Isaías 13:12 - Tupàn zeꞌeg

¹² Wanehe hezepyk ire teko wikuwe ma'e naheta tete kwaw wà nehe. Xo màràn zo heta putar wà nehe. Wiko putar or zàwenugar romo wà nehe. Naheta tete kwaw or ko ywy rehe a'e no. Or ikatuahy ma'e Opir parer zo pixika'i zo heta. Nezewegatete naheta tetea'u kwaw teko ikatu ma'e a'e wà nehe no.

Isaías 13:12 ပူးပေါင်းရင်းမြစ်များ

1 Reis 9:28

Na'e kanuhu oho Opir ywy rehe wà kury, itazu or tetea'u herur pà izupe wà kury. Heta 14 miw kir a'e or ipuhuz taw a'e.

1 Crônicas 1:23

Opir, Awira, Zoaw.

Jó 28:16

Aze teko omono'og or ikatu wera'u ma'e wà, nezewe rehe we nupuner kwaw ma'e kwaw katu haw ime'eg kar haw rehe wà. Aze omono'og ita hekuzar katu ma'e wà: agata her ma'e, xapir her ma'e, nezewe rehe we nupuner kwaw ime'eg kar haw rehe wà.

Salmos 137:9

Upyhyk putar kwarer pena'yr wà nehe, kuzàtàigwer penazyr wà nehe no. Ukamikamik putar itahu rehe wà nehe.

Salmos 45:9

Heta kuzà neràpuzuhu pe wà. Heta tuwihawete wanazyr a'e kuzà wainuinuromo wà. Neremireko wapyk nerenaw awyze har rehe a'e. Neremireko umunehew uzemupuràg eteahy kar haw or ikatu ma'e iapo pyrer a'e.

Isaías 10:19

Xo màràn ywyra zo numumaw kwaw wà nehe. Te kwarer upuner waneta haw wapapar haw rehe wà.

Isaías 24:6

A'e rupi Tupàn omono uze'egaiw hereko ywy rehe kury. Umumaw hereko no. Ywy rehe har umekuzar wemiapo kwer waiko wà kury. Tata ma'e hapy har wapy ywy rehe har wà. Xo màràmàràn zo uhem putar izuwi wikuwe pà wà nehe.

Isaías 4:1

A'e 'ar mehe 7 kuzà upyhyk putar pitài awa izupe uze'eg pà wà nehe. — Urumekuzar putar ureremi'u ràm ure nehe. Urumekuzar putar ureropoz ràm ure nehe no. Xo pitài ma'e urenoz uruiko newe. — Hemen, tuwe uru'e newe nehe. Nezewe mehe nuruiko kwaw kuzà imen 'ym ma'e romo nehe. Nezewe mehe na'uremaranugar kwaw nehe, i'i putar izupe wà nehe.

Isaías 6:11

— Màràn kwarahy amumaw putar a'e ma'e imume'u pà nehe, a'e izupe hehe hepuranu pà. Uwazar heze'eg ihewe. — Zauxiapekwer umumaw putar tawhu xe har wà nehe. Naheta kwaw teko xe har wà nehe. Naheta kwaw teko tàpuz wapupe wà nehe. Nahezuz kwaw ma'e ko xe har pupe nehe. Xo a'e ma'e paw izeapo re erepytu'u putar imume'u re nehe.

Isaías 6:12

Ihe Tupàn Tuweharupi Wiko Ma'e amono kar putar teko muite ko ywy wi ihe wà nehe. Tawhu uzeapo putar teko heta 'ymaw romo wà nehe.