Isaías 10:14 - Tupàn zeꞌeg

¹⁴ Araha ywy nànànar wanemetarer paw ihe. Teko upyhyk ma'erupi'a haity heityk pyrer wi wà. Nazawaiw kwaw heraha haw wanupe. Nezewegatete araha teko wama'e paw ihe no. Ni amo nuzeagaw kwaw hemupytu'u kar pà wà. Nuzawy kwaw wiràmiri upepozaz 'ym ma'e wà. Nuzemuakyr kwaw wà, i'i tuwihawete uzeupe.

Isaías 10:14 ပူးပေါင်းရင်းမြစ်များ

2 Crônicas 32:13

Aipo napekwaw kwaw heremiapo kwer. Ihe ihe, heipy a'e wà nehe, uruityk teko amo ywy rehe har tetea'u ure wà. Aipo wazar tupàn a'ua'u upuner wapyro haw rehe hepo wi a'e wà. Nan.

Jó 31:25

Heremetarer katu kwehe mehe ihe. Nezewe rehe we naiko wera'u kwaw amo wanuwi. — Temetarer imono'ogaw akwaw katu wera'u pewi ihe, na'e kwaw amo wanupe.

Provérbios 18:12

Teko wiko wera'u ma'e wata oho waiko iaiw paw kutyr wà. Teko uze'egatu wiko wera'u 'ym ma'e wanehe wà.

Isaías 14:6

Wikwahy a'e wà, a'e rupi uzapo ikatu 'ym ma'e teko wanupe wà. Wikwahy tuwe wà, a'e rupi upuraraw kar ma'erahy wemityk kwer wanupe wà.

Isaías 37:25

Azapo 'yzygwar amo ae ywy rehe ihe, ere ihewe. Ai'u 'y a'e 'yzygwar wi arer pupe ihe, ere ihewe. — Zauxiapekwer heremiruze'eg wapy umuxinig kar Niru yrykawhu a'e wà, ere ihewe.

Isaías 5:8

Pezemumikahy nehe, tàpuz tetea'u ime'eg kar har wà. Tupàn uzepyk putar penehe a'e nehe, ywy pehegwer tetea'u izar wà. Nan kwehe tete naheta kwaw waneko haw amogwer wanupe nehe. Xo pe zo peiko putar ko ywy rehe nehe.

Jeremias 49:16

Peneko wera'u haw hemu'em peme a'e. — Amo ukyze zanewi a'e wà, peze zo pezeupe nehe. Peiko itakwaruhu pupe ywytyruhu apyr. Peiko ywate wiràhu ài. Nezewe rehe we Tupàn Tuweharupi Wiko Ma'e peneityk putar a'e nehe. Ihe Tupàn Tuweharupi Wiko Ma'e aze'eg kwez kury.

Ezequiel 35:13

Ereze'eg zemueteahy tetea'u herehe. Aenu neze'eg mehe.

Obadias 1:4

Aze pewewe ywate wiràhu ài nehe, aze pezapo penaity zahytata wainuinuromo nehe, ihe apuityk putar a'e wi ihe nehe.

Naum 2:9

Pepyhyk itaxig parat nehe. Peraha itazu or nehe. Tawhu tynehem temetarer pupe a'e. Heta tetea'u ma'e hekuzar katu ma'e xe.