Isaías 14:8 - Tupàn zeꞌeg

⁸ Ywyra xip her ma'e wà, ywyràkàxigyw Irimano rehe har wà no, hurywete Mawiron wanuwihawete heityk awer rehe wà. A'e rupi uze'eg nezewe wà. — Amo 'ar mehe upaw a'e. A'e 'ar henataromo nuzexak kar kwaw amo zanereityk àràm a'e, naheta kwaw zanemumaw àràm wà: i'i wà.

Isaías 14:8 ပူးပေါင်းရင်းမြစ်များ

Salmos 29:5

Ize'eg uzuhaw ywyràkàxigyw a'e wà. Uzuhazuhaw te ywyràkàxigyw Irimano ywytyr rehe har a'e wà.

Isaías 37:24

Eremur kar tuwihaw nerehe we har ihewe wamuze'eg kar pà wà. Umume'u ywyramawa zeàmàtyry'ymawhu rehe har waneta tetea'u haw. Umume'u ywytyruhu iaiha wera'u ma'e Irimano rehe har neremipyhyk kwer ihewe wà. — Amonohok ywyràkàxigyw iaiha wera'u ma'e ihe, ere ihewe. Amonohok ywyra xipere her ma'e iaiha wera'u ma'e ihe no, ere ihewe. Ahem ywy muitea'u wera'u ma'e ka'aete hereko har pe ihe, ere ihewe.

Ezequiel 31:16

Umàno ma'e kwer wapyta haw pe imono kar mehe nehe, i'ar haw iànoànogaw umuryryryryz kar putar ywy paw wà nehe. Ywyra En rehe har paw wà nehe, Irimano rehe har paw wà nehe no, ipuràg eteahy wera'u ma'e wà nehe, 'y tetea'u hereko har wà nehe no, ywy iwy pe har wà nehe no, hurywete putar i'ar awer rehe wà nehe.

Zacarias 11:2

Pezai'o nehe, ywyra pin 'yw wà, ta'e ywyràkàxigyw u'ar a'e wà xe. Amo umumaw a'e ywyra ipuràg eteahy ma'e wà. Pezai'o nehe, ywyra kawar Màxà rehe har wà. Ta'e amo omonohok ka'a imonohok pixik 'ym pyrer wà.