Isaías 1:20 - Tupàn zeꞌeg

²⁰ Aze peiko hereruzar 'ymar romo nehe, aze peiko wiwi heze'eg heruzar 'ymar romo nehe, aze hereityk pe nehe, zauxiapekwer pezuka putar zeàmàtyry'ymawhu pe wà nehe. Ihe, Tupàn Tuweharupi Wiko Ma'e ihe, aze'eg kwez ihe kury, i'i Tupàn Tuweharupi Wiko Ma'e.

Isaías 1:20 ပူးပေါင်းရင်းမြစ်များ

Jó 36:12

Nuzekaiw kwaw Tupàn rehe wà. A'e rupi umàno ma'e ikwaw 'ym pà wà. Uwahaw yrykawhu oho umàno ma'e kwer wapyta haw pupe wixe pà wà.

Êxodo 9:2

Aze neremuhem kar kwaw xe wi ne wà nehe, aze eremupyta kar wi xe ne wà nehe,

Isaías 3:11

Tuwe ikatu 'ym ma'e uzemumikahy wà nehe. Waneko haw na'ikatu kwaw nehe. Uzapo ikatu 'ym ma'e amogwer wanupe wà. Nezewegatete amogwer uzapo putar ikatu 'ym ma'e wanupe wà nehe no.

Isaías 3:25

Zauxiapekwer uzuka putar awa Zeruzarez pe har zeàmàtyry'ymawhu pe a'e wà nehe, te ipuruzukaiw wera'u ma'e umàno putar wà nehe.

Isaías 34:16

Pekar Tupàn Tuweharupi Wiko Ma'e ipape nehe. Pemugeta nehe: Ma'ea'yr xe heremimume'u kwer paw wiko putar a'e pe wà nehe. Upaw rupi wiko putar a'e pe uzehe we har wainuromo wà nehe, ta'e Tupàn Tuweharupi Wiko Ma'e umuigo kar putar a'e pe wà nehe xe. Hekwe omono'og putar a'e miar a'e ma'ea'yr paw a'e pe wà nehe.

Isaías 40:5

Na'e Tupàn Tuweharupi Wiko Ma'e wexak kar putar ukàgaw upuràgaw a'e nehe. Teko paw wexak putar wà nehe. Tupàn Tuweharupi Wiko Ma'e ae umume'u a'e ma'e iapo àwàm a'e.

Isaías 58:14

Aze peruzar heze'eg nehe, aiko putar pemurywete kar har romo ihe nehe. Apupytywà putar ikatu 'ym ma'e paw heityk pà nehe. Penurywete putar ywy peipy Zako pe heremimono kwer rehe nehe. Ihe Tupàn Tuweharupi Wiko Ma'e aze'eg kwez ihe kury.

Isaías 65:12

Nezewe haw uzeapo putar peme nehe. Amo pezuka putar takihepuku pupe wà nehe. Apumuapyk kar putar pepenàràg rehe pezuka kar pà wanupe nehe. Ta'e ihe apuenoenoz ihe xe. Napewazar kwaw heze'eg ihewe. Aze'eg peme. Napezekaiw kwaw herehe. Pezapo ihewe iro ma'e. Pexaexak ma'e hemuikwahy kar haw no, i'i Tupàn.

Isaías 8:6

— Aw teko nuputar kwaw 'y ikatu ma'e yrykaw Xiroe her ma'e rupi har a'e wà. Ukyze tuwihawete Hezim wi wà. Ukyze tuwihawete Pek wi wà no. Uryryryryz waiko ukyze haw rehe wà.

Jeremias 17:27

Aze nahereruzar kwaw wà nehe, aze nomonokatu kwaw mytu'u haw 'ar ihewe wà nehe, aze werur ipuhuz ma'e tawhu hukenawhu rupi wà nehe, amunyk putar tata a'e ukenawhu rehe ihe nehe. A'e tata wapy putar tàpuzuhu Zeruzarez pe har paw nehe. Ni amo nupuner kwaw imuwew kar haw rehe wà nehe, i'i Tupàn ihewe.

Jeremias 21:8

— Emume'u amo ma'e teko wanupe nehe no, i'i Tupàn ihewe kury. — Pezeapyaka katu nehe. Ihe Tupàn Tuweharupi Wiko Ma'e aexak penape ràm peme: penekuwe haw piar, aze ru'u, pemàno àwàm piar.

Jeremias 26:4

— Emume'u amo ma'e teko wanupe nehe kury, i'i Tupàn ihewe. — Ihe Tupàn Tuweharupi Wiko Ma'e amume'u ko ma'e peme kwehe mehe ihe. — Hereruzar pe nehe, peata peho hepurumu'e haw peme heremimur kwer rupi nehe, a'e peme.

Jeremias 4:17

Umàmàn putar Zeruzarez izywyr wà nehe. Nuzawy kwaw awa ma'etymaw rehe uzekaiw ma'e wà. Ta'e zapytu'u Tupàn heruzar ire zane xe.

Jeremias 46:14

— Pemume'u ko ze'eg tawhu Ezit ywy rehe har nànàn nehe: Miginow pe, Men pe, Tapinez pe. — Pezemuàgà'ym pezepyro àwàm rehe nehe. Peàmàtyry'ymar umumaw putar pema'e paw zeàmàtyry'ymawhu pe wà nehe.

Levítico 26:25

— Pezàmàtyry'ym heremiaihu peho pe wà nehe, a'e putar teko peàmàtyry'ymar wanupe nehe. Nezewe azepyk putar penehe nehe, ta'e pezuhaw peze'egaw herehe we penemiapo katu kwer xe. Aze pezemono'og tawhu pupe peàmàtyry'ymar wanuwi pehem pà nehe, amono putar ma'eahy haw iaiw ma'e penehe nehe. A'e mehe peàmàtyry'ymar pepyhyk putar wà nehe.

Levítico 26:33

Azapo kar putar zeàmàtyry'ymawhu purupe nehe. Pehàpehàz putar ywy nànàn nehe. Naheta kwaw teko peywy rehe wiko ma'e wà nehe. Tawhu upyta putar heityk pyrer romo wà nehe.

Miquéias 4:4

Ikatuahy putar waneko àwàm paw teko wanupe nehe. Pitàitàigatu upytu'u ma'e'yw pi her ma'e iwype nehe, uwà 'yw iwype nehe. Ko ma'e Tupàn Tuweharupi Wiko Ma'e Ikàg Wera'u Ma'e umume'u iko a'e.

Números 23:19

Tupàn nahemu'em kwaw teko wazàwe a'e. Nuiko kwaw teko romo. Nuzewyr kwaw uze'eg awer wi. Aze Tupàn umume'u wemiapo ràm, aipo nuzapo kwaw. — Azapo putar ihe nehe, i'i. Uzapo tuwe a'e.

Tito 1:2

Tupàn nahemu'em pixik kwaw a'e. Kwehe mehe, ywy iapo 'ym mehe we, uze'eg nezewe. — Aze teko uzeruzar hera'yr rehe wà nehe, a'e mehe amuigo kar putar a'e teko hepyr tuweharupi ihe wà nehe, i'i. Apurumu'e aha teko ko ze'eg rehe ihe. Xiàro ipyr zaneho àwàm zaiko zane.

1 Samuel 12:15

Aze napeinu kwaw Tupàn Tuweharupi Wiko Ma'e ze'eg nehe, aze naperuzar kwaw nehe, Tupàn wiko putar peàmàtyry'ymar romo a'e nehe. Wiko putar penuwihawete iàmàtyry'ymar romo a'e nehe no, i'i Xamuew teko wanupe.

1 Samuel 12:25

Aze pezapo wi wi ikatu 'ym ma'e peho peiko nehe, azeharomoete pekàzym putar nehe. Penuwihawete ukàzym putar a'e nehe no.

1 Samuel 15:29

Tupàn Izaew wazar ikàg ma'e a'e, nahemu'em pixik kwaw a'e. Aze ipurapo wer amo ma'e rehe, uzapo a'e ma'e. Nuiko kwaw awa romo kuzà romo a'e. A'e rupi nuzewyr kwaw wemimume'u kwer wi a'e, i'i Xamuew izupe.