Isaías 19:13 - Tupàn zeꞌeg

¹³ Zuwà wanuwihaw weityk uma'ekwaw katu haw wà. Tuwihaw hemu'em Men tawhu pe har wanupe wà. A'e pe har uzeruzar e waze'eg rehe wà. Ezit ywy huwakeake har wanuwihawete uzapo kar ikatu 'ym ma'e teko wanupe wà.

Isaías 19:13 ပူးပေါင်းရင်းမြစ်များ

Isaías 19:11

Zuwà tawhu pe har wanuwihaw nukwaw kwaw ikatu ma'e iapo kar haw wà. Tuwihawete pe pureruze'egaw imume'u har umume'u ma'e izupe he'o ma'e ài wà. Màràzàwe tuwe peze'eg nezewe tuwihawete wi pekyze 'ym pà. — Uruiko ma'e kwaw katu har kwehe arer wazuapyapyr romo ure, peze mua'u izupe. — Ureipy wiko tuwihawete romo, peze mua'u izupe.

Jeremias 2:16

Azeharomoete Men pe har wà, Tapinez pe har wà no, upin wemipyhyk kwer teko Izaew ywy rehe har wa'aw wà.

Jeremias 44:1

Tupàn uze'eg ihewe Zutew Ezit ywy rehe wiko ma'e nànàn a'e: Miginow pe har wà, Tapinez pe har wà, Men pe har wà, kwarahy ihemaw awyze har kutyr har wà.

Jeremias 46:14

— Pemume'u ko ze'eg tawhu Ezit ywy rehe har nànàn nehe: Miginow pe, Men pe, Tapinez pe. — Pezemuàgà'ym pezepyro àwàm rehe nehe. Peàmàtyry'ymar umumaw putar pema'e paw zeàmàtyry'ymawhu pe wà nehe.

Jeremias 46:19

Teko Ezit ywy rehe har wà. Pezemuàgà'ym nehe, peneraha putar wemipyhyk kwer romo wà nehe. Tawhu Men uzeapo putar ywyxiguhu romo nehe. Uzeapo putar heityk pyrer romo nehe. Naheta kwaw teko ipupe wà nehe.

Ezequiel 30:13

Zanezar Tuweharupi Wiko Ma'e uze'eg wi kury. — Amumaw putar tupàn a'ua'u wanagapaw ihe wà nehe no. Tupàn a'ua'u teko Men tawhu pe har wazar amumaw putar ihe wà nehe no. Naheta kwaw amo wà nehe, Ezit ywy rehe har wanuwihaw romo wà nehe. Amuhàmuhàz putar kyzeahy haw teko wamyter pe nehe.

Ezequiel 30:14

Amuxinig putar ywy Ezit rehe har kwarahy ihemaw awyze har kutyr har ihe nehe, ywyxiguhu romo iapo pà ihe nehe. Amunyk putar tata Zuwà tawhu kwarahy heixe haw awyze har kutyr har rehe har rehe nehe. Azepyk putar Tema tawhu tuwihawete heko haw rehe ihe nehe.

Ezequiel 30:16

Amunyk putar tata Ezit rehe nehe. Peru tawhu uzepuwànahy putar wahy haw wi nehe. Zauxiapekwer weityk putar Tema tawhu ipàrirogawtàtà wà nehe. 'Y upyk putar a'e tawhu nehe.

Oséias 9:6

Uzàn putar uzezuka haw wi uzepyro pà wà nehe. Nezewe rehe we Ezit ywy rehe har upyhyk putar wà nehe. Uzuka putar wà nehe. Utym putar wanetekwer Men tawhu pe wà nehe. Xu upyk putar wama'e kwer parat iapo pyrer nehe. Ka'a upyk putar wanàpuzgwer nehe.

Zacarias 10:4

Heremiaihu wanuwihaw ràm paw wà nehe, zauxiapekwer heremiruze'eg wanuwihaw ràm paw wà nehe no, heremiaihu waneruze'egar ràm paw wà nehe no, wiko putar a'e parer romo wà nehe.

Números 24:17

Ame'e uzeapo ma'e ràm rehe. Aexak teko Izaew izuapyapyr wà. Wanuwihawete zahytata uhyape katu ma'e uzexak kar putar wanupe nehe. Ur putar Izaew wanuwi zahytata uwewe ma'e ài. Weityk putar Moaw wanuwihaw wà nehe. Umumaw putar 'aw teko wiko wera'u ma'e wà nehe.

Romanos 1:22

— Uruiko ma'e kwaw katu har romo ure, i'i mua'u waiko uzeupeupe wà. Ma'e kwaw 'ymar romo wanekon wà.

1 Pedro 2:7

Aze pezeruzar hehe nehe, a'e ita tàpuz iwy pe har zàwenugar ikatuahy putar peme a'e nehe. Aze napezeruzar kwaw hehe nehe, a'e mehe Tupàn ze'eg kwehe arer uzeapo putar penemiapo kwer imume'u har romo a'e nehe. Nezewe i'i a'e ze'eg. — Tàpuz iapo har weityk ita imono wà, ta'e ita na'ikatu kwaw wanupe xe. Tupàn omono a'e ita tàpuz iwy pe a'e, Imukàg kar har romo a'e.

1 Samuel 14:38

Na'e uze'eg Xau amogwer tuwihaw wanupe kury. — Pezur xe nehe ty wà. Pepuranuranu teko wanehe nehe. — Ma'e ikatu 'ym ma'e pezapo kwez Tupàn henataromo kutàri. Ta'e nuze'eg kwaw zanewe a'e xe, peze wanupe nehe, i'i wanupe.