Isaías 17:11 - Tupàn zeꞌeg

¹¹ Upuner wezuz haw rehe. Upuner iputyr haw rehe no. Upuner utymaw 'ar rehe we wezuz haw rehe nehe. Nezewe rehe we naheta kwaw ipo'o pyràm ko pe nehe, ma'erahy ipuraraw paw i'ar ihem mehe nehe, ma'erahy haw imukatu 'ym pyr i'ar ihem mehe nehe.

Isaías 17:11 ပူးပေါင်းရင်းမြစ်များ

Jó 4:8

Ko ma'e aexak ihe: Teko nuzawy kwaw ma'etymar a'e wà. Aze uzutym ma'eà'yz ikatu 'ym ma'e wà, Nopo'o kwaw temi'u ikatu ma'e wà. Nezewegatete ikatu 'ym ma'e iapo har waneko haw iaiw no.

Salmos 90:6

Itua'u. Iputyr kury. Karuk mehe uxinig umàno pà.

Isaías 17:5

A'e 'ar mehe a'e ywy nuzawy kwaw ko arozràn ipo'o paw mehe har a'e nehe. Nuzawy kwaw ywyàpyznaw Iaiha Katu Ma'e waneko haw her ma'e haryw ipo'o mehe har nehe.

Jeremias 5:31

Heze'eg imume'u har numume'u kwaw ze'eg azeharomoete har waiko wà. Upytywà xaxeto wà. A'e rupi xaxeto wiko teko wanuwihaw romo wà. Nezewe haw ikatu heremiaihu wanupe. Ma'e uzapo putar agwer ma'e izeapo haw ipaw ire wà nehe.

Oséias 8:7

A'e teko utym ywytu ma'eà'yz ài wà. Opo'o putar ywytuàiw wà nehe. Arozràn i'yw naharyw kwaw nehe. Aze heta haryw nehe, teko amo ae ywy rehe har u'u putar wà wà nehe.

Oséias 9:16

Izaew nuzawy kwaw awa ikutuk pyrer wà. Nuzawy kwaw ma'e'yw i'a 'ym ma'e wà. A'e ma'e'yw na'i'a kwaw ta'e hapo uxinig a'e xe. Aze uzexak kar kwarer teko wanemiamutar wà nehe, nezewe mehe we azuka putar a'e kwarer ihe wà nehe, i'i Tupàn.

Joel 1:17

Ko uxinig ma'e rehe nahezuz kwaw ma'eà'yz. Teko nopo'o kwaw arozràn wà. Tàpuz arozràn imonokatu haw u'ar uzekazeka pà wà.

Levítico 26:20

Pema'ereko e putar nehe. Pekene'o e putar nehe. Naheta kwaw arozràn ipo'o pyràm peko pe nehe. Ma'ywa'yw na'i'a kwaw nehe no.

Romanos 2:5

Aipo nerezekaiw kwaw ize'eg rehe ne. Aipo nanezewyr wer kwaw izupe. Amo 'ar mehe wexak kar putar wikwahy haw teko wanupe a'e nehe. Azeharomoete umume'u putar ikatu 'ym ma'e wanemiapo kwer nehe, iapo arer wanupe nehe. A'e 'ar mehe Tupàn uzepyk putar nerehe a'e nehe, aze nerezekaiw kwaw ize'eg rehe nehe. Aze eremume'u amogwer ikatu 'ym ma'e wanemiapo kwer iko nehe, a'e mehe uzepyk wera'u putar nerehe nehe. Ta'e neaiw wera'u wanuwi ne xe.

Deuteronômio 28:39

Pezapo putar uwà tyw nehe. Pezekaiw putar hehe nehe. Nezewe rehe we napemono'og kwaw i'a nehe. Nape'u kwaw tykwer nehe. Ta'e ma'e u'u putar i'yw a'e wà nehe xe.