Isaías 14:16 - Tupàn zeꞌeg

¹⁶ Umàno ma'e kwer ume'e putar nerehe upytuhegatu romo wà nehe. Upuranu putar uzehezehe wà nehe. — Ko awa a'e, aipo ko awa wiko tuwihawete wanemiruze'eg tetea'u wamuryryryryz kar arer romo a'e. Aipo ywy nànànar wamuryryryryz kar arer romo hekon a'e.

Isaías 14:16 ပူးပေါင်းရင်းမြစ်များ

Salmos 52:7

— Peme'e ko awa rehe nehe. — Hepyro pe nehe, ni'i kwaw Tupàn pe a'e. Uzeruzar wemetarer uhua'u ma'e rehe uma'e tetea'u rehe. Wekar uzepyro àwàm ukatu 'ymaw pupe, i'i putar nerehe wà nehe.

Salmos 64:9

Na'e teko paw ukyze putar wà nehe. Ima'enukwaw putar Tupàn hemiapo kwer rehe wà nehe. Uze'eg putar hemiapo kwer ikàg ma'e rehe wà nehe no.

Isaías 14:15

Amo nereityk nemono kwez umàno ma'e kwer wapyta haw pe wà kury. Ywykwaruhu oho etea'u ma'e pupe nereityk wà.

Isaías 14:17

Aipo ko awa wiko ywy ywyxiguhu iapo arer romo a'e. Weityk tawhu waukauka pà. Numuzewyr kar kwaw teko wemipyhyk kwer waneko awer pe wà. Aipo ko awa wiko a'e ma'e iapo arer romo azeharomoete, i'i putar uzeupeupe wà.

Jeremias 50:23

Mawiron uzukazuka ywy paw inupànupà pà. Ko 'ar rehe inupà haw uzekazeka kwez kury. Teko ywy nànànar ipytuhegatu Mawiron pe izeapo awer hexak mehe wà.

Ezequiel 32:23

Watym awer upyta umàno ma'e kwer wapyta haw iwype wà. Hemiruze'eg zauxiapekwer paw umàno zeàmàtyry'ymaw pe wà. Watym awer upyta Axir itym awer izywyr wà. Umàno 'ym mehe we umuryryryryz kar wikuwe ma'e wà.

Ezequiel 32:27

Kwehe mehe zauxiapekwer ipuruzukaiwahy ma'e itym mehe teko umume'u wanemiapo kwer amogwer wanenataromo wà. Wezyw umàno ma'e kwer wapyta haw pe utakihe puku heraha pà wà. Teko numume'u kwaw Mezek rehe har wanemiapo kwer wazutym mehe wà. Numume'u kwaw Tumaw rehe har wanemiapo kwer wà. Teko omono watakihepuku waàkàg iwype wà. Upyk wanetekwer umim awer pupe wà. 'Aw zauxiapekwer tetea'u zuka har upuner wikuwe ma'e wamukyzeahy kar haw rehe wà, wikuwe mehe wà.

Naum 3:6

Nurereko katete kwaw ihe nehe. Urupyk putar neipiw haw pupe nehe. Teko paw ipytuhegatu putar nemaranugar haw rehe ume'e pà wà nehe.

Habacuque 1:10

Zauxiapekwer Mawiron pe har uze'eg urywahyahy tuwihawete wanehe wà. Uze'eg zemueteahy amogwer tuwihaw wanehe wà no. Upuka tàpuzuhutàtà rehe wà. Uzapo uzeupir àwàm tawhu pàrirogaw rehe har wà. Wixe tawhu pupe ipyro pà wà.

Habacuque 1:17

Aipo Mawiron pe har nupytu'u pixik kwaw amo teko wàmàtyry'ym ire wà nehe. Aipo uzuka wiwi putar teko wà nehe, wapuhareko 'ym pà wà nehe.