Isaías 19:5 - Tupàn zeꞌeg

⁵ 'Y Niru yrykawhu rupi uwyryk ma'e typaw putar nehe. Uxinig putar tuwe yrykawhu nehe.

Isaías 19:5 ပူးပေါင်းရင်းမြစ်များ

Jó 14:11

'Ypaw typaw upaw rupi. Yrykawhu upytu'u uwyryk ire no.

Isaías 15:6

Yrykaw Niri her ma'e typaw a'e kury. Ka'api'i waneimaw wanemi'u uxinig a'e no. Ka'a uxinig no. Naheta kwaw ikyr katu ma'e wà kury.

Isaías 23:11

Tupàn Tuweharupi Wiko Ma'e upir opo yryhu rehe uzepyk pà: weityk tuwihawete upuner ma'e wà. — Pemumaw tawhu upuner ma'e Peni ywy rehe har pe wà nehe, i'i amo wanupe.

Isaías 37:25

Azapo 'yzygwar amo ae ywy rehe ihe, ere ihewe. Ai'u 'y a'e 'yzygwar wi arer pupe ihe, ere ihewe. — Zauxiapekwer heremiruze'eg wapy umuxinig kar Niru yrykawhu a'e wà, ere ihewe.

Isaías 50:2

Aha pepyro pà ihe. Màràzàwe tuwe ni amo noho kwaw heruwàxi pà wà. Apuenoz ihe. Màràzàwe tuwe ni amo nuwazar kwaw heze'eg penenoz mehe ihewe wà. Aipo ko 'ar rehe napuner kwaw pepyro haw rehe ihe. Aipo hekàgaw paw uhem ihewi a'e. Nan. Aze mo amume'u pitài ze'eg, yryhu typaw mo a'e. Amumaw mo 'y. Yrykawhu uzeapo mo ywyxiguhu romo. Pira umàno mo wiwez pà wà. Uzypyrog mo inem pà wà.

Jeremias 51:36

Nezewe uze'eg Tupàn Tuweharupi Wiko Ma'e teko Zeruzarez pe har wanupe. — Apupytywà putar ihe nehe. Azepyk putar peàmàtyry'ymar wanehe nehe. Amutypaw putar yzygwar Mawiron pe har ihe nehe. Amutypaw putar yrykawhu a'e pe har ihe nehe no.

Ezequiel 30:12

Amutypaw putar Niru yrykawhu nehe. Amono putar Ezit ywy awa ikatu 'ym ma'e wanupe nehe. Amo ywy rehe har umumaw putar a'e ywy paw rupi wà nehe. Ihe Tupàn Tuweharupi Wiko Ma'e aze'eg kwez kury.

Zacarias 10:11

Wahaw putar Yryhupiràg oho wà nehe. Ihe Tupàn Tuweharupi Wiko Ma'e arukwar putar ykotok rehe nehe. Amuxinig kar putar 'y Niru yrykawhu pe har nehe. Azuhazuhaw putar Axir wakàgaw nehe. Amumaw putar Ezit wapuner haw nehe no.

Zacarias 14:18

Aze Ezit ywy rehe har noho kwaw tàpuzràn mynykawhu pe wà nehe, Tupàn Tuweharupi Wiko Ma'e uzepyk putar wanehe nehe. Omono kar putar a'e to'o imuaiw har amogwer ywy rehe wà nehe. Omono kar putar Ezit ywy rehe wà nehe no.