Isaías 1:29 - Tupàn zeꞌeg

²⁹ A'e 'ar mehe pemaranugar putar ywyra penemimuwete wanuwake har wanehe nehe. Kwehe mehe ikatuahy a'e ywyra peme wà. Pezapo ma'etymaw tupàn a'ua'u penemimuwete waiwyr. Ikatuahy peme. Amo 'ar mehe pepytu'u putar hehe pezeruzar ire nehe.

Isaías 1:29 ပူးပေါင်းရင်းမြစ်များ

Isaías 30:22

Pepyhyk putar tupàn a'ua'u itaxig parat pupe iapeao pyrer pe wà nehe, wanagapaw itazu or pape zàwenugar pupe iwàiwàn pyrer pe wà nehe no. Na'e peityk putar iaiw ma'e ài pe wà nehe. — Peho muite xe wi kury, peze putar wanupe nehe.

Isaías 31:7

A'e 'ar mehe peityk putar tupàn a'ua'u itaxig parat pupe itazu or pupe iapeao pyrer nehe. Xo ikatu 'ym ma'e zo uzapo kar peme wà. Peityk pe wà nehe.

Isaías 42:17

Aityk putar tupàn a'ua'u wanagapaw wanehe uzeruzar ma'e paw ihe wà nehe. Amuigo kar putar ikàg 'ym ma'e romo wà nehe. — Peiko urezar romo, aze amo i'i tupàn a'ua'u wanagapaw wanupe wà nehe, azapo putar nezewegatete wanupe nehe no.

Isaías 45:16

Tupàn a'ua'u iapo har wiko putar ikàg 'ym ma'e romo wà nehe. Imaranugar putar upaw rupi katete wà nehe.

Isaías 57:5

Pepyta ywyra i'àgaw iwy pe. A'e pe pezemono iaiw ma'e iapo haw pe. Peker kuzàwyzài wapuhe tupàn a'ua'u wamurywete kar pà. — Nezewe mehe umuezuz kar zaneremi'u ràm wà nehe, peze pezeupe. — Nezewe mehe zanemupurumuzàg kar putar wà nehe no, peze pezeupe. Itakwaruhu yrykaw huwake har pupe pezuka pena'yr tupàn a'ua'u wamuwete pà pe wà.

Isaías 65:3

Tuweharupi uzapo ikatu 'ym ma'e herenataromo umaranugar 'ym pà wà. Uzuka ma'ea'yr tupàn a'ua'u wanupe wà, ma'etymaw a'e tupàn a'ua'u wanupe imonokatu pyrer rehe wà. Wapy yhyk hyàkwegatu ma'e tupàn a'ua'u wanenataromo ma'ea'yr hapy haw rehe wà.

Isaías 66:17

Tupàn Tuweharupi Wiko Ma'e uze'eg kury. — Amo teko uzemukatu a'e wà, ma'e tetea'u iapo pà uzekwaku pà a'e wà. A'e re wixe xaxeto rupi ma'etymaw imonokatu pyrer pe wà. A'e teko u'u tàzàhuràn ho'o kwer wà no. U'u aguza wà. U'u amo temi'u ihewe ikatu 'ym ma'e wà no. Azuka kar putar a'e teko ihe wà nehe,

Jeremias 2:20

Tupàn Tuweharupi Wiko Ma'e uze'eg kury. — Teko Izaew izuapyapyr wà, kwehe mehe pepytu'u hereruzar ire. Napepureruzar wer kwaw herehe. Napepurumuwete wer kwaw herehe no. Ywytyr aiha ma'e nànàn, ywyra u'àgaw hereko har nànàn, pe'aw kuzà wyzài wapuhe tupàn a'ua'u wamuwete pà.

Jeremias 3:6

Zuzi tuwihawete romo heko mehe Tupàn Tuweharupi Wiko Ma'e uze'eg wi ihewe. — Erexak Izaew wanemiapo kwer iko. Nuzawy kwaw kuzà umen 'ym puhe oho ma'e. Uzewyr ihewi ukupe hexak kar pà ihewe. Uzeupir ywytyr aiha ma'e nànàn. Upyta ywyra i'àgaw hereko har nànàn no. Nuzawy kwaw kuzà wyzài.

Ezequiel 16:63

Amunàn putar neremiapo kwer ikatu 'ym ma'e ihe nehe. Nezewe rehe we nema'enukwaw putar hehe nehe. Nemaranugar putar neze'eg 'ym pà nehe. Ihe Tupàn Tuweharupi Wiko Ma'e aze'eg kwez kury.

Ezequiel 36:31

Pema'enukwaw putar penemiapo kwer iaiw ma'e rehe nehe, ikatu 'ym ma'e iapo awer rehe nehe. — Azeharomoete xiapo ikatu 'ym ma'e, peze putar pezeupeupe nehe. Penemiapo kwer iro putar peme nehe.

Ezequiel 6:13

Umàno ma'e kwer wanetekwer uhàuhàz putar tupàn a'ua'u wainuinuromo wà nehe, ma'ea'yr hapy haw izywyzywyr wà nehe no. Teko wapy ma'e tupàn a'ua'u wanenataromo wà. Wanetekwer uhàuhàz putar a'e pe wà nehe: ywytyr rehe wà nehe, ywytyruhu apyr nànàn wà nehe no, ywyra ikyr katu ma'e paw wawype wà nehe no, ywyra kawar her ma'e uhua'u ma'e wawy pe wà nehe no. Nezewe mehe teko paw ukwaw putar Tupàn Tuweharupi Wiko Ma'e romo herekuwe haw a'e wà nehe.

Oséias 14:3

Axir nupuner kwaw urepyro haw rehe wà. Zauxiapekwer kawaru ku'az har nupuner kwaw urerehe uzekaiw katu haw rehe wà. — Peiko urezar romo, nuru'e pixik kwaw tupàn a'ua'u ureremiapo kwer wanupe nehe. Ne Tupàn urepuhareko katu pe ne. Xo ne zo erezekaiw katu putar ma'e hereko 'ymar wanehe ne, peze izupe nehe.

Oséias 14:8

Teko Izaew uze'eg putar nezewe wà nehe. — Na'ikatu pixik kwaw tupàn a'ua'u wà, i'i putar wà nehe. Ihe Tupàn Tuweharupi Wiko Ma'e ainu katu heremiaihu waneminoz ihe. Ihe azekaiw katu wanehe ihe. Aiko ywyra pin 'yw her ma'e ài. Teko upyta he'àg rehe wà. Amono ikatu ma'e paw purupe ihe no, i'i Tupàn.

Oséias 4:13

Uzuka ma'ea'yr a'e tupàn a'ua'u wanenataromo wà, ma'ea'yr hapy haw ywytyr apyr rehe har pe wà. Wapy yhyk a'e pe ywyra kawar her ma'e wy pe wà. Wapy yhyk amo ywyra huwer katu ma'e wy pe wà no. A'e ywyra i'àg ikatuahy teko wanupe. — Nezewe mehe wanazyr uzeapo putar kuzàwyzài romo wà nehe. Wana'yraty uker putar oho umen 'ym wapuhe wà nehe no.

Oséias 4:19

Ywytu weraha putar muite wà nehe. A'e teko imaranugar putar tupàn a'ua'u wamuwete awer rehe wà nehe.

Romanos 6:21

Ikatu 'ym ma'e penemiapo kwer a'e 'ar mehe arer a'e, aipo ikatu peme a'e. Nan kwaw pa. Penemiapo kwer rehe pema'enukwaw mehe pemaranugar Tupàn wi kury. Ikatu 'ym ma'e iapo har umàno putar a'e wà nehe.