Hebreus 7:21 - Tupàn zeꞌeg

²¹ Tupàn umume'u a'e ma'e izupe. A'e rupi Zaneruwihawete wiko tuwe xaxeto romo a'e, purupytywà har romo a'e. Nezewe i'i ze'eg kwehe arer. — Zanezar Tupàn umume'u tuwe ma'e kwez Zaneruwihawete pe a'e. Numuzewyr pixik kwaw uze'eg awer nehe. Ereiko putar xaxeto romo nehe, ereiko putar purupytywà har romo tuweharupi nehe, nepytu'u 'ym pà nehe, i'i Zaneruwihawete pe.

Hebreus 7:21 ပူးပေါင်းရင်းမြစ်များ

Salmos 110:4

Tupàn Tuweharupi Wiko Ma'e umume'u ko ma'e wemiapo ràm a'e. Nuzewyr kwaw uze'eg awer wi nehe. — Ereiko putar xaxeto romo tuweharupi nehe, Mekizetek haikweromo har romo nereko pà nehe, i'i Tupàn.

Números 23:19

Tupàn nahemu'em kwaw teko wazàwe a'e. Nuiko kwaw teko romo. Nuzewyr kwaw uze'eg awer wi. Aze Tupàn umume'u wemiapo ràm, aipo nuzapo kwaw. — Azapo putar ihe nehe, i'i. Uzapo tuwe a'e.

Romanos 11:29

Aze Tupàn wexaexak amo teko uzeupe a'e wà nehe, ikatu ma'e iapo pà wanupe a'e wà nehe, nupuir kwaw wanuwi a'e re a'e nehe.

Hebreus 5:6

Amo 'ar mehe uze'eg nezewe izupe. — Ereiko putar heràpuz rehe uzekaiw ma'e romo tuweharupi nehe. Nerepytu'u pixik kwaw hehe uzekaiw ma'e romo nereko re nehe. Mekizetek haikwerupi har romo ereiko putar nehe, i'i izupe. (Mekizetek a'e, Xaxeto kwehe arer romo hekon a'e.)

Hebreus 7:17

Nezewe i'i Tupàn ze'eg pape rehe imuapyk pyrer a'e. — Ereiko putar xaxeto romo tuweharupi nehe, nepytu'u 'ym pà nehe. Mekizetek haikwerupi har romo ereiko. Izàwenugar romo ereiko.

Hebreus 7:20

— Ereiko putar heràpuz rehe uzekaiw ma'e romo tuweharupi nehe, nerepytu'u kwaw teko wapytywà re nehe, i'i Tupàn a'e, Zaneruwihawete pe a'e. Nuze'eg pixik kwaw nezewe amogwer xaxeto wanupe.

Hebreus 7:23

Nuiko kwaw amogwer xaxeto wazàwe a'e. Heta tetea'u a'e wà, ta'e umàno a'e wà xe. A'e rupi upytu'u xaxeto romo wiko re wà.

Hebreus 7:28

Nezewe i'i Moizez ze'eg kwehe arer a'e. — Àràw izuapyapyr a'e wà, wiko putar xaxeto romo a'e wà nehe, i'i teko wanupe. Àràw izuapyapyr a'e wà, nutyryk kwaw ikatu 'ym ma'e wi tuweharupi a'e wà. A'e rupi ko 'ar rehe kury, Tupàn uze'eg kwez wa'yr pe kury. — Ereiko putar heràpuz rehe uzekaiw ma'e romo tuweharupi nehe, nepytu'u 'ym pà nehe, i'i kwez izupe. Ta'e ta'yr nuzapo pixik kwaw ikatu 'ym ma'e a'e xe.

1 Samuel 15:29

Tupàn Izaew wazar ikàg ma'e a'e, nahemu'em pixik kwaw a'e. Aze ipurapo wer amo ma'e rehe, uzapo a'e ma'e. Nuiko kwaw awa romo kuzà romo a'e. A'e rupi nuzewyr kwaw wemimume'u kwer wi a'e, i'i Xamuew izupe.