Hebreus 7:10 - Tupàn zeꞌeg

¹⁰ Erewi nuzexak kar kwaw a'e 'ar mehe a'e rihi. Wine wàmuz hetekwer pupe rihi. Tàmuz wexak Mekizetek a'e, Erewi izexak kar 'ym mehe a'e rihi.

Hebreus 7:10 ပူးပေါင်းရင်းမြစ်များ

Gênesis 35:11

Umume'u amo ae ma'e izupe no. Aiko Tupàn ikàg wera'u ma'e romo ihe. Heta tetea'u putar nera'yr newe wà nehe. Tuwe heta tetea'u nezuapyapyr newe wà nehe. Amo teko pitài teko romo wamono'og pyràm uhua'u ma'e uhem putar newi wà nehe. Teko tetea'u uhem putar newi wà nehe no. Amo nepurumuzàmuzàg wiko putar tuwihawete romo a'e wà nehe no.

Gênesis 46:26

Zako izuapyapyrete Ezit ywy rehe oho ma'e kwer a'e wà, 76 waneta haw a'e wà. Napapar kwaw ta'yr wanemireko xe ihe wà.

1 Reis 8:19

Nerezapo kwaw nehe. Nera'yr zo uzapo putar ihewe a'e nehe, i'i Tupàn heru Tawi pe.

Hebreus 5:6

Amo 'ar mehe uze'eg nezewe izupe. — Ereiko putar heràpuz rehe uzekaiw ma'e romo tuweharupi nehe. Nerepytu'u pixik kwaw hehe uzekaiw ma'e romo nereko re nehe. Mekizetek haikwerupi har romo ereiko putar nehe, i'i izupe. (Mekizetek a'e, Xaxeto kwehe arer romo hekon a'e.)

Hebreus 7:11

Tupàn omono uze'eg kwehe arer Izaew izuapyapyr wanupe a'e. Umuigo kar Erewi izuapyapyr wàpuz rehe uzekaiw ma'e romo a'e wà, Izaew izuapyapyr wapytywà har romo a'e wà. Aze mo Erewi izuapyapyr wama'ereko awer ikatuahy Tupàn pe, a'e mehe mo nuzexak kar iwer mo amo ae xaxeto zanewe. Nuhyk kwaw wama'ereko haw Tupàn pe. A'e rupi uzexak kar amo ae xaxeto a'e. Mekizetek haikweromo har romo hekon a'e. Nuiko kwaw Àràw haikweromo har romo. (Nuiko kwaw Erewi hemimino romo.)

Hebreus 7:5

Erewi izuapyapyr a'e wà, Xaxeto a'e wà, omono'og Izaew izuapyapyr wanemetarer ikurer a'e wà, ta'e ze'eg kwehe arer omono'og kar nezewe wanupe a'e xe. Wànàm umur wemetarer ikurer wanupe wà. Àmàrààw izuapyapyr romo wanekon paw rupi katete wà.

Hebreus 7:9

Àmàrààw omono uma'e ikurer izupe a'e. (Erewi nuzexak kar kwaw a'e 'ar mehe a'e rihi. A'e rupi wine Àmàrààw hetekwer pupe a'e rihi.) A'e rupi — Erewi a'e no, omono uma'e kurer izupe a'e no, za'e izupe. Ta'e tàmuz Àmàrààw omono izupe xe.