekwer nuzuka kwaw wà nehe. Wikuwe putar wà nehe, i'i Tupàn a'e, a'e wanupe.

Jeremias 52:6

A'e kwarahy rehe 4 haw zahy rehe 9 haw 'ar mehe ma'uhez haw uhua'u tawhu pupe kury. Naheta kwaw temi'u teko wanupe.

Lamentações de Jeremias 1:1

Azeharomoete naheta kwaw teko Zeruzarez pe wà. Kwehe mehe heta tetea'u teko a'e pe wà. Teko ywy nànànar uzeruze'eg a'e tawhu rehe wà. Ko 'ar rehe nuzawy kwaw kuzà imen umàno ma'e kwer. Kwehe mehe nuzawy kwaw tuwihawete kuzà. Ko 'ar rehe nuzawy kwaw amo pe uma'ereko e ma'e.

Lamentações de Jeremias 2:20

Eme'e nema'enukwaw pà nehe, o Tupàn Tuweharupi Wiko Ma'e. Aipo amo 'ar mehe erereko amo teko nezewe ne wà. Kuzà uzamutar katu umemyr wà. Aipo uzuka putar umemyr i'u pà wà nehe. Aipo teko uzuka putar neze'eg imume'u har a'e wà nehe. Aipo uzuka putar xaxeto a'e wà nehe no, neràpuzuhu pupe a'e wà nehe.

Ezequiel 22:5

Ywy penuwake har uze'eg uryweteahy penehe. Ywy muite har uze'eg uryweteahy penehe wà no. Ta'e ereiko tawhu teko tuwihaw heruzar 'ymar pupe tynehem ma'e romo ne xe.

Sofonias 2:15

A'e ma'e paw uzeapo putar Nin tawhu pe nehe. Ta'e wiko wera'u a'e xe. Ta'e uze'eg tuweharupi ukàgaw rehe xe. — Naheta kwaw amo tawhu urereko haw wi ikàg wera'u ma'e a'e, i'i purupe wà. Uzeapo putar ywyxiguhu romo nehe. Miar waneko haw romo ma'ea'yr izar 'ym ma'e waneko haw romo uzeapo putar nehe. Aze amo ukwaw tawhu kwer huwake wà nehe, ipytuhegatu putar iaiw paw uhu haw hexak mehe wà nehe.