Isaías 16:3 - Tupàn zeꞌeg

³ Uze'eg nezewe Zuta rehe har pe wà. — Pemume'u ureremiapo ràm urewe nehe. Pezur xe urepytywà pà urepyro pà ureàmàtyry'ymar wanuwi nehe. Kwarahy wapyter pe hin mehe ywyra umuhàz u'àgaw purupe a'e. Peiko a'e ywyra ài urewe kwarahy wi uremu'àg pà nehe. Ipytunahy i'àgaw pyhaw har ài.

Isaías 16:3 ပူးပေါင်းရင်းမြစ်များ

1 Reis 18:4

Amo 'ar mehe, a'e 'ym mehe, Zezamew uzuka kar Tupàn ze'eg imume'u har a'e wà. Omani wenoz 100 Tupàn ze'eg imume'u har uzeupe wà. Umuza'aza'ak mokoz pehegwer romo wà. Pitàitàigatu pehegwer heta 50 Tupàn ze'eg imume'u har wà. Umim Omani a'e Tupàn ze'eg imume'u har itakwar pupe muite tawhu wi wà. Omono kar temi'u wanupe. Omono kar 'y wanupe wà no.)

Isaías 1:17

Pezemu'e ikatu ma'e iapo haw rehe nehe. Pereko katu amogwer pe wà nehe. Pepytywà teko ma'e hereko 'ymar wà nehe. Pezekaiw kwarer tu 'ym ma'e wà nehe, kuzàtài ihy 'ym ma'e wà nehe. Pepyro kuzà imen umàno ma'e kwer katu 'ymaw wi pe wà nehe, i'i Tupàn Tuweharupi Wiko Ma'e.

Isaías 25:4

Ta'e ereiko hemetarer 'ym ma'e wanehe uzekaiw ma'e romo ne xe. Ereiko ma'e hereko 'ymar wapyro har romo no. Ereiko ywytuàiw wi teko wazeàmimaw ài no. Kwarahy haku mehe ereiko ma'e i'àgaw teko wamimaw ài no. Awa ipuruzukaiw ma'e wakwahy haw nuzawy kwaw ywytuaiw àmàkymehe har.

Isaías 32:2

A'e paw uzekaiw putar teko wanehe wà nehe. Nuzawy kwaw ywytuaiw wi àmànuhu wi purupykaw wà nehe. Nuzawy kwaw yrykawhu ywy uxinig ma'e rupi uwyryk ma'e wà nehe. Nuzawy kwaw itahu i'àgaw ywyxiguhu rehe har wà nehe.

Isaías 56:8

Arur putar amo teko Izaew ywy rehe ihe wà nehe. Amono'og putar a'e teko heremiaihu heremimuzewyr karer wainuinuromo ihe wà nehe. Nezewe uze'eg zanezar Tupàn Tuweharupi Wiko Ma'e. A'e ae weruzewyr wemiaihu Izaew ywy rehe wà. Amo ae ywy rehe ipyhyk pyrer romo wanekon a'e wà.

Isaías 58:7

Agwer pezekwaku haw ikatuahy ihewe: Pemuza'aza'ak penemi'u ima'uhez ma'e wanupe ikurer imono pà nehe. Pemuixe kar ma'e hereko 'ymar penàpuz me pe wà nehe. Pemuixe kar hàpuz 'ym ma'e penàpuz me pe wà nehe no, wamuger kar pà wà nehe. Pemono kamir ikamir 'ym ma'e wanupe nehe. Pepytu'u pixik zo peànàm wapytywà re nehe.

Isaías 9:6

Heta turywete haw ta'e uzexak kar amo kwarer a'e xe. Tupàn umur kar amo kwarer zanewe a'e. Wiko putar zaneruwihawete romo a'e nehe. Nako her ràm xe wà nehe: Pureruze'eg Ma'e, Pureruze'eg Ma'e Ma'ekwaw Katu Wera'u Har. Tupàn Ikàg Ma'e, Zaneru Tuweharupi Wiko Ma'e, Zaneruwihawete Ur Ma'e ràm zeàmàtyry'ymawhu imumaw àràm.

Jeremias 22:3

— Ihe Tupàn Tuweharupi Wiko Ma'e amume'u ko ma'e peme kury. — Pezapo ikatu ma'e wanupe nehe. Pemunar zo wama'e rehe nehe. Imunar ma'e imunar waiko wama'e rehe wà. Pepyro imunar ma'e wanuwi pe wà nehe. Pepuraraw kar zo ma'erahy amo ywy rehe arer peywy rehe har wanupe nehe, tu 'ym ma'e wanupe nehe no, kuzà imen umàno ma'e kwer wanupe nehe no. Pezuka zo teko ikatu ma'e 'aw tàpuz ihewe imur katu pyrer pe wà nehe.

Daniel 4:27

O tuwihawete, einu katu hepureruze'egaw nehe. Epytu'u ikatu 'ym ma'e iapo re nehe. Xo ikatu ma'e zo ezapo nehe. Epytu'u ikatu 'ymaw iapo re nehe. Epytywà hemetarer 'ym ma'e ne wà nehe. Nezewe mehe ereiko wiwi ru'u ikatu haw pe nehe, nerurywete pà nehe, i'i izupe. (Namukononozor nuenu katu kwaw Taniew ize'eg a'e.)

Zacarias 7:9

— Ihe Tupàn Ikàg Wera'u Ma'e ihe. Azapo kar ko ma'e teko wanupe kwehe mehe ihe. — Peiko imunar 'ym ma'e romo hemu'em 'ym ma'e romo nehe. Pezapo ikatu ma'e pezeupeupe pezeamutamutar haw rehe nehe, pezepuhareko haw rehe nehe.

Mateus 25:35

Hema'uhez ihe. Pemur temi'u ihewe. Heiwez ihe no. Pemur 'y ihewe no, i'u kar pà ihewe no. Amo ae ywy rehe har ài, amo ae taw pe har ài aiko peme ihe. Hemuixe katu kar pe penàpuz me no.

Hebreus 13:2

Pemuixe katu kar uzeruzar ma'e amo ae taw pe har penàpuz me pe wà nehe. Aze ru'u Tupàn ze'eg imume'u har romo wanekon a'e wà nehe. (Aze ru'u Tupàn heko haw pe har ywy rehe ur ma'e kwer romo wanekon a'e wà nehe.) Kwehe mehe Àmàrààw umuixe kar mokoz awa wàpuz me a'e wà. Nukwaw kwaw waner. Tupàn heko haw pe har awa romo uzeapo ma'e kwer romo wanekon wà. Wixe hàpuz me uzekwaw kar 'ym pà izupe wà.

Juízes 9:15

Uze'eg xu ma'ywa 'yw wanupe. — Aze pepurumuigo kar wer herehe penuwihawete romo azeharomoete nehe, pezur xe heruwake nehe. Pepyta he'àg rehe nehe. Aze napezapo kwaw nezewe nehe, uhem putar tata xu wi nehe. A'e tata wapy putar ma'e'yw ywyràkàxigyw her ma'e Irimano ywy rehe har wà nehe, i'i wanupe, i'i Zotàw Xikez pe har wanupe.