Isaías 15:2 - Tupàn zeꞌeg

² Nimon tawhu pe har uzai'o putar ywy uzar pe imonokatu pyrer ywytyr rehe har pe wà nehe. Moaw izuapyapyr uzai'o a'e wà no ta'e zauxiapekwer weityk New tawhu wà xe, weityk Menew tawhu wà no. Upin u'aw uzemumikahy haw hexak kar pà wà. Upin wamutaw wà no.

Isaías 15:2 ပူးပေါင်းရင်းမြစ်များ

2 Samuel 10:4

A'e rupi upyhyk Anu awa Tawi ze'eg herur arer wà kury. Upin wamutaw pitài pehegwer rehe. Uzaikaikaw wakamirpuku wanuwi wanenugupy rehe etea'i. A'e re omono kar a'e wi wà kury.

1 Crônicas 19:4

Na'e Anu upyhyk Tawi ze'eg herur arer wà kury. Upin wamutaw wanuwi. Uzaikaw wanemyhar wanenugupy rehe katete wanuwi wà no. Na'e omono kar a'e wi wà.

Jó 1:20

Na'e Izo upu'àm ukamir imuku'i pà uzemumikahy haw hexak kar pà kury. Upin u'aw no. Na'e wapyk upenàràg rehe uwa ywy rehe imuhyk pà Tupàn imuwete katu pà kury.

Isaías 14:31

Pezai'o peneiheihem pà penahy haw rehe nehe, Pirite ywy rehe har wà. Pekyze tuwe nehe, ta'e ywy imuku'i pyrer ywàkun romo iapo pyrer ur iko kwarahy heixe haw awyze har kutyr har wi a'e xe. Zauxiapekwer tetea'u ur waiko wà. Naheta kwaw ni pitài ukyze ma'e wainuinuromo wà, i'i Tupàn.

Isaías 15:3

Wata oho waiko nahu rupi pàn iànàm ma'e ma'eryru iapo pyr ukamir romo wà, uzemumikahy haw hexak kar pà wà. Uhapukaz tuwe uzai'o pà nahu rupi wà, wàpuz 'aromo har imuàtà pyrer rehe wà no.

Isaías 16:12

Teko Moaw izuapyapyr oho zepe tuweharupi ywytyr pe uzar tupàn a'ua'u wanupe ma'erenoz pà wà. Ikene'o putar oho tetea'u re wà nehe. Oho e putar wà nehe. Wazar nupytywà kwaw wà nehe.

Isaías 16:7

A'e rupi Moaw izuapyapyr uzai'o putar wà nehe. Upaw rupi uhapukaz putar uzemumikahy haw rehe wà nehe: ta'e ima'enukwaw putar uwà imuxinig pyrer typy'ak zàwenugar iapo pyrer rehe wà nehe xe. Tuweharupi omono agwer typy'ak zàwenugar wazar tupàn a'ua'u wanupe tawhu Kirer her ma'e pe wà.

Isaías 22:12

Zanezar, Tupàn Ikàg Wera'u Ma'e penenoz penereko pemuzai'o kar pà pemuzemumikahy kar pà a'e. — Pezupin pe'aw nehe, i'i peme. — Pemunehew pàn iànàm ma'e ma'e hyru iapo pyr pezemumikahy haw hexak kar pà nehe.

Isaías 3:24

Nuwata kwaw kàpuhàg hyàkwegatu ma'e hereko pà wà nehe. Inemahy putar wà nehe. Numunehew kwaw uku'aw har ikatu ma'e wà nehe. Kyhàhàm iànàm ma'e pupe uzàpixipixi putar wopoz wà nehe. Numuguz katu kwaw wà nehe. Iapyterew putar wà nehe. Numunehew kwaw opoz hekuzar katu ma'e wà nehe. Umunehew putar pàn iànàm ma'e ma'e ryru iapo pyr wà nehe. Ko 'ar rehe ipuràg eteahy wà. A'e 'ar mehe iro putar wà nehe. Imaranugar putar upuràg haw 'ym rehe wà nehe.

Jeremias 3:21

Ywytyr apyr uzenu wànoànog ma'e iko. Izaew izuapyapyr uzai'o waiko wà. — Nereharaz ureremiapo kwer wi nehe, i'i waiko wà. Ta'e wiko ikatu 'ym ma'e iapo har romo wà xe. Heharaz uzar Tupàn Tuweharupi Wiko Ma'e wi wà.

Jeremias 47:2

— Pexak nehe. Ywy kwarahy heixe haw awyze har kutyr har rehe uzeupir 'y iko. A'e wi uwyryk putar yrykawhu ài tyhu haw 'ar rehe zàwenugar ài. Upyk putar ywy nehe. Upyk putar ywy rehe har paw wà nehe no: Tawhu wà, wapupe har wà no. Uhapukaz upyro àwàm henoz pà wà nehe. Ko ywy rehe har paw heiheihem putar wahy haw pupe wà nehe.

Jeremias 47:5

Teko Kaz tawhu pe har uzemumikahy wà. Akerom tawhu pe har nuze'eg kwaw wà. Piri ywy rehe har ywy rehe upyta ma'e kwer wà, Màràn 'ar umumaw putar uzai'o pà wà nehe.

Jeremias 48:1

Tupàn Tuweharupi Wiko Ma'e upuner wera'u ma'e Izaew wazar umume'u ko ma'e Moaw rehe har rehe. — Pepuhareko teko Nemo tawhu pe har pe wà nehe. Ta'e zauxiapekwer umumaw a'e tawhu a'e wà xe. Upyhyk Kiriataim wà no. Weityk hàpuzuhu tàtà ma'e imumew pà wà. Umuigo kar teko a'e pe har ikàg 'ym ma'e romo wà no.

Jeremias 48:18

Pe Nimon pe wiko ma'e wà. Pewezyw tuwihaw henaw wi nehe. Peapyk ywy rehe ywyku'i rehe nehe. Moaw imumaw pàràm wiko xe. Umumaw putar wanàpuzuhu imuàtà pyrer nehe.

Jeremias 48:31

A'e rupi azai'o putar teko Moaw nànàn ihe nehe. Azai'o putar teko Kir-Erez pe har wanehe nehe no.

Jeremias 48:35

Teko Moaw izuapyapyr wapy wemimono ywytyr apyr utupàn wanenataromo wà. Uzuka ma'ea'yr wanupe wà. Amupytu'u kar putar wazuka re ihe wà nehe. Ihe Tupàn Tuweharupi Wiko Ma'e aiko ko ma'e imume'u har romo ihe.

Jeremias 49:3

Pehapukaz nehe, teko Ezemon pe har wà. Zauxiapekwer weityk Az tawhu wà. Pezai'o nehe, kuzà Hama pe har wà. Pemunehew ma'eryru pàn iànàm ma'e iapo pyrer pezai'o pà nehe. Pezàn e ko rupi nehe, kwe rupi nehe no. Zauxiapekwer weraha putar Morok pezar wemipyhyk kwer romo wà nehe, xaxeto wanehe we tuwihaw wanehe we wà nehe.

Jeremias 7:29

Uze'eg wi Tupàn. — Pezai'o nehe, teko Zeruzarez pe har wà. Pemonohok pe'aw heityk pà nehe. Pemuzàg zegar haw purumuzemumikahy kar haw ywytyr apyr nehe. Ta'e ihe Tupàn Tuweharupi Wiko Ma'e aikwahy peme ihe xe. Apuityk kwez ihe kury.

Ezequiel 27:31

Nerehe uma'enukwaw mehe upin wàkàg wà. Umunehew ma'eryru pàn iànàm ma'e iapo pyrer ukamir romo wà. Uzai'o upy'a iro ma'e rehe we wà.

Ezequiel 30:2

— Awa ta'yr, Aiko nezar Tuweharupi Wiko Ma'e romo ihe. Emume'u ko heze'eg nehapukaz pà nehe: — Puruzuka haw 'ar.

Ezequiel 7:18

Umunehew putar ma'eryru pàn iànàm ma'e iapo pyrer uzemumikahy haw hexak par pà wà nehe. Uryryryryz putar wywa ikyr katu ma'e ài wà nehe. Upin putar wàkàg wà nehe. Paw rupi imaranugar putar wà nehe no.

Levítico 13:40

Aze awa i'aw uhem iàkàgape wi nehe, aze ru'u henataromo har wà nehe, àkàg ipin pyrer ma'e romo wiko putar nehe. Nezewe rehe we nuiko kwaw ikatu 'ym ma'e romo Tupàn henataromo nehe.

Levítico 21:5

Tuwe xaxeto nupin kwaw wàkàg wà nehe. Tuwe nomonohok kwaw wamutaw wà nehe. Nuzekixi kwaw umàno ma'e kwer rehe uzemumikahy haw hexak kar pà wà nehe.

Amós 8:10

Pepynykawhu azapo putar umàno ma'e kwer itymaw romo nehe. Napezegar kwaw nehe. Pezai'o putar pezegar haw hekuzaromo nehe. Pemunehew putar pàn ma'eryru iapo pyr pezemumikahy haw rehe nehe. Pezupin putar pe'aw peàkàg rehe har nehe no. Peiko putar teko wa'yr pitài imàno awer rehe uzai'o ma'e ài nehe. Iroahy putar a'e 'ar peme nehe.

Números 21:28

Uhem tata Ezemon wi. Uhem heny kwer tawhu tuwihawete Xeom heko haw wi. Zauxiapekwer tetea'u uzemono'og ma'e wà, nuzawy kwaw tatahu wà. Umumaw Ar tawhu Moaw ywy rehe har wà. U'u ywytyr Aronon yrykawhu ywate har izywyr har wà.

Números 21:30

Ezemon ipuner haw upaw kwez kury. Ezemon wi Nimon pe ma'e paw uzeapo imumaw pyrer romo a'e wà. Weityk Nopa tawhu wà. Tata uhem Menema tawhu pe no, i'i wà.

Números 32:3

— Tupàn Tuweharupi Wiko Ma'e upyro ko ywy Izaew waneko àwàm romo a'e. Heta tawhu hehe wà: Atarot, Nimon, Zazer, Niniha, Ezemon, Ereaw, Xemà, Nemo, Meon. Ikatuahy tapi'ak imuzehu kar haw romo a'e.

Números 32:38

Nemo, Ma'aw-Meon (omono amo her uzeupe wà), Ximima. Omono amo her tawhu wemiapo wi kwer wanupe wà.

Deuteronômio 14:1

Uze'eg Moizez teko wanupe. — Peiko Tupàn Tuweharupi Wiko Ma'e Zanezar ta'yr romo. A'e rupi, aze pezai'o amo rehe imàno re nehe, pezekixi zo nehe. Pezupin zo peàkàg nehe. Amo teko uzapo nezewe haw wà. Pezapo zo nezewe haw nehe.

Deuteronômio 34:1

Moizez uhem ywytyr heta 'ymaw Moaw ywy rehe har wi Nemo ywytyr pe oho pà kury. Uzeupir Piziga ywytyr Zeriko henataromo har apyr. A'e pe heko mehe Tupàn Tuweharupi Wiko Ma'e wexak kar Kànàà ywy paw izupe. Wexak Nà tawhu Zireaz ywy rehe har kwarahy heixe haw awyze har kutyr har.