Isaías 21:11 - Tupàn zeꞌeg

¹¹ Na'aw Tupàn ze'eg Enom wakutyr har xe kury. Amo Enom ywy rehe har herenoz ihewe uze'eg pà nezewe a'e. — Ume'egatu ma'e, màràn or heta we kwarahy ihemaw 'ym mehe we. Ume'egatu ma'e, màràn mehe upaw putar ipytunahy haw nehe, i'i ihewe.

Isaías 21:11 ပူးပေါင်းရင်းမြစ်များ

Gênesis 25:14

Mizima, Numa, Maxa,

Gênesis 32:3

Omono Zako awa uze'eg heraha har ywy Xeir her ma'e pe wà. Enom amo ae a'e ywy her romo a'e no. — Pekar heryky'yr Ezau peho nehe, i'i wanupe.

Gênesis 32:4

Umume'u kar uze'eg heraha Ezau pe. — Ihe Zako ihe. Aiko xe newe uma'ereko ma'e ài ihe. Amumaw kwarahy tetea'u Àràmàw ipyr hereko pà ihe.

Salmos 137:7

O Tupàn Tuweharupi Wiko Ma'e, nema'enukwaw Enom izuapyapyr wanemiapo kwer ikatu 'ym ma'e rehe nehe. Iaiw ma'e uzapo Zeruzarez heityk awer 'ar rehe wà. Nema'enukwaw waze'eg rehe nehe. — Peityk tàpuz Zeruzarez pe har wamumaw pà upaw rupi pe wà nehe, i'i wà.

Cânticos dos Cânticos 3:3

Zauxiapekwer tawhu rehe uzekaiw ma'e heruwàxi wà. Apuranu wanehe. — Aipo pexak heremiamutar katu, a'e wanupe.

Isaías 21:12

Ume'egatu ma'e uwazar ize'eg izupe, — Iku'em putar nehe. Nezewe rehe we uhem wi putar ipytunahy haw nehe, Aze nepuranu wi wer hehe nehe, ezewyr hehe nepuranu wi pà nehe, i'i izupe.

Isaías 21:6

Tupàn hezar uze'eg nezewe ihewe ma'e iapo kar pà ihewe kury. — Eho amo zauxiapekwer ume'egatu ma'e imupu'àm pà nehe. — Aze erexak ma'e nehe, emume'u purupe nehe, ere izupe nehe, i'i ihewe. — Emume'u neremixak kwer paw rupi nehe, ere izupe nehe.

Jeremias 37:17

Amo 'ar mehe tuwihawete Zeneki omono kar zauxiapekwer hepiaromo wà kury. Tàpuzuhu pe hehem mehe upuranu herehe amo wanuwi utyryk pà kury. — Zeremi, aipo Tupàn Tuweharupi Wiko Ma'e umume'u amo ze'eg newe, i'i. — Umume'u a'e, a'e izupe. — Nemono putar Mawiron wanuwihawete ipo pe a'e nehe, a'e izupe.

Jeremias 6:17

Tupàn omono kar amo awa a'e wà. — Pezekaiw xi'àm ma'e'ak iapo pyrer ipy haw rehe nehe, i'i wanupe. Uzekaiw ma'e uze'eg izupe wà. — Nuruzekaiw kwaw ipy haw rehe nehe, i'i izupe wà.

Ezequiel 25:12

Zanezar Tuweharupi Wiko Ma'e umume'u ko ma'e kury. — Teko Enom izuapyapyr upurarawahy kar ma'erahy Zuta wanupe wanehe uzepyk mehe wà. Uzepyk wera'u wanehe. A'e rupi azepyk putar tuwe Enom wanehe ihe nehe.

Ezequiel 33:7

Awa ta'yr, Urumuigo kar ume'egatu ma'e romo Izaew nànàn ihe kury. Amume'u putar heze'eg newe nehe, A'e re eremume'u putar a'e ze'eg wanupe nehe.

Joel 3:19

Ezit ywy uzeapo putar teko heta 'ymaw romo nehe. Enom ywy uzeapo putar ywyxiguhu romo nehe, ta'e a'e ywy rehe har wixe Zuta ywy rehe a'e wà xe, teko ikatu 'ym ma'e iapo 'ymar wazuka pà a'e wà xe.

Amós 1:6

Uze'eg wi Tupàn Tuweharupi Wiko Ma'e. — Teko Kaz ywy rehe har uzapo ikatu 'ym ma'e tetea'u wà. A'e rupi azepyk putar wanehe nehe. Weraha Zuta ywy rehe har paw Enom ywy rehe har wanupe wame'eg pà uma'ereko e ma'e romo wamuigo kar pà wà.

Números 24:18

Weityk putar Izaew waàmàtyry'ymar Enom izuapyapyr wà nehe. Upyhyk putar waiwy wà nehe. Wiko putar waiwy izar romo wà nehe no. Teko Izaew izuapyapyr wexak kar putar ukàgaw wà nehe.

Deuteronômio 2:5

— Peneityk àràm romo uruiko ure nehe, peze zo wanupe nehe. Namono kwaw waiwy peme nehe, ni ipehegwera'i namono kwaw peme nehe. Ta'e amono Enom ywy Ezau izuapyapyr wanupe ihe xe.

Josué 15:52

Upyhyk amo tawhu wà no. Araw, Numa, Exà