Isaías 19:16 - Tupàn zeꞌeg

¹⁶ A'e 'ar mehe Ezit ywy rehe har nuzawy kwaw kuzà a'e wà nehe. Uryryryryz putar ukyze mehe wà nehe, ta'e Tupàn Tuweharupi Wiko Ma'e Ikàg Wera'u Ma'e upir putar opo wanehe uzepyk pà nehe xe.

Isaías 19:16 ပူးပေါင်းရင်းမြစ်များ

Salmos 48:6

Ukyze wà. Ukyze tuwe wà. Nuzawy kwaw kuzà umemyrahy mehe har wà.

Êxodo 11:6

Teko paw uzai'oahy putar tuwe Ezit ywy nànàn wà nehe. Ko 'ar 'ym mehe we nuzai'o pixik kwaw nezewe wà. Ko 'ar henataromo nuzai'o pixik kwaw nezewe wà nehe.

Isaías 10:32

Kutàri wàmàtyry'ymar uhem putar No tawhu pe wà nehe kury. A'e pe wiko mehe ima'enukwaw Xiàw ipyro àwàm rehe wà, Zeruzarez tawhu ipyro àwàm rehe wà.

Isaías 11:15

Tupàn Tuweharupi Wiko Ma'e umuwipaw putar yryhu Xuwez her ma'e nehe. Omono kar putar ywytuaiw yrykawhu Ewparat her ma'e kutyr nehe, imumaw pà nehe. Xo 7 yrykaw zo heta we putar wà nehe. Natypy kwaw wà nehe. Wyzài teko upuner putar wanahaw paw rehe wata pà wà nehe.

Isaías 13:2

— Peupir pànuhu zeàmàtyry'ymawhu pe purenoz taw nehe, amo ywytyr ka'a heta 'ym ma'e rehe nehe. Nezewe mehe teko paw upuner hexakaw rehe wà nehe. Eze'eg wàmàtyry'ymar wanupe nehe. — Pezàmàtyry'ym peho pe wà nehe, peze wanupe nehe. — Peupir pepo wanenataromo nehe. Hexak mehe wixe putar tawhu uhua'u ma'e pupe ukenaw rupi nehe.

Isaías 30:17

Peàmàtyry'ym mehe xo pitài peàmàtyry'ymar zo umuzàwehem kar putar 1000 zauxiapekwer penehe we har wà nehe. 5 peàmàtyry'ymar pemuzàwehem kar putar paw rupi a'e wà nehe. Xo màràn penehe we arer zo upyta putar wà nehe. Upyta ma'e nuzawy kwaw pànuhu tuwihaw her hereko har i'yw ywytyr apyr har wà nehe, i'i Tupàn.

Jeremias 50:37

Pemumaw waneimaw kawaru pe wà nehe. Pemumaw ywyramawa zeàmàtyry'ymawhu pe har nehe no. — Peiko heremiruze'eg romo nehe, i'i zauxiapekwer ikàg 'ym ma'e wanupe. Tuwe a'e zauxiapekwer umàno wà nehe. Pemumaw wanemetarer wanuwi nehe. Pepyhyk wanemetarer heraha pà wanuwi nehe.

Jeremias 51:30

Zauxiapekwer Mawiron ywy rehe har upytu'u amo zauxiapekwer waàmàtyry'ym ire wà. Upyta wàpuzuhutàtà pupe wà. Wakàgaw uhem wanuwi. Nuzawy kwaw kuzà wà. Amo ukauka tawhu hukenawhu wà. Tàpuz ukaz wà no.

Obadias 1:9

Zauxiapekwer Temà tawhu pe har uryryryryz putar ukyze haw wi a'e wà nehe. Zauxiapekwer zeàmàtyry'ymawhu pe oho ma'e umàno putar wà nehe. Amo uzuka putar wà nehe.

Naum 3:13

Zauxiapekwer penehe we har na'ikàg kwaw kuzà ài wà. Tawhu hukenaw uzewàpytymawok. Peàmàtyry'ymar upuner wixe haw rehe tawhu pupe wyzài 'ar mehe wà nehe. Ta'e tata umuaiw iwàpytymaw a'e xe.

Zacarias 10:11

Wahaw putar Yryhupiràg oho wà nehe. Ihe Tupàn Tuweharupi Wiko Ma'e arukwar putar ykotok rehe nehe. Amuxinig kar putar 'y Niru yrykawhu pe har nehe. Azuhazuhaw putar Axir wakàgaw nehe. Amumaw putar Ezit wapuner haw nehe no.

Zacarias 2:13

Tuwe teko paw upytu'u uze'eg ire Tupàn Tuweharupi Wiko Ma'e henataromo wà nehe. Ta'e ur weko haw ikatuahy ma'e wi wemiaihu wanehe we wiko pà a'e nehe xe.

Zacarias 2:9

A'e rupi ihe ae apuàmàtyry'ym putar ihe nehe. Araha kar putar penemetarer paw pewi nehe, penemipyhyk kwer wanupe nehe, i'i Tupàn peme, a'e wanupe. A'e ma'e izeapo mehe pekwaw putar Tupàn Ikàg Wera'u Ma'e heremimur karer romo heko haw nehe, a'e wanupe.

1 Coríntios 2:3

Pepyr heho mehe, nahekàg kwaw ihe, akyze pewi. — Aze ru'u nuzeruzar kwaw Tupàn ze'eg rehe a'e wà nehe, a'e peme.

2 Coríntios 5:11

Urukwaw Tupàn wi urekyze haw ure. A'e rupi urumume'u ize'eg oroho uruiko purupe. Aze teko uzeruzar hehe wà nehe, urerurywete putar nehe. Tupàn zanekwaw katu paw rupi a'e. Tuwe hekwaw pe pepy'a pe nezewegatete pe nehe no.

Hebreus 10:31

Ikatu 'ym ma'e iapo har uzemumikahy putar a'e wà nehe, ta'e Tupàn uzepyk putar wanehe nehe xe.