Isaías 1:6 - Tupàn zeꞌeg

⁶ Peàkàg wi te pepy rehe, penetekwer paw rehe heta pepetek awer. Heta tetea'u pekixi awer. Heta tetea'u peperew huwy ma'e no. Ni amo nuhez kwaw pekixi awer wà, peperew wà. Ni amo nomono kwaw pàn xig ma'e peperew rehe wà iwànaw romo wà. Ni amo numukatu kwaw uri kawer pupe wà.

Isaías 1:6 ပူးပေါင်းရင်းမြစ်များ

2 Samuel 14:25

Awa ipuràg eteahy ma'e romo hekon Àmixàràw. Naheta kwaw amo izàwenugar Izaew wainuinuromo wà. Naheta kwaw iro haw hehe, iàkàg wi ipy pe.

Jó 5:18

Tupàn upurumugaz a'e. A'e ae umukatu wemimugaz kwer no. Upurukutuk no. Nezewe rehe we ipo umukatu wemikutuk kwer no.

Salmos 77:2

Ma'erahy ipuraraw mehe aze'eg zanezar pe. Pyhaw aupir hepo izupe heze'eg pà. Nezewe rehe we naherurywete kwaw ihe.

Isaías 30:26

Tupàn umukatu wemiaihu wamuahy kar awer nehe. Umuke'e putar wemiaihu waperew wemiapo kwer nehe no. A'e 'ar mehe zahy uhyape katu putar kwarahy ài nehe. Kwarahy uhyape katu wera'u 7 haw uhyape haw kwehe arer wi nehe. Pitài 'ar rehe ihyape katu haw nuzawy kwaw 7 'ar rehe ihyape katu awer nehe.

Jeremias 17:9

Mo upuner teko wapy'a ikwaw paw rehe wà. Naheta kwaw purupe hemu'em ma'e wazàwenugar wà. Nuzawy kwaw ima'eahy tetea'u ma'e. Naheta kwaw imukatu àwàm.

Jeremias 30:12

Tupàn Tuweharupi Wiko Ma'e uze'eg Zeruzarez tawhu pe kury. — Naheta kwaw imukatu haw 'aw teko wama'eahy haw pe. Waperew nuke'e kwaw.

Jeremias 30:15

Pepytu'u pekutuk awer rehe peze'eg ire nehe. Naheta kwaw imukatu àwàm. Azepyk penehe ihe, ta'e heta tetea'u penemiapo kwer ikatu 'ym ma'e xe. Ta'e pekatu 'ymaw uhua'u a'e no xe.

Jeremias 33:6

Nezewe rehe we amukatu putar 'aw tawhu ihe nehe. Amukatu putar teko ipupe har ihe wà nehe no. Amumaw kar putar kwarahy tetea'u xe zeàmàtyry'ym 'ymaw rehe ihe wà nehe. Ni amo nuzapo kwaw ikatu 'ym ma'e wanupe wà nehe.

Jeremias 6:14

Teko upuraraw ma'erahy wà. Wanuwihaw nuzekaiw kwaw wanemipuraraw rehe wà. — Ikatuahy paw rupi, i'i wà. Azeharomoete paw rupi iaiw.

Jeremias 6:7

— 'Y uhem ytyzuzàmaw wi a'e. Nezewegatete ikatu 'ym ma'e iapo haw uhem Zeruzarez wi a'e no. Tawhu pupe teko uze'eg puruzuka haw rehe wà, ma'e imumaw paw rehe wà no. Xo ma'eahy haw zo aexak. Purukutukaw, purukixi haw, xo a'e zo aexak.

Naum 3:19

Naheta kwaw muhàg wakutuk awer rehe àràm. Naheta kwaw wamukatu àwàm. Ma'erahy ipuraraw pawer imume'u haw henu har paw hurywete wà. Uzepopetepetek wà. Ta'e naheta kwaw wapurumuahy kar awer wi uzepyro ma'e kwer wà xe. Upuraraw kar tuwe ma'erahy purupe tuweharupi wà. Upaw.

Malaquias 4:2

Pe ihewi ukyze ma'e, napemàno kwaw nezewe nehe. Apupyro putar nehe. Pepyro haw nuzawy kwaw kwarahy heny katu haw nehe. Kwarahy uhyape katu ma'e imuigo kar pà. Nezewegatete apumuigo kar putar nehe no. Tapi'aka'yr opoopor pari wi uhem mehe wà. Pepopor putar penurywete haw rehe nezewegatete nehe no.

Mateus 9:12

Wenu Zezuz waze'eg mehe. Uze'eg wanupe. — Teko ima'eahy 'ym ma'e noho kwaw muhàg kwaw par pe wà. Xo ima'eahy ma'e zo oho muhàg kwaw par pe wà, i'i wanupe.

Lucas 10:34

Uhem huwakea'i. Omono muhàg win inuromo iperew rehe. A'e re uwàuwàn iperew pàn pupe no. Upir imono weimaw ku'az kury. Weraha amo tàpuz me kury, wata ma'e waker haw pe kury. A'e pe uzekaiw hehe.