Isaías 12:5 - Tupàn zeꞌeg

⁵ Pemuzàg Tupàn Tuweharupi Wiko Ma'e ikatu haw rehe zegar haw nehe, ta'e uzapo ikatuahy ma'e a'e xe. Tuwe teko ywy nànànar ukwaw hemiapo kwer wà nehe.

Isaías 12:5 ပူးပေါင်းရင်းမြစ်များ

Salmos 105:2

Pezegar Tupàn pe nehe. Pemuzàg zegar haw izupe ikatu haw rehe nehe. Peze'eg hemiapo kwer ikatuahy ma'e rehe nehe.

Salmos 72:19

Pemume'u her ikatu haw tuweharupi nehe. Tuwe ikàgaw ipuràg eteahy haw umynehem ywy a'e nehe. Azeharomoete. Azeharomoete.

Salmos 98:1

Pemuzàg amo zegar haw ipyahu ma'e Tupàn Tuweharupi Wiko Ma'e pe nehe, Ta'e uzapo ikatuahy ma'e a'e xe. Weityk wàmàtyry'ymar paw Ukàgaw rupi upuner haw ikatu ma'e rupi a'e wà.

Êxodo 15:1

Na'e Moizez a'e, Izaew izuapyapyr a'e wà no, uzegar Tupàn Tuweharupi Wiko Ma'e pe ko zegar haw imuzàg pà a'e wà kury. Azegar putar Tupàn Tuweharupi Wiko Ma'e pe nehe, ta'e weityk tuwe wàmàtyry'ymar a'e wà xe. Kawaru a'e wà, zauxiapekwer iku'az har a'e wà no, Tupàn weityk yryhu pupe a'e wà.

Êxodo 15:21

Nezewe uzegar Mirià. Zazegar Tupàn Tuweharupi Wiko Ma'e pe nehe. Ta'e wiko ywate a'e 'y. Weityk kawaru a'e wà. Weityk ikupe pe har a'e wà no. Yryhu pupe waneityk pà a'e wà.

Isaías 24:14

Wikuwe ma'e uzegar putar urywete haw rehe wà nehe. Kwarahy heixe haw kutyr wiko ma'e umume'u putar Tupàn Tuweharupi Wiko Ma'e uhua'u haw a'e wà nehe.

Isaías 40:9

Ne Zeruzarez tawhu pe uzeapo ma'e kwer ikatu ma'e imume'u har ne, ezeupir eho amo ywytyr iaiha ma'e rehe nehe. Ne Xiàw pe ikatu ma'e uzeapo ma'e kwer imume'u har ne, eze'eg wahy har rupi imume'u mehe nehe. Eze'eg tawhu Zuta ywy rehe har wanupe nekyze 'ym pà nehe. Eze'eg wahy har rupi. — Tupàn pezar uhem iko a'e, ere wanupe nehe.

Isaías 42:10

Pemuzàg zegar haw ipyahu ma'e Tupàn Tuweharupi Wiko Ma'e pe nehe. Tuwe teko ywy nànànar umume'u ikatu haw wà nehe. Tuwe yryhu rehe kanuhu pupe wata ma'e umume'u ikatu haw wà nehe. Tuwe yryhu pupe wiko ma'e umume'u ikatu haw wà nehe. Tuwe teko ywy muite har nànànar umume'u ikatu haw wà nehe.

Isaías 42:11

Tuwe ywyxiguhu pe har umume'u ikatu haw wà nehe. Tuwe tawhu ywyxiguhu rehe har pe har umume'u ikatu haw wà nehe. Tuwe Kenar tawhu pe har umume'u ikatu haw wà nehe. Xera tawhu pe har wà, penurywete nehe. Pezegar ywytyruhu apyr nehe.

Isaías 44:23

O ywak, ehapukaz nerurywete haw rupi nehe, Tupàn Tuweharupi Wiko Ma'e hemiapo kwer rehe nehe. Pemuzàg Tupàn ikatu haw rehe zegar haw nehe, ywykwar ywy wy pe har. Ywytyruhu wà, ka'a wà, pezegar penurywete haw rupi nehe ta'e Tupàn Tuweharupi Wiko Ma'e upyro Izaew a'e wà xe. Nezewe mehe wexak kar ikàg wera'u haw purupe a'e.

Habacuque 2:14

Yryhu tynehem 'y pupe. Nezewegatete ywy tynehem putar Tupàn ikàgaw ikwaw paw pupe nehe, ipuràg eteahy haw ikwaw paw pupe nehe no.

Malaquias 1:11

Teko amogwer ywy nànànar wainuromo har hemuwete katu wà. Ywy nànàn teko wapy yhyk hemuwete katu haw rehe wà. Umur ma'ea'yr ikatuahy ma'e ihewe wà. Upaw rupi uzeruze'eg herehe wà.

Apocalipse 15:3

Umuzàg Moizez zegar haw 'àm wà. (Moizez Tupàn ze'eg imume'u har kwehe arer romo hekon a'e.) Umuzàg Àràpuhàràna'yr zàwenugar rehe zegar haw 'àm wà no. Urezar ne, Tupàn Ikàg Wera'u Ma'e ne. Uhua'u neremiapo kwer. Ikatuahy neremiapo kwer. Teko ywy rehe har wanuwihaw romo ereiko paw rupi. Aze erezapo kar ma'e nehe, Ikatu putar a'e ma'e nehe. Aze eremume'u ma'e neremiapo ràm nehe, Erezapo putar tuwe a'e ma'e neremimume'u kwer nehe,