Isaías 1:3 - Tupàn zeꞌeg

³ Tapi'ak ukwaw uzar. Zumen izar umuapyk hemi'u ràm imono izupe. Zumen ukwaw imuapyk àwàm a'e. Heremiaihu nukwaw kwaw ma'e wà. Teko Izaew izuapyapyr nukwaw pixik kwaw ma'e wà, i'i Tupàn.

Isaías 1:3 ပူးပေါင်းရင်းမြစ်များ

Salmos 94:8

Pezeagaw ko ma'e ikwaw pà nehe, iranaiw ma'e wà. Màràn mehe peiko putar ma'e kwaw par romo nehe.

Provérbios 28:5

Ikatu 'ym ma'e nukwaw kwaw katu haw wà. Tupàn Tuweharupi Wiko Ma'e hemimutar ikwaw paw rehe uzeagaw ma'e ukwaw katu ikatu haw wà.

Provérbios 6:6

Iranahy ma'e. Ezemu'e eho tahyw wanehe neme'e pà nehe.

Isaías 27:11

Ywyràkà uxinig upeupen pà. Kuzà omono'og heraha zepe'aw romo wà. Ko teko nukwaw kwaw ma'e wà. A'e rupi Tupàn zaneapo arer nupuhareko kwaw wà nehe. Uzepyk putar tuwe wanehe nehe.

Isaías 42:20

Teko Izaew izuapyapyr wà, pexak ma'e tetea'u pe wà. Napekwaw kwaw ni pitài. Peinu ma'e tetea'u pe. Napezemu'e kwaw ni pitài rehe, i'i Tupàn peme.

Isaías 44:18

Agwer teko nukwaw katu kwaw ma'e wà. Uzeàpumi wà. Nupuner kwaw ma'e hexakaw rehe wà. Uwàpytym uma'enukwaw paw wà no. Nukwaw kwaw ma'e wà.

Isaías 5:12

Pepynykaw pe heta zegar haw wioràwiràn rehe we har. Heta imupu pyr. Heta xi'àm. Heta tetea'u win i'u pyràm no. Napezekaiw kwaw Tupàn Tuweharupi Wiko Ma'e hemiapo ràm rehe. Napezekaiw kwaw hemiapo ko 'ar rehe har rehe no.

Isaías 5:13

Nahereruzar kwaw heremiaihu wà. A'e rupi amo zauxiapekwer weraha putar heremiaihu waiwy wi wà nehe. Teko a'e wà nehe, wanuwihaw a'e wà nehe no, umàno putar uma'uhez pà wiwez tà a'e wà nehe no.

Isaías 56:11

'Aw zawar zàwenugar umai'u tetea'u ma'e romo wanekon wà. Tuweharupi uputar amo wemi'u ràm wà. Hereimaw wamono'ogar nukwaw kwaw ma'e wà. Pitàitàigatu oho wape rupi wà. Xo uma'e rehe zo ima'enukwaw wà.

Jeremias 10:14

Henataromo teko paw wiko iranaiw ma'e romo wà, ma'e kwaw par 'ym romo wà. Ipuràg ma'e iapo har paw imaranugar wemiapo kwer tupàn a'ua'u wanehe wà. Ta'e nuiko kwaw Tupàn azeharomoete har romo wà xe. Nuikuwe kwaw wà.

Jeremias 10:8

Ma'e kwaw katu har ywy nànànar wiko ma'e kwaw 'ymar romo wà. Iranaiwahy paw rupi wà. Aipo tupàn a'ua'u ywyra iapo pyrer upuner wamu'e haw rehe amo ma'e rehe wà.

Jeremias 35:16

Zonanaw izuapyapyr weruzar wàmuz ze'eg wanupe imono pyrer wà. Pe heremiaihu pe, nahereruzar kwaw pe.

Jeremias 4:22

Uze'eg Tupàn kury. — Heremiaihu he'o wà. Nahekwaw kwaw wà. Nuzawy kwaw kwarer iranaiwahy ma'e wà. Nukwaw kwaw ma'e wà. Ukwaw katu ikatu 'ym ma'e iapo haw wà. Nukwaw kwaw ikatu ma'e iapo haw wà, i'i Tupàn.

Jeremias 50:6

Teko heremiaihu nuzawy kwaw àràpuhàràn ywytyr rehe ukàzym ma'e wà. Wanehe uzekaiw ma'e nuzekaiw katu kwaw wanehe wà. Wata àràpuhàràn ài amo ywytyr wi amo pe wà. Heharaz weko awer wi wà.

Jeremias 8:7

Pykahu wà, hoko wà no, wiriri wà no, ukwaw amo ywy kutyr uwewe haw 'ar wà. Hokoxig ukwaw uzewyr haw 'ar wà no. Pe heremiaihu wà, naperuzar kwaw heze'eg peme heremimono kwer.

Ezequiel 16:30

Tupàn Tuweharupi Wiko Ma'e umume'u ko ma'e kury. — Erezapo a'e ma'e paw kuzàwyzài imaranugar 'ym ma'e romo nereko pà.

Daniel 9:11

Teko Izaew paw uzuhaw neze'eg wà. Nuweruzar kwaw neremiapo kar haw wà. Uruzapo ikatu 'ym ma'e nerenataromo. A'e rupi eremu'ar kar ze'egaiw urerehe, iaiw haw imu'ar kar pà urerehe no. Kwehe mehe Moizez neremiruze'eg umuapyk a'e iaiw haw pape rehe.

Oséias 2:8

Nukwaw kwaw arozràn izupe imur arer romo hereko haw. Nukwaw kwaw win izupe imur arer romo hereko haw. Nukwaw kwaw uri kawer izupe imur arer romo hereko haw. Ihe amono ma'e tetea'u parat iapo pyrer izupe ihe. Amono ma'e tetea'u or iapo pyrer izupe ihe no. A'e ae omono e a'e ma'e tupàn ua'u Ma'aw her ma'e pe a'e.

Mateus 13:19

Aze awa wenu Tupàn pureruze'egaw rehe ze'egaw a'e nehe, aze nukwaw katu kwaw a'e nehe, a'e awa nuzawy kwaw ma'eà'yz pe rupi u'ar ma'e kwer a'e nehe. Zurupari ur putar ipyr a'e nehe, o'ok putar Tupàn ze'eg ipy'a wi a'e nehe.

Romanos 1:28

Agwer teko a'e wà, nuzekaiw kwaw ze'eg azeharomoete har ikwaw paw rehe a'e wà. A'e rupi Tupàn nezewe i'i iko wanupe a'e. — Tuwe ima'enukwaw ikatu 'ym ma'e rehe a'e wà nehe, i'i iko wanupe. A'e rupi uzapo ikatu 'ym ma'e waiko a'e wà kury.

2 Pedro 3:5

Heharaz Tupàn ikàgaw wi wà. Kwehe mehe Tupàn uze'eg a'e, ywak ywy iapo pà a'e. Heharaz iapo awer wi wà, ta'e heharaz wer izuwi wà xe. Tupàn uzapo ywy 'y pupe a'e, imuhem kar pà 'y wi a'e.