Isaías 19:6 - Tupàn zeꞌeg

⁶ Typaw putar 'y oho iko nehe, yrykaw Ezit ywy rehe har wanemiapo kwer paw uxinig putar wà nehe no. Ipihe putar wà nehe. Wywàràn yrykaw izywyr har uxinig putar ka'api'i popok izywyr har rehe we nehe.

Isaías 19:6 ပူးပေါင်းရင်းမြစ်များ

Gênesis 41:2

Na'arewahy uhem 7 tapi'ak wà yrykawhu wi a'e wà kury. Ipuràgete wà. Ikyra katu wà. Uzypyrog ka'api'i yrykaw iwyr har i'u pà wà.

2 Reis 19:24

— A'ywykàz ytyzuzàmaw ywy muitea'u har rehe ihe. Ai'u a'e ytyzuzàmaw rehe ihe, ere ihewe. — Zauxiapekwer heremiruze'eg wapy umuxinig kar yrykaw Niru her ma'e wà, ere ihewe.

Jó 8:11

Aipo wywàràn upuner hezuz haw rehe muite 'y wi. Aipo ka'api'i popok upuner utua'u haw rehe 'y heta 'ymaw pe.

Jó 8:12

Ikyr katu a'e. Nezewe rehe we imonohok 'ym mehe we uxinig a'e, Amogwer ka'a ixinig 'ym mehe we a'e.

Êxodo 2:3

Zawaiw katu imimaw izupe. A'e rupi upupepupe ka'api'ipopok kok romo iapo pà. Uwàpytym kok ikwaikwar iraity zàwenugar pupe 'y wi. Omono kwarer kok pupe kury. Wezar kok yrykawhu iwyr ka'api'ipopok wamyter pe kury.

Êxodo 7:18

Ipira yrykawhu pe har umàno putar wà nehe. Inem putar yrykawhu pe nehe. Ezit ywy rehe har nupuner kwaw a'e 'y pupe uwi'u haw rehe wà nehe, ere izupe nehe, i'i Tupàn Moizez pe.

Isaías 15:6

Yrykaw Niri her ma'e typaw a'e kury. Ka'api'i waneimaw wanemi'u uxinig a'e no. Ka'a uxinig no. Naheta kwaw ikyr katu ma'e wà kury.

Isaías 18:2

A'e ywy rehe har umur kar uze'eg herur har zanewe wà. Wezyw oho yrykawhu Niru her ma'e rupi kanuhu ka'api'i popok iapo pyrer pupe wà. Ze'eg herur har uzàn ma'e wà, pezewyr peywy rehe nehe. Pezewyr peànàm ikàg ma'e upuner ma'e wanupe nehe. Iaiha katu a'e peànàm wà. Heny katu wapir. Amogwer teko ywy nànànar ukyze wanuwi wà. Wiko ywy yrykawhu tetea'u heta haw rehe wà.

Isaías 37:25

Azapo 'yzygwar amo ae ywy rehe ihe, ere ihewe. Ai'u 'y a'e 'yzygwar wi arer pupe ihe, ere ihewe. — Zauxiapekwer heremiruze'eg wapy umuxinig kar Niru yrykawhu a'e wà, ere ihewe.

Naum 3:8

Nin. Aipo nekatu wera'u Tema tawhu Ezit ywy rehe har ikàg ma'e wi. Amo yrykawhu uwyryk a'e tawhu huwake a'e no, ipyro pà iàmàtyry'ymar wanuwi a'e no. Yrykawhu Niru her ma'e nuzawy kwaw pàrirogawhu a'e tawhu izewyr har a'e.