Isaías 12:6 - Tupàn zeꞌeg

⁶ Xiàw rehe har wà, penurywete nehe. Pemume'u Tupàn ikatu haw nehe, ta'e Tupàn Izaew wazar Ikatuahy Ma'e Ikàg Ma'e a'e xe, wiko wemiaihu wainuinuromo a'e xe.

Isaías 12:6 ပူးပေါင်းရင်းမြစ်များ

Salmos 132:14

— Aiko putar xe tuweharupi nehe. Hepureruze'eg wer teko wanehe xe ihe nehe.

Salmos 135:21

Pemume'u Tuweharupi Wiko Ma'e ikatu haw Xiàw ywytyr rehe nehe. Pemume'u ikatu haw heko haw pe Zeruzarez tawhu pe nehe. Pemume'u Tupàn Tuweharupi Wiko Ma'e ikatu haw nehe.

Salmos 46:5

Tupàn wiko a'e tawhu pupe. Teko nuityk pixik kwaw a'e tawhu wà nehe. Ku'em mehe izi'itahy Tupàn upytywà putar a'e tawhu a'e nehe.

Salmos 68:16

Apuranu a'e ywytyruhu wanehe. — Màràzàwe tuwe peme'e ywytyr rehe, Tupàn weko àwàm romo hemixak kwer rehe. Penewyrowyro hexak mehe nehe, a'e wanupe. Tupàn Tuweharupi Wiko Ma'e wiko putar a'e pe tuweharupi nehe.

Salmos 71:22

Amume'u nekatu haw imume'u àwàm newe. Amupu putar hewioràwiràn imume'u mehe nehe. O hezar, amume'u putar nekatu haw nehe, ta'e ereiko puruwi utyryk 'ym ma'e romo ne xe. Amupu putar hewioràwiràn zegar haw imuzàg pà newe nehe, o Tupàn ikatuahy ma'e Izaew wazar.

Salmos 89:18

Erexarexak urerehe uzekaiw ma'e ne. Ne, Tupàn, Izaew wazar ikatuahy ma'e ne, Ne eremur ureruwihawete urewe ne.

Salmos 9:11

Pezegar Tupàn Tuweharupi Wiko Ma'e Zeruzarez pe har wanuwihawete ikatu haw rehe nehe. Pemume'u hemiapo kwer teko ywy nànànar wanupe nehe.

Salmos 99:2

Tupàn Tuweharupi Wiko Ma'e ikàg Zeruzarez tawhu pupe. Weruze'eg teko ywy nànànar wanereko wà.

Isaías 1:24

A'e rupi, pezeapyaka katu Zanezar ize'eg mehe nehe. Tupàn Tuweharupi Wiko Ma'e Ikàg Wera'u Ma'e romo Izaew wazar Ikàg Ma'e romo hekon a'e. Nezewe uze'eg wemiaihu wanupe. — Azepyk putar penehe nehe, heàmàtyry'ymar wà. Amekuzar putar penemiapo kwer ikatu 'ym ma'e peme nehe.

Isaías 10:24

A'e rupi uze'eg Zanezar Tupàn Ikàg Wera'u Ma'e teko wemiaihu Xiàw rehe har wanupe kury. — Heremiaihu wà, pekyze zo Axir wanuwi nehe. Kwehe mehe Ezit ywy rehe har uzepyk penehe ikatu 'ym ma'e iapo pà peme wà. Nezewegatete Axir uzepyk putar penehe a'e wà nehe no. Uzapo putar ikatu 'ym ma'e peme wà nehe no.

Isaías 24:14

Wikuwe ma'e uzegar putar urywete haw rehe wà nehe. Kwarahy heixe haw kutyr wiko ma'e umume'u putar Tupàn Tuweharupi Wiko Ma'e uhua'u haw a'e wà nehe.

Isaías 24:23

Zahy upytu'u putar uhyape re nehe, ta'e imaranugar putar nehe xe. Kwarahy hakuir putar ukyze haw wi nehe, ta'e Tupàn Tuweharupi Wiko Ma'e Ikàg Wera'u Ma'e wiko putar tuwihawete Xiàw ywytyr rehe nehe xe, Zeruzarez tawhu pe nehe xe. Wemiaihu wanuwihaw wanenataromo wexak kar putar ukàgaw nehe. Wexak kar putar upuràg eteahy haw nehe no.

Isaías 30:19

Teko Zeruzarez pe har wà, Xiàw rehe har wà, pepytu'u putar pezai'o re nehe. Penoz putar pepytywà àwàm nehe. Tupàn Tuweharupi Wiko Ma'e pepuhareko putar nehe. Wenu putar peze'eg nehe. Pepytywà putar nehe.

Isaías 33:21

Tupàn Tuweharupi Wiko Ma'e wiko putar zanepyr a'e pe nehe. Zanezar Ikàg Ma'e Ipuràg Ma'e romo hekon a'e. Heta putar yrykawhu Zeruzarez pe nehe. Heta putar yrykaw tetea'u Zeruzarez pe nehe no. Zaneàmàtyry'ymar nueruata pixik kwaw ukanu pànuhu ywytu ipyhykar hereko har a'e yrykaw rupi wà nehe. Wakanuhu noho kwaw a'e yrykawhu rupi wà nehe.

Isaías 33:24

Ni amo Zeruzarez pe har na'ima'eahy kwaw wà nehe. Tupàn umunàn putar teko wanemiapo kwer ikatu 'ym ma'e paw nehe no.

Isaías 40:9

Ne Zeruzarez tawhu pe uzeapo ma'e kwer ikatu ma'e imume'u har ne, ezeupir eho amo ywytyr iaiha ma'e rehe nehe. Ne Xiàw pe ikatu ma'e uzeapo ma'e kwer imume'u har ne, eze'eg wahy har rupi imume'u mehe nehe. Eze'eg tawhu Zuta ywy rehe har wanupe nekyze 'ym pà nehe. Eze'eg wahy har rupi. — Tupàn pezar uhem iko a'e, ere wanupe nehe.

Isaías 41:14

Tupàn Tuweharupi Wiko Ma'e uze'eg wemiaihu wanupe. — Napeneta tetea'u kwaw. Napekàg kwaw. Nezewe rehe we pekyze zo nehe, ta'e ihe Tupàn Izaew wazar Ikatuahy Ma'e ihe xe, aiko pepyro har romo ihe xe. Apupyro putar ikatu 'ymaw wi nehe.

Isaías 41:16

Pemomor putar ywate pe nehe. Ywytu weraha putar wà nehe. Ywytu ikàg wera'u ma'e umuhàmuhàz putar wà nehe. Na'e penurywete putar nehe, ta'e ihe Tupàn Tuweharupi Wiko Ma'e aiko pezar romo ihe xe. Hemuwete katu putar pe nehe. Aiko Tupàn Izaew wazar Ikatuahy Ma'e romo ihe.

Isaías 49:26

A'u kar putar wo'o kwer peàmàtyry'ymar wanupe nehe. A'u kar putar uwykwer wanupe win ài nehe no. Nezewe mehe teko paw ukwaw putar ihe Tupàn Tuweharupi Wiko Ma'e romo hereko haw wà nehe. Pepyro har romo hereko haw ukwaw putar wà nehe no. Ihe Izaew wazar upuner ma'e ihe, aiko penekuzar imono har romo. Ukwaw putar hereko haw wà nehe no.

Isaías 54:1

Zeruzarez, nanera'yr pixik kwaw ne. Nanememyrahy pixik kwaw. Ezegar nehe kury. Ehapukaz nerurywete romo nehe no, ta'e Tupàn Tuweharupi Wiko Ma'e uze'eg nezewe kury xe. — Kuzà hezar pyrer imemyr wera'u putar kuzà umen ipyr wiko ma'e wi a'e nehe i'i Tupàn.

Isaías 60:16

Amo ae ywy rehe har a'e wà nehe, wanuwihawete a'e wà nehe no, uzekaiw putar nerehe a'e wà nehe. Wiko putar kuzà umemyr pe ukamy imono har ài newe wà nehe. Nezewe mehe erekwaw putar Tupàn Tuweharupi Wiko Ma'e nepyro har romo hereko haw nehe. Erekwaw putar Izaew wazar Upuner Ma'e nemekuzar har romo hereko haw nehe no.

Isaías 8:18

Aiko xe hera'yr Tupàn Tuweharupi Wiko Ma'e hemimur kwer wanehe we ihe. Tupàn Tuweharupi Wiko Ma'e Ikàg Wera'u Ma'e Xiàw rehe wiko ma'e, uremono kar Izaew wamupytuhegatu kar har romo uremuigo kar pà a'e.

Jeremias 10:6

O Tupàn Tuweharupi Wiko Ma'e. Naheta kwaw amo nezewe nugar wà. Nekàga'u no. Nerer upuner wera'u no.

Ezequiel 35:10

Nezewe ereze'eg. — Aiko Zuta wazar romo, Izaew wazar romo no, waiwy izar romo no. Apyhyk putar ihe wà nehe, ere wanupe. Aze Tupàn Tuweharupi Wiko Ma'e wiko xe, nezewe rehe we apyhyk putar ihe wà nehe, ere wanupe.

Ezequiel 39:7

Akwaw kar putar herer ikatuahy ma'e heremiaihu Izaew wanupe nehe. Teko nuze'eg zemueteahy pixik kwaw herer rehe wà nehe. Ihe Tupàn Tuweharupi Wiko Ma'e ihe aiko Izaew wazar ikatuahy ma'e romo ihe. Teko ywy nànànar ukwaw putar herekuwe haw wà nehe.

Ezequiel 43:7

Awa ta'yr, Herenawhu xe hin a'e. Aiko putar xe teko Izaew izuapyapyr wainuinuromo ihe nehe. Aruze'eg putar wanereko tuweharupi ihe wà nehe. Teko Izaew a'e wà nehe, wanuwihawete a'e wà nehe no, numuaiw pixik kwaw herer ikatuahy ma'e a'e wà nehe. Numuwete pixik kwaw amo tupàn a'ua'u. Nuzutym pixik kwaw uwihawete wanetekwer heràpuzuhu huwake wà nehe.

Ezequiel 48:35

Aze xiagaw pàrirogawtàtà tawhu izywyr har ipuku haw paw nehe, heta putar 9 kirom izupe nehe. Ko 'ar henataromo nehe, — Tupàn Tuweharupi Wiko Ma'e wiko xe a'e, i'i putar teko a'e tawhu pe nehe. Her romo nehe. Upaw kwez xe kury. Upaw

Ezequiel 48:8

Zuta ywy izywyr amonokatu putar ywy hemuwete haw rehe har nehe. Aze erezypyrog a'e ywyzaw kwarahy heixe haw awyze har kutyr har pe nehe, aze ereho kwarahy ihemaw awyze har kutyr nehe, heta putar 12,5 kirom a'e ywy ipuku haw nehe. Aze erezypyrog kwarahy ihemaw kutyr har rehe nehe, aze ereho kwarahy heixe haw kutyr nehe, a'e ywy ipupy uhu haw nuzawy kwaw ywy Izaew izuapyapyr wanupe imono pyrer ipupy uhu haw nehe. Heràpuzuhu upyta putar a'e ywy rehe nehe.

Oséias 11:9

Namuigo kar kwaw hekwahy haw hezar romo nehe. Namumaw zuapyr wi kwaw heremiaihu ihe wà nehe. Ta'e Tupàn romo aiko ihe xe. Naiko kwaw teko romo. Ihe Tupàn ikatuahy ma'e ihe, aiko heremiaihu wainuromo ihe. Namumaw zuapyr wi kwaw ihe wà nehe.

Joel 2:27

Pekwaw putar penehe we hereko haw nehe. Pekwaw putar Tupàn Tuweharupi Wiko Ma'e pezar romo hereko haw nehe no. Pekwaw putar amo ae tupàn heta 'ymaw nehe no. Heremiaihu na'imaranugar wi pixik kwaw wà nehe, i'i Tupàn.

Sofonias 2:5

Pezemumikahy nehe, Piri ywy rehe har Mezitehàn yryhu izywyr wiko ma'e wà. Tupàn Tuweharupi Wiko Ma'e umume'u ko ze'eg penehe uze'eg mehe. — Amumaw putar peiwy Kànàà ihe nehe. A'e ywy rehe har paw umàno putar wà nehe.

Zacarias 2:5

Nezewe i'i Tupàn Tuweharupi Wiko Ma'e. A'e ae wiko putar pàrirogaw romo tata iapo pyrer Zeruzarez izywyr a'e nehe. Wiko putar a'e tawhu pupe nehe. Wexak kar putar ukàgaw upuràg eteahy haw a'e pe purupe nehe no.

Zacarias 2:9

A'e rupi ihe ae apuàmàtyry'ym putar ihe nehe. Araha kar putar penemetarer paw pewi nehe, penemipyhyk kwer wanupe nehe, i'i Tupàn peme, a'e wanupe. A'e ma'e izeapo mehe pekwaw putar Tupàn Ikàg Wera'u Ma'e heremimur karer romo heko haw nehe, a'e wanupe.

Números 23:21

Aexak Izaew waneko àwàm ihe. Naheta kwaw iaiw haw wanupe nehe. Naheta kwaw ma'erahy wanupe nehe. Tuweharupi Wiko Ma'e a'e, wazar a'e, wiko wanehe we a'e. Teko uhapukaz wà. — Tuweharupi Wiko Ma'e wiko zaneruwihawete romo a'e, i'i wà.

Deuteronômio 23:15

Aze amo pe uma'ereko e ma'e uzàn uzar wi nehe, — Hepyro pe nehe, aze i'i newe nehe, emono zo izar pe nehe.