Isaías 15:1 - Tupàn zeꞌeg

¹ Na'aw Tupàn ze'eg Moaw izuapyapyr wanupe imume'u pyrer xe kury: Zauxiapekwer weityk Ar tawhu imumaw pà wà. Xo pitài 'ar mehe pyhaw zo umumaw ikaika haw wà. Umumaw Kir tawhu wà no. Xo pitài 'ar mehe pyhaw zo umumaw wà.

Isaías 15:1 ပူးပေါင်းရင်းမြစ်များ

2 Reis 3:25

Weityk waneko haw tawhu wà. Aze ukwaw amo wako rupi wà, Izaew pitàitàigatu weityk amo ita a'e ko rehe wà. Nezewe mehe upyk wako paw ita pupe wà. Uwàpytym ytyzuzàmaw paw wà no. Omonohok ma'e'yw paw wà no. Iahykaw rehe heta we xo pitài tawhu Kir-Erez her ma'e zo. Na'e zauxiapekwer ita imomor har umàmàn oho izywyr wà. Uzàmàtyry'ym wà.

Isaías 11:14

Uzemono'og putar Pirite kwarahy heixe haw kutyr har wàmàtyry'ym pà wà nehe. Weityk putar teko kwarahy ihemaw kutyr har wà nehe no. Upyhyk putar wanemetarer uhua'u ma'e wà nehe, wama'e hekuzar katu ma'e ipyro pà wà nehe no. Weityk putar Enom izuapyapyr wà nehe: weityk putar Moaw izuapyapyr wà nehe no. Weityk putar Amon izuapyapyr wà nehe no.

Isaías 13:1

Tupàn uze'eg Mawiron wanehe a'e, Izai Amoz ta'yr pe ipuahu mehe a'e.

Isaías 14:28

Tuwihawete Akaz umàno a'e. A'e kwarahy mehe Tupàn umur kar ko ze'eg a'e:

Isaías 16:11

Hepy'a uryryryryz wioràwiràn ihàm ài hezemumikahy haw rupi teko Moaw izuapyapyr wanehe, tawhu Ki-Erez pe har wanehe no.

Isaías 16:6

Teko Zuta ywy rehe har uze'eg nezewe wà. — Teko umume'u Moaw waneko wera'u haw urewe wà. — Urekàg wera'u amo wanuwi ure, i'i uzehe wà. — Urekatu wera'u pewi, i'i wà. — Nan. Ikàg 'ym ma'e romo wanekon wà, i'i Zuta ywy rehe har wà.

Isaías 16:7

A'e rupi Moaw izuapyapyr uzai'o putar wà nehe. Upaw rupi uhapukaz putar uzemumikahy haw rehe wà nehe: ta'e ima'enukwaw putar uwà imuxinig pyrer typy'ak zàwenugar iapo pyrer rehe wà nehe xe. Tuweharupi omono agwer typy'ak zàwenugar wazar tupàn a'ua'u wanupe tawhu Kirer her ma'e pe wà.

Isaías 25:10

Tupàn Tuweharupi Wiko Ma'e uzekaiw katu putar Xiàw ywytyr rehe a'e nehe. Teko upyropyrog ka'axinig ma'ea'yr hepuxi kwer inuromo hapy pyràm iapo pà wà. Nezewegatete zauxiapekwer upyropyrog putar Moaw waiwy rehe wà nehe.

Isaías 25:12

Weityk putar pàrirogaw tawhu iwyr har iaiha ma'e tàtà ma'e wà nehe. Umumaw putar ikaika pà nehe.

Números 21:28

Uhem tata Ezemon wi. Uhem heny kwer tawhu tuwihawete Xeom heko haw wi. Zauxiapekwer tetea'u uzemono'og ma'e wà, nuzawy kwaw tatahu wà. Umumaw Ar tawhu Moaw ywy rehe har wà. U'u ywytyr Aronon yrykawhu ywate har izywyr har wà.

Deuteronômio 2:18

Kutàri eho Ar tawhu Moaw ywyzaw huwake har rupi kury.

Deuteronômio 2:19

Amon Iro izuapyapyr waiwy pe nehem mehe ezàmàtyry'ym zo ne wà nehe. Eho zo waàmàtyry'ym pà nehe. Amono Amon ywy wanupe ihe. Namono kwaw ni pitài waiwy pehegwer peme nehe.

Deuteronômio 2:9

Tupàn Tuweharupi Wiko Ma'e uze'eg ihewe. — Ezàmàtyry'ym zo Moaw izuapyapyr ne wà nehe. Wiko Iro izuapyapyr romo wà. Peho zo waàmàtyry'ym pà nehe. Amono Ar tawhu wanupe ihe. Namono kwaw waiwy pehegwer peme nehe, i'i ihewe.