Isaías 16:8 - Tupàn zeꞌeg

⁸ Ko 'ar rehe teko wezar uwà tyw Ezemon rehe har wà, Ximima ywy rehe har wà no. Teko umy'e uwà a'e ywy rehe har wà, tykwer win her ma'e iapo pà wà. Ywy nànànar wanuwihaw uka'u a'e win i'u mehe wà. Uhua'u uwà tyw. Uhem Zazer tawhu pe. Oho kwarahy hemaw kutyr ywyxiguhu pe uhem pà. Oho kwarahy heixe haw kutyr yryhu ikupe kutyr pe no.

Isaías 16:8 ပူးပေါင်းရင်းမြစ်များ

2 Samuel 1:21

Tuwe àmàn nukyr kwaw Zimoa ywytyr rehe nehe. Tuwe zuwiri nuhem kwaw a'e pe nehe. Tuwe nahezuz kwaw ma'e ko a'e pe har wanupe nehe. Ta'e ywy ku'i kwer upyk zauxiapekwer ipuruzukaiwahy ma'e u'yw wi wazemimaw a'e wà xe. Ta'e Xau u'yw wi izemimaw naheny kwaw a'e pe a'e kury xe.

Isaías 10:7

Axir wanuwihawete uputar amo ma'e a'e. A'e ae umume'u wemiapo ràm uzeupe. Ipurupyhyk wer ywy tetea'u wanehe. Ipurumumaw wer ywy nànàn.

Isaías 15:4

Ezemon tawhu pe har wà, Ereaw tawhu pe har wà no, uhapukaz wahy romo wà. Te Zaza tawhu pe har wenu wanehapukaz mehe wà. Zauxiapekwer Moaw izuapyapyr uzypyrog ukyze pà wà. Uryryryryz ukyze pà wà.

Isaías 16:9

A'e rupi azai'o Zazer tawhu rehe. Azai'o uwà tyw Ximima ywy rehe har rehe no. Herehay kwer u'ar Ezemon tawhu rehe, Ereaw tawhu rehe no. Uwà ipo'o har nuhapukaz kwaw urywete haw rupi wà kury.

Isaías 24:7

Uwà tyw uxinig oho waiko wà. Nuhyk kwaw win purupe. Hurywete ma'e kwer paw ikuhem waiko uzemumikahy pà wà kury.

Jeremias 48:32

Azai'o putar teko Zazer pe har wanehe nehe. Azai'o wera'u putar teko Ximima pe har wanehe nehe. Tawhu Ximima, ereiko uwà tyw ài ne. Neràkà oho Yryhu Umàno Ma'e Kwer her ma'e i'aromo. Oho Zazer tawhu pe. Ko 'ar rehe neàmàtyry'ymar umumaw arozràn penemitygwer wà kury, uwà penemitygwer wà no.

Números 21:32

Na'e Moizez omono kar teko Zazer tawhu pe wà. — Peme'egatu hehe nehe, i'i wanupe. A'e re Izaew upyhyk taw Zazer tawhu izywyr har wà. Umuhem kar Amohe ywy rehe har a'e pe wiko ma'e paw rupi wà.

Números 32:3

— Tupàn Tuweharupi Wiko Ma'e upyro ko ywy Izaew waneko àwàm romo a'e. Heta tawhu hehe wà: Atarot, Nimon, Zazer, Niniha, Ezemon, Ereaw, Xemà, Nemo, Meon. Ikatuahy tapi'ak imuzehu kar haw romo a'e.

Números 32:38

Nemo, Ma'aw-Meon (omono amo her uzeupe wà), Ximima. Omono amo her tawhu wemiapo wi kwer wanupe wà.

Josué 13:25

Zazer tawhu, tawhu Zireaz ywy rehe har paw wà, Amon waiwy ipehegwer Aroer tawhu pe oho ma'e, Hama tawhu huwake har kwarahy ihemaw kutyr har.