Isaías 11:16 - Tupàn zeꞌeg

¹⁶ Kwehe mehe heta Izaew wanape ràm Ezit ywy wi wahem mehe. Nezewegatete heta putar wanape ràm ikatu ma'e Axir ywy wi wahem mehe nehe no. Heremiaihu wikuwe ma'e wata putar a'e pe rupi wà nehe.

Isaías 11:16 ပူးပေါင်းရင်းမြစ်များ

Êxodo 14:22

A'e rupi Izaew izuapyapyr u'yahaw ywy ikàg ma'e rehe wata pà wà. Aiha katu 'y wahurehe. Aiha katu 'y wawyze har rehe no. Wata 'y myter rupi ywy ikàg ma'e rehe wà.

Isaías 1:9

Aze mo Tupàn Tuweharupi Wiko Ma'e Ikàg Wera'u Ma'e numuigo kar iwer mo amo a'e pe har wà, nuzawy iwer mo Xotom tawhu kwehe arer. Zaiko mo tawhu Komor imumaw pyrer kwehe arer ài.

Isaías 10:20

A'e 'ar mehe amo Izaew izuapyapyr wikuwe putar a'e wà rihi. A'e teko nuzeruzar kwaw Axir wanehe wà nehe. Axir wiko Izaew wanupe ma'erahy ipuraraw kar arer romo wà. Uzeruzar putar tuwe Tupàn Tuweharupi Wiko Ma'e Ikatuahy Ma'e rehe wà nehe.

Isaías 11:11

A'e 'ar mehe Zanezar a'e nehe, opo ikàg ma'e rehe we a'e nehe, umuzewyr kar putar wemiaihu amo ywy wi a'e wà nehe. Ko 'ar rehe wiko Axir ywy rehe wà, Ezit ywy rehe wà no, Pat ywy rehe wà, Exio ywy rehe wà no, Eràw ywy rehe wà, Mawiron ywy rehe wà no, Amat ywy rehe wà, Yryhu Mezitehàn her ma'e izywyr rehe wà, yrypypo'o yryhu rehe har wanehe wà no. A'e 'ar mehe umuzewyr kar putar wà nehe.

Isaías 19:23

A'e 'ar mehe heta putar pe ipuku ma'e nehe. Ezit ywy rehe har oho putar Axir pe a'e pe rupi wà nehe. Axir ywy rehe har oho putar Ezit pe a'e pe rupi wà nehe no. Uzemono'ono'og putar Tupàn Tuweharupi Wiko Ma'e imuwete katu pà a'e wà nehe.

Isaías 27:13

A'e 'ar mehe amo upy putar tapi'ak i'ak kwer xi'àm romo iapo pyrer nehe. Izaew izuapyapyr Axir pe heraha pyrer wà nehe, Ezit pe imunehew pyrer wà nehe no, uzewyr putar uiwy rehe a'e 'ar mehe wà nehe. Umuwete katu wi putar Tupàn Tuweharupi Wiko Ma'e ywytyr imonokatu pyrer Zeruzarez pe har rehe wà nehe.

Isaías 49:11

Azapo putar pe ywytyruhu rehe wanupe nehe. Amuhygatu putar pe heremiaihu waho àwàm romo nehe.

Isaías 49:12

Uzewyr putar ywy muitea'u har wanuwi wà nehe. Ur putar kwarahy heixe haw awyze har kutyr wi wà nehe. Ur putar kwarahy heixe haw wi wà nehe no. Ur putar ywy kwarahy hemaw awyze har kutyr har Àxuwà her ma'e wi wà nehe no.

Isaías 51:10

Eremuxinig yryhu. Eremumaw 'y typya'u ma'e. Erezapo pe yryhu myteromo. Eremono kar teko neremipyro kwer a'e pe rupi ne wà.

Isaías 57:14

Tupàn Tuweharupi Wiko Ma'e uze'eg nezewe. — Pemuàgà'ym pe heremiaihu waho àwàm nehe. Pemuhygatu wanape ràm nehe. Nezewe mehe heremiaihu upuner putar ihewe uzewyr haw rehe wà nehe, i'i Tupàn.

Isaías 62:10

Zeruzarez pe har wà, pehem tawhu wi nehe. Pemukatu peànàm uzewyr ma'e ràm wanape ràm nehe. Pemuhygatu wanape ràm nehe. Penuhem ita paw heityk pà amo me nehe. Peupir pàn ze'eg hereko har nehe. Teko paw wexak putar a'e pàn wà nehe. Ukwaw putar a'e ma'e uzeapo romo haw wà nehe no.

Sofonias 2:7

Zuta ywy rehe nehe, teko umàno 'ym ma'e ràm upyta putar ywy yryhu izywyr har rehe wà nehe. Uzekaiw putar weimaw wanehe a'e pe wà nehe. Uker putar tàpuz Akerom tawhu pe har pupe wà nehe. Ta'e ne Tupàn Tuweharupi Wiko Ma'e urezar ne xe, nema'enukwaw putar neremiaihu wanehe nehe xe. Eremuigo kar wi putar hemetarer katu ma'e romo wà nehe. Eremono putar ma'e tetea'u wanupe nehe.