Isaías 15:9 - Tupàn zeꞌeg

⁹ Yrykawhu Nimon tawhu huwake har tynehem tuwykwer pupe a'e. Tupàn uzapo putar amo iaiw wera'u ma'e Nimon pe har wanupe nehe kury. Omono kar putar zàwàruhu iriàw tetea'u a'e pe wà nehe. U'u putar zàwàruhu Moaw ywy rehe har wikuwe ma'e a'e wà nehe.

Isaías 15:9 ပူးပေါင်းရင်းမြစ်များ

2 Reis 17:25

A'e pe oho mehe wà, a'e pe weko àwàm iapo mehe wà, numuwete katu kwaw Tupàn Tuweharupi Wiko Ma'e wà. A'e rupi Tupàn omono kar zàwàruhu a'e pe wà. Zàwàruhu uzuka amogwemogwer a'e pe har wà.

Isaías 15:8

Uzenu teko wanehapukaz mehe Moaw ywy nànàn wà, ta'e upuraraw ma'erahy tetea'u wà xe. Egaraim tawhu pe har wazai'o haw wànoànog. Meereri tawhu pe har wazai'o haw wànoànog no.

Jeremias 15:3

— Ihe Tupàn Tuweharupi Wiko Ma'e amume'u a'e iaiw ma'e uzeapo àwàm ihe. Uzeapo putar nehe. Umàno putar zeàmàtyry'ymawhu pe wà nehe. Zawar umutyk putar wanetekwer wà nehe. Wiràmiri u'u putar wà nehe no. Miar u'u putar ikurer wà nehe no.

Jeremias 50:17

Tupàn Tuweharupi Wiko Ma'e uze'eg kury. — Teko Izaew izuapyapyr nuzawy kwaw àràpuhàràn hawitu ma'e wà. Zàwàruhu iriàw oho wanaikweromo wamuhàmuhàz pà wà. Izypy mehe Axir wanuwihawete uzàmàtyry'ym Izaew wà. A'e re Namukononozor Mawiron wanuwihawete uxi'uxi'u wàkàgwer wà.

Levítico 26:18

A'e re, aze nahereruzar kwaw pe nehe, aze pezapo wiwi ikatu 'ym ma'e nehe, amono kar putar penehe hezepykaw 7 haw iaiw wera'u ma'e penehe nehe.

Levítico 26:24

aiko putar peàmàtyry'ymar romo nehe. Amono kar putar penehe hezepykaw 7 haw iaiw wera'u ma'e penehe nehe. Ta'e pezapo wiwi ikatu 'ym ma'e xe.

Levítico 26:28

aikwahy putar peme nehe, a'e mehe amono putar penehe hezepykaw 7 haw iaiw wera'u ma'e penehe nehe.

Amós 5:19

A'e 'ar nuzawy kwaw awa zàwàruhu iriàw wi uzàn ma'e nehe. Zàwàruhu iriàw wi uzàn mehe uwàxi amo ae zàwàruhu uruxu her ma'e. A'e 'ar nuzawy kwaw amo awa tàpuz me wixe ma'e. Heixe mehe ywyok rehe izekok mehe amo mozaiw uxi'u ipo rehe.

Números 21:30

Ezemon ipuner haw upaw kwez kury. Ezemon wi Nimon pe ma'e paw uzeapo imumaw pyrer romo a'e wà. Weityk Nopa tawhu wà. Tata uhem Menema tawhu pe no, i'i wà.